عاجل جدًا: استفسارات عن(المؤتمر الدولي للتعليم العالي 6-9جمادى الآخرة 1434) - الرياض

السلام عليكم ورحمة الله وبركاته


يا أخوان ويا أخوات المعرض راح يفتتح الأسبوع الجاي
الأكيد: أنه مهم جدا جدا. ولكن السؤاال من أي ناحية مهم؟


هل ممثلين الجامعات يعطون قبولات مشروطة/ غير مشروطة ؟
أم فقط يوزعون: بروشورات/ كتيبات ...الخ ويجابون على أسئلة الزوار؟


إذا كان يعطون قبولات:وش الورق المطلوب نجهزه؟
الترانسكربت عندي الاصلي بس وبالعربي
اترجمه واانسخ منه عدة نسخ........ بعدها اوديه للكلية يختمون على النسخ ولا مايحتاج ختم على النسخ؟؟؟




* ارجوكم: اللي راحوا للمعارض اللي طافت وأصحاب الخبرة هم اللي يجابون
أخاف أحد ماجرّب ويجاوب ثم مايكون جوابه دقيق .




في إنتظاركم ( وفقنا الله وياكم لما يحب ويرضى).

إذا ماحصلت جواب عندكم,
قولوا لي مين راح يجاوبني !!! !




:)

اتمنى تجد من يفيدك ويفيدنا لان وجدت موضوعك من خلال بحثي بالمنتدى

بالتوفيق اخي العزيز

أضم صوتي لصوتك

وكلنا ننتظر ( الجواب ) ....

اختي ما اخفيكي جاتني معلومات انه ممكن يفيد من ناحية احظار القبول يخذو اوراقك على حسب اللي قال لي ويراسلوكي .... انا ما رحت لاني لم اعادل شهادتي عند شركة wes فما اعتقد بستفيد شي لان هذي اول خطوه في المعادله بالنسبه لمن يريد اكمال الدراسة بامريكا

اتمنى ان اكون افدتك بمعلومات اخذتها من غيري

يا ساتر ايش اللي اعادل؟
اصلا الترانسكربت لسى بالعربي ماترجم.
شكرًا النايف على تجاوبك,ولو رحت راح أكتب لك تجربتي .

- * - * - *


خلاص بكرة المعرض:
أي إظافات يا أخوان ...؟


ا

باقي ساعات على المؤتمر مافي احد يقدر يفيدنا ؟؟

السلام عليكم توي اشوف الموضوع هذا موضوع لزيارتي اليوم للمعرض http://www.mbt3th.us/vb/forum14/thre...post1062292626
واي استفسار عندكم وكانت عندي المقدرة للاجابة ابشروا بسعدكم حنا عيال بطن واحد اذا ماساعدنا بعض الوقت هذا متى اجل الله يسهلكم يارب

بصراحة العام الماضي تم انتدابنا كاعضاء هيئة تدريس لهالمؤتمر
وللاسف الشديد كله استعراض جامعات سعودية كل جامعة متفننة بشكل قسمها
تقريبا مريت على اغلب الجامعات الاجنبية خصوصا الامريكية بحكم ابتعاثي سيكون لها
طبعا بعض الجامعات ينتدبو سعودين مبتعثين فيها للرياض لتمثيل الجامعة اذكر اني رحت احدى الجامعات ولقيت بالقسم سعودي كنت اسئله عن وضع الجامعة والمدينة جلس يرفع فيها ويمدحها
المفاجاة بعد فترة اثناء مراسلتي الجامعات اونلاين صادف وابتعث احد زملائي لهذه المدينة وليته مابتعث لان صراحة المدينة من اسوا المدن تقريبا تبعد عن نيويورك 50 دقيقة ومعدل الجرايم فيها مرتفع جدا
لدرجة ان زميلي يقول مقدر اطلع من الحرم الجامعي بروحي ابسط حاجة بيسرقوني لازم نكون 4 اشخاص او اكثر نطلع مرة وحدة ...انا اللي قاهرني هالطالب اللي يمثل الجامعة طيب انت كمواطن المفروض تقول لنا الحقيقة
مو تكذب علينا وتوهمنا بالجامعة والمدينة ونتعشم خير وبالاخير جرايم وسرقات .. ع فكرة جاني قبول منها لكن الحمدلله اني مارحت لها حاليا بسان دييغو

سالفة انك تاخذي قبول انسيها كلهم قالو قدم اونلاين ما نستلم اوراق بعضهم يقولون اكتبي ايميلك ورقم جوالك ونتواصل معك انتبهي من هالنقطة بالذات وراح تلاحظيها بعدين
يعطون ايميلك لمكاتب قبولات ويراسلونك لدرجة ان بعضهم يكتب لك القبول مجاني شي مايصدق والله او يزعجونك ع الجوال بمسجاتهم
خصوصا لما يبدا برنامج الابتعاث يقروشونك
والله مافيه احد تواصل معي ما غير مبلشينا بالرسايل
عطيهم ايميل ماتستخدمينه او جوال ثانوي مش اساسي لك تجنبا للازعاج

ماحبيت اطلع بدون ماكتب تجربتي
بالتوفيق خيتي

اقتباس:

---

المشاركة الأصلية كتبت بواسطة رآقي

بصراحة العام الماضي تم انتدابنا كاعضاء هيئة تدريس لهالمؤتمر
وللاسف الشديد كله استعراض جامعات سعودية كل جامعة متفننة بشكل قسمها
تقريبا مريت على اغلب الجامعات الاجنبية خصوصا الامريكية بحكم ابتعاثي سيكون لها
طبعا بعض الجامعات ينتدبو سعودين مبتعثين فيها للرياض لتمثيل الجامعة اذكر اني رحت احدى الجامعات ولقيت بالقسم سعودي كنت اسئله عن وضع الجامعة والمدينة جلس يرفع فيها ويمدحها
المفاجاة بعد فترة اثناء مراسلتي الجامعات اونلاين صادف وابتعث احد زملائي لهذه المدينة وليته مابتعث لان صراحة المدينة من اسوا المدن تقريبا تبعد عن نيويورك 50 دقيقة ومعدل الجرايم فيها مرتفع جدا
لدرجة ان زميلي يقول مقدر اطلع من الحرم الجامعي بروحي ابسط حاجة بيسرقوني لازم نكون 4 اشخاص او اكثر نطلع مرة وحدة ...انا اللي قاهرني هالطالب اللي يمثل الجامعة طيب انت كمواطن المفروض تقول لنا الحقيقة
مو تكذب علينا وتوهمنا بالجامعة والمدينة ونتعشم خير وبالاخير جرايم وسرقات .. ع فكرة جاني قبول منها لكن الحمدلله اني مارحت لها حاليا بسان دييغو

سالفة انك تاخذي قبول انسيها كلهم قالو قدم اونلاين ما نستلم اوراق بعضهم يقولون اكتبي ايميلك ورقم جوالك ونتواصل معك انتبهي من هالنقطة بالذات وراح تلاحظيها بعدين
يعطون ايميلك لمكاتب قبولات ويراسلونك لدرجة ان بعضهم يكتب لك القبول مجاني شي مايصدق والله او يزعجونك ع الجوال بمسجاتهم
خصوصا لما يبدا برنامج الابتعاث يقروشونك
والله مافيه احد تواصل معي ما غير مبلشينا بالرسايل
عطيهم ايميل ماتستخدمينه او جوال ثانوي مش اساسي لك تجنبا للازعاج

ماحبيت اطلع بدون ماكتب تجربتي
بالتوفيق خيتي

---

طيب اخوي هل اقدر استفيد منهم من ناحية المعادلة ؟؟؟ انا خريج تقنية وتكون معادله نهائية