شكرا !!وزارة التعليم العالي والمنحه الدراسيه

اخوي نجمي
معليش يمكن لو الفرق 5 اقولك اوكي
يعني لو واحد 90 والثاني 95 وقول 100 قول الحين بدون اختبارات الوزاره الوضع عادي

بس الحين لو الفرق 20 بالطبع يفرق شيء كبير
صح فيه مدارس مشدده ومدارس متساهله وانا اعرف ناس راحت مدارس متشدده ونجحت وناس راحت مدارس متساهله ورسبت

فالنهايه الاثنين لازم يكون فيها دراسه سوا متشدده ولا متساهله ولازم المتساهله على الاقل يكون فيها مدرس شديد
وطبعا وضع المدارس الاهليه حطه على جنب لانه كلامي الحين على المدارس الحكوميه

وشكرا

اسمع اخي العزيز حاول مرة ثانية او ثالثة ونشاء الله راح تتوفق بس لاتيـئس وبتوفيق

الله يسهل امورك اخوي وبإذن الله تتيسر

يعني المعدل يكفي انه يبين اذا الواح شغوف ولا لا ؟؟؟
ووش دخل العلمي والشرعي
فيه ناس علمي حطهم قدام الشرعي مايفلح شي
قول لي هذا شغف ولا علم ؟؟؟؟؟
وفيه العكس

الناس مستويات وطموووح
وفيه نااس تدرس بمدارس تجيب 90 بالراحه
وناس تكرف عمرها كررف عشان تحصل السبعين
وانت تعرف الظلم اللي صاير بالمدارس والتفرقه
مو معناته درس شرعي معناته خلاص ماينفع ولا نسبته منخفضه ماينفع
كلن وقدراته
لا العلمي احسن من احد ولا الشرعي

ودامهم درسونا شي اسمه شرعي وعلمي وادبي
يساوون لا يظلموون ولا لا يدرسوونااا احسسسن

المعذره اخ قيصر ع الرد بس بيت اوجه نقطه الكثير مظلوم فيهاااا

يا اخ مو زييين

لا تفقد الامل بالله

وكل شي بالدنيا هذي خييره

حاول مره ومرتين دام عندك طمووح
ولا تنسى صل فرضك واطلب من ربك وادعي كثيير
وباذن الله تنوول مرادك
حالتك مثل حالتي ولا ياأست

شكرا لكم لكل الاخوان على الردود

لكن يعلم الله اني ابي ادرس واحق حلمي

اول الحلم افرح الوالده لانها هي ودها تشوفي مخلص جامعه وثانيا والله اني شغوف على الدراسه وودي ادرس الجامعه لكن الحمدالله على كل حال والامل انشاءالله موجود وبدعوات والدتي وانشاءالله في هذا الشهر الفضيل ان ربي يفرجها ..ودعواتكم لي يااخواني..

شكرا مره اخرى للوزارة التعليم العالي

اعذريني ياختي حزينه

خلينا نرجع على ايام اختبارات الوزاره
كان طبعا الي يجيب 90 تقريبا او اكثر من قده ولا حد يقدر ينكر ها الشيء
الحين تعالي اسئلي تلاقين الجميع 100 ولا اذا نزل 98 وفي مدارس متشدده على قولتك
لانه طبعا مافيه اسئله وزاره

ومهما حاول اي مدرس يجيب زي اسئله الوزاره ما يقدر ولا راح يقدر
يعني انه المفروض هذي السنه تكون اسهل من الي قبلها بكثير والدرجات سارت اسهل من قبل
لو انه جايب الدرجه الي قايل عليها ايام اختبارات الوزاره كان اقول ممكن ماتفرق لانه اسئله الوزاره صعبه بالحيل

طيب يا اختي حزينه وش رايك لو انه وزاره التعليم العالي قالت والله اصحاب المعدلات العاليه موب لازم يكونوا هم الشاطرين خلاص ناخذ من 70 وتحت بس من الثانوي و2,5 من 5 وتحت من الجامعيين
لانه اصحاب المعدلات الواطيه موب لازم على حسب الدراسه على قولتك انتي واخوي نجمي

انا ابي اعرف وش رايكم في ذا الكلام

اذا والله تقولون انه ظلم فكلامكم غلط عن المدارس او غيرها ويكون كلامي صحيح
واذا تقولون عادي فلا تقعدون تحملون الوزاره كل صغيره وكبيره

في السنوات الماضيه وخصوصا المرحله الاولى
كانوا يبتعثون جميع الدرجات 60 او 70 او 80 ولا 90 اي واحد يبي بعثه يروح
ولكن كانت نتيجتها انه رجع منها 60% من المرحله الاولى
وهذا دليل على انه الدرجات والمحصل العلمي الي ياخذه الواحد من الثانوي يأثر كثير

ولاتجين تقولون والله واحد ولا ثاني مدري وش سوا ومشي ومدري شنو وجايب الاول على جامعته وكان الاخير على فصله في الثانوي
القصص الفرديه ماتجي فوق الغالب او على قولتهم السواد الاعظم

واخوي صاحب الموضوع موب حارق رزي ولا انا حارق رزه
لكن هذي وجهه نظري

والله يوفقه اخوي mo_zyeen لكل خير

اخ القيصر اسمح لي ماعندك سالفه

اولا اسئلة الوزاره ارحم القديمه اما السنه هذه جات الاسئله من المدرسه نعم لكن الي وضعها مدرسين ومعاهم ناس من الوزاره تقول لهم حطوا كذه وكذه وترفض وتوافق ..الزبده الي صار بس انه امتنعوا عن المدرسين الي بالوزاره يصححون لان المدرس الي بيصحح بيكون له مبلغ وعشان الخساير وكذه خلو الاسئله تصحح من المدرسه وكذه وفرت الوزاره المبالغ الطائله الي تدفع للمدرسين عشان التصحيح...هذا مش موضوعنا

خلاصة الموضوع وللمعلوميه انا جايب في ثالث ثانوي 85 لكن التراكمي هو الي بهدلني وللمعلوميه اعرف ناس وربي جابوا في التراكمي 98 99 لكن في القياس 50 وفي 60
وش معناه يااخ هذا وانت عارف القياس ..وازيدك من الشعر بيت المدارس الي في القرى اغلبيتهم 99 وميه ثانويه عشان كذه حطوا القياس عشان يعرفون الي نجح بجتهاد من الي نجح من الدف والواسطه

الخلاصه انا جبت 80 في القياس والوزاره طالبه في المنح حد ادني 65

وللمعلوميه لو تدخل موقع الوزاره وتشوف المقبولين في الاعوام الساابقه والسنه هذ في البعثات فئه معينه بافلان باعلان وغيرهم ...انا ولد البلد واصل وفصل اتوقع ظلم

واذا انت عايش بواسطه وماشيه امورك تراني ماعندي واسطه ونجحت بجتهادي وانشاءالله ربي يوفقني
سلام ياقيصر شكلك انت بالوزاره وجالس تدافع انشالله خدموك بس


(قل خيرا او اصمت)

شكرا ياخوي وكنت اتوقع احسن من كذا منك
ولكن تبي رد بالمثل انا ماعندي مشكله

والله يخوي انا قلت كلام قبل كذا يمكن لخوي نجمي
والله لا الوزاره امي ولا الوزاره ابوي ولا ابوي شغال فيهاو لا خالي شغال فيها ولا اعرف مكانها حتى بسلامتها
وش ابي ادافع عنها والله لا هي بتعطيني راتب ولا هي بتشيل عني الراتب

ولكن للمعلوميه لو تبي عندي واسطات في وزاره العمل وجامعه ام القرى وعندي واسطه من الاماره
وكمان عندي واسطه من قناه ART (اشتراك مجاني)
وواحد مكلمني قلي اذا تبي خدمه من وزاره التعليم العالي كلمني

المهم ماعلينا في الهرجه ذي

انا لو ابي اشغل وحده منها اقدر اشغلها ولكن يخوي انا بصراحه تعبت طول السنتين الي فاتت وانا ابي اشوف جهدي الي كان على مدار سنتين
ووالله لو اني ماانقبلت في البعثات اقسم بربي ما راح ادور علي اي واحد عشان يخليني اروح بالواسطه
انا عندي استعداد اني ادرس في السعوديه وفي اي جامعه ويقبولوني بأسمي انا عبدالعزيز وعندي شهاده تخرج موب يقبلوني لانه عندي واسطه
وانا افكر ادرس في جامعه جيزان لو انه البعثه ما قبلتني
بتقولي خلصت الجامعات ولا مالقيت غيرها بقولك والله يخوي انا صعب يمكن علي اني اتكلف دراسه للخارج على حسابي وطبعا جامعه جيزان هي الجامعه الوحيده تقريبا الي تقبل بالطب غير السنه الي تخرجوا منها الناس يعني مثلا عام 1429 كل الجامعات تقول انا ابي خريج 1429 ماعدا جيزان تقول مافيه مشكله اذا كان متخرج عام 1428
وانا قدمت تقريبا على كل الجامعات وانقبلت في كل الجامعات ماعدا جامعه وحده قفلت على نسب عاليه وهي جامعه الملك سعود للعلوم الصحيه التابعه للحرس الوطني
ولا رحت سجلت في اي جامعه من الي انقبلت فيها لانه حاط املي في البعثه وطالبين مني البعثه انه ما اكون في اي جامعه
والسنه الجايه طبعا على فرض انه منقبلت في البعثه ماراح اي جامعه تقبلني في الطب لانه انا خريج سنه ماضيه بالنسبه لهم

وانا مثل ماقلت لك مايعجني شغل الواسطات وحتى لو جاء واحد قلي خذها بقوله شكرا خلها لك

والله يخوي انا سألت عن هذي السالفه كثير وطلعت الهرجه ومافيها
انه الوزاره تعطي المدرس ورقه اسمها (الوزن النسبي للماده او للدرجات)
مختصر هذي الورقه انه لازم المدرس يوزع الاسئله من المنهج على اساس الوحده (يعني لو الوحده كبيره يحط عليها درجات كثيره واذا الوحده صغيره يحط عليها درجات اقل)
يعني بالعربي وزاره التربيه والتعليم كانت بس اسم على ورقه وانها سوت شيء ولا هي بالاساس مال ابوها دخل في الطبخه
وترا راتب المدرس الي يصحح كان 2000 ريال بس على مدار اسبوعين كامله اذا افتكر وكان من 8 الى الظهر ومن العصر الين العشاءوعدد لمدرسين ينعد بالاصابع(وهذي كلها 2000 ريال بس) على قولتك الخسائر الطائله

وانا اقسم (واسئل الله ان يغفر لي ان كنت غلطان في الشيء) انه لو كانت اسئله وزاره في ثاني ثانوي وثالث ثانوي ما اتوقع انه تجيب حتى 65%
واتكلم انا عن نفسي بعد ما راح اجيب الدرجه الي انا جبتها لو انها اسئله وزاره

اظن قلت في ردي السابق لا تخلي القصص الفرديه فوق الغالب

اظرب لك مثال وانا بجده
عندنا مدرسه مشهوره بجده وانها اخس مدرسه في اختبارتها ويمكن اصعبها(ابن خلدون)
ولكن العجيب انه طلابها كانوا من الاوئل على مستوى جده واذا ماكان على المملكه ايضا والعجيب ايضا انهم كانوا من بين افضل 10 مدارس على المملكه في اختبار القدرات وكان ترتيبها الرابع على المملكه
وهذا شيء يدل على انه الخايس خايس وين ما راح والفالح فالح وين ما راح
(وانا ما اقصد حد في هذا الكلام)

وبضرب لك مثال بمدرستنا
كل الاوائل تقريبا درجاتهم في القدرات عاليه ماعدا واحد كنت انا وياه نتافس من يجيب الاول على المدرسه وتفوق علي(ماشاء الله) وجاب الاول على المدرسه ولكن درجته في القدارت كانت سيئه لابعد الحدود
ولكن انا كنت احسن منه في اختبار مدته 2 ساعتين(القدرات)
هل تحكم(بتشديد الكاف) ذي الساعتين على سنتين هو كان افضل مني فيها(ثانوي ثانوي وثالث ثانوي)
وانا اعرف ناس من مدارس اهليه والله جايبين 100 مثل ماقلت لك ولكن الي يجيب 80 في القدرات يشوف محد قده(وانا طبعا قلت خلي موضوع المدارس الاهليه على جنب لان وضعها شيء ثاني) ولكن عشان مانظلم المدارس الاهليه فيه مدارس ماتعرف الا الدراسه بصراحه ولا تدف حتى بدرجه وحده وهي من افضل المدارس على مستوى المملكه

وافتكر واحد جايب 92 في القدرات والولد فاشل ويقول انه جايبها صدفه حط اختيارات بالترتيب وجت معه(وطبعا انا معرفه بصراحه ولا تأكدت من ها الشيء ولكن من كثر الي حكوني عنه حكيت لك عنه)

ومره ثانيه اقول لاتجيب قصص فرديه وتخليها تغطي على السواد الاعظم او على الغالب

هذا الي ذبحنا انا وانت والباقيين
كيف بامنتف يروح بعثه ولا يدخل جامعه وانا وانت مادخلنا جامعه ولا رحنا بعثه؟
اذا كان تبي تعرف ليش؟
فهذول ياطويل العمر كانوا يكدون طول عمرهم موب يبربرون مثلنا ( والله اني عندي طموح ومدري شنو ولا جاء وقت الجد قلنا والله الركبه تعبانه)
اقصد انه نجيب اعذار ولا حتى تنقبل ولا تخش العقل

والبلد ماهمها ولد الاصل ولا ولد الفصل الي تتكلم عنه
الدوله همها واحد يرفع اسمها والي يبي يقعد عاله ماهمته سواء ولد فصل ولا ولد صف

وذكرتي بواحد بالامس من احدى الجنسيات والله اني افتكره وهو كان شغال في المغسله ولا كان ياخذ غير 900 ريال اذا افتكر والله يا انه امس جاء يسلم علي ومعه سياره جيب

وافتكر واحد عندنا في الحاره فرحان انه ولد اصل وفصل وقسم انه منتف ولا يسوي ريال
الرجال حق المغسله ترك المغسله ودور رزقه و اشتغل موب مثل خويي قاعد بولد الاصل والفصل والواسطات حقته الي هلكنا فيها ومدري شنو وحتى ماعنده ريال حق بيبسي

قال تعالى(ان اكرمكم عن الله اتقاكم) موب اكرمكم عند الله ولد الاصل والفصل


وطبعا انا ما كنت ابي ارد هذا الرد ولكن بصراحه ردك الي قبل ماعجبني وخصوصا ولد الاصل والفصل الي تتمخشر فيها

والله يوفق الجميع لطاعته في رمضان

الله فوق وانا أخوك
حسبنا الله ونعم الوكيل