فرصتنا في البعثه هل تتحقق في ظروف آمنه؟

الأخوه والأخوات الأفاضل في مبتعث
تحيه طيبه لإجتماعاتكم الرائعه وتعاونكم ومساعداتكم الفعاله لكل سائل ومحتار
وبعد...
انا عندي استفسار نفسي احد مختص يجاوب عليه او احد مسؤول او احد واثق من معلوماته ومصادره اكيده
انا وزوجي ناوين نطلع بعثه طبعا زوجي قدم على المرحله الأولىوجاه قبول وكل شي حتى طلع الضمان المالي بس قدر الله وصار لنا ظرف طارئ وماقدرنا نكمل الإجراءات
واللحين ودنا نطلع عالمرحله الرابعه الجايه بإذن الله لكن المشكله ان زوجي خريج دبلوم وهذي السنه الثامنه لتخرجه يعني ما اظن تنطبق عليه شروط الإبتعاث؟
لكن هل فيه مجال لو قدمت انا بحكم ان هذي السنه الرابعه لتخرجي من الجامعه انه يلتحق معاي كمرافق وبعد ماتتيسر وتنكتب لنا هناك يغير فيزته من مرافق لطالب؟
او راح نوجه نفس المشكله لأنه من زمان متخرج ويرفضون طلبه؟
بالإضافه لإستفسار جدا مهم زوجي من موظفين ارامكو وانا سمعت ان ارامكو ماتفرغ موظفينهم لا للإبتعاث كطلبه او حتى مرافقين بدليل ان بعض اصحاب زوجي في المرحله الأولى استقالوا والتحقوا فيها وفي المرحله الثالثه وحده من صاحباتي تم قبولها للبعثه وزوجهاmanger في ارامكو وقدم يطلب اجازة مرافق وارفضوها واضطر يستقيل.!!هل احد منكم يعلم اي قانون او لوائح سواء في نظام العمل والعمال او نظام ارامكو يسمح بتفريغ الموظف للدراسه او المرافقه بإجازه بدون راتب يسعفني او يطلعني عليها؟
عشان الواحد قبل لا يقدم على اي خطوه يخاف يندم عليها يعرف اللي له واللي عليه من حقوق تضمن حقه في اسوء الأحوال لا قدر الله
وشكرا جزيلا لكم وبإنتظار ردكم...

اقتباس:

---

المشاركة الأصلية كتبت بواسطة joman

الأخوه والأخوات الأفاضل في مبتعث
تحيه طيبه لإجتماعاتكم الرائعه وتعاونكم ومساعداتكم الفعاله لكل سائل ومحتار
وبعد...

لكن هل فيه مجال لو قدمت انا بحكم ان هذي السنه الرابعه لتخرجي من الجامعه انه يلتحق معاي كمرافق وبعد ماتتيسر وتنكتب لنا هناك يغير فيزته من مرافق لطالب؟

وشكرا جزيلا لكم وبإنتظار ردكم...

---

لهذا السوؤال نعم شروط طالب الماجستير خمس سنوات يعني بقيلك سنه ويقدر يلتحق معك كمرافق وبعدين يجيب قبول جامعي لنفسة ويضموه للبعثة

سلام

طيب لا يقول لهم انه يبي اجازة مرافق يقول ابي اجازة استثنائية مدة سنتين مثلا

نظام ارامكو صعب جدا في الجازات وشبه مستحيل ان تاخذ اجازة تفرغ للدراسة

يحق لك دراسة الجامعة بالانتساب ويعطونك اجازة وقت الاختبارات فقط


وانت اسأل و تاكد قبل تتخذ اي قرار..


بالتوفيق

يعطيكم الله عافيه على تجاوبكم
وحسيت ان في بصيص امل بإذن الله لروحتنا
بس بحاول ابحث عن اي مدخل يساعدنا عشان ارامكو تعطي زوجي اجازة مرافق او استثنائي بدون راتب فياليت اي احد يعرف شي عن نظام العمل والعمال او في انظمة أرامكو لا يبخل علينا وبيحظى بإذن الله بدعوه صادقه بظهر الغيب
والله يحقق امل كل مبتعث ويقرب لكم الأحلام ويرزقكم التوفيق وحده ولي ذلك والقادر عليه...

على فكره نسيت اسأل هل انتم متأكدين ان المرافق اذا بيحول لفيزة طالب مش ضروري تنطبق عليه نفس الشعور
يعني زي حالة زوجي مر على تخرجه من الدبلوم 8سنوات هل بيقبلون طلبه وإلا بيقولون راحت عليك ولازم تكون اقصى مده للتخرج 5سنوات؟ وهل في احد صارت له نفس السالفه وقدر يلتحق مناك؟
وشكرا مجددا

up
لأهل الفزعه والخبرات وماتقصرون جميعا

نفس الجواب الللي كتبته تاكدت من رجل من شؤون الموظفين في ارامكو وقالي نفس الكلام



احتمال شهر او شهرين للضرورة
او
بامكانه ياجل اجازته لاخر السنه ويقدم اجازة السنه التاليه لاول شهر تصبح شهرين

غير كذا مستحيل طبعا(( لامستحيل مع الواسطه ))


يستخير قبل كل شي

ويتاكد من اصحابه في العمل



و دعواتكم