اول شي الف مبرووك للجميع البعثه ،، بصراحة الموضوع طويل جدا ما شاء الله و ن شاء الله فيه الكثير من المعلومات المفيدة :D
حبيت افيدكم بكم شغلة "وما ادري لو تم ذكرها او لا" لجميع المبتعثين و لا احد يجي امريكا الا بها نصيحة لوجه الله ،، و لا تسوفو وتقولو بعدين لان الوقت بيعدي عليكم و انتم ما تدرو :D
.
شروط جامعات امريكا بشكل عام
- معادلة السجل الاكاديمي بما ان شهاداتنا صادرة من خارج امريكا و هذا شرط لاي طالب اجنبي يدرس في امريكا.
- التوصيات (الجامعات بشكل عام تطلب توصيتين - 3 توصيات) ونادرا من يطلب اكثر من كذا او اقل.
- درجة التوفل/ ايلتس (اللي هو اختبار اللغة) + اختبار GRE او GMAT .. وهذه الفقرة لاتفكرو فيها الحين لانه راح تعرفو هالامور اكثر فأمريكا.
طيب نجي للاوراق هذه و كيف وضعها..
نقطة اساسية .. كل الوثائق لازم تكون:
1- صور مختومة طبق الاصل و 2-بالانجليزي 3- اسماءكم مطابقة في كل الوثائق (سجل اكاديمي-شهادة-توصيات-جواز ..الخ)
الاصول ما تقدمو فيها و لاتعطوها احد ولا احد راح يطلبها منكم.. حتى التوصيات صوروها وختموها طبق الاصل من الجامعة.
- اول شي السجل الاكاديمي +الوثيقة ،، طبعا لازم يتعادل في امريكا ،، و الاغلب تكون المعادلة في شركة WES لان اغلب الجامعات تقبلها و في جامعات تعادل عن طريق نفس الجامعة لما تقدمو عيها
لكن شروط المعادله ضروري لا تطلعو من السعودية الا انتم مسوينها و هي
السجل الاكاديمي + الوثيقة باللغة الانجليزية مختومة طبق الاصل حطوها داخل ظرف و
اختمو على لسان الظرف (يحبذ لو تسوولكم اكثر من ظرف احتياطا) ،،
ترا الشركة ما راح تقبل اي سجل مو مختوم على ظرفه حتى لو كان السجل اصلي.
شركة WES تطلب نموذج من الطالب يكون موقع ومختوم من الجامعة تقدرو تطبعو من موقع الشركة هنا (
WES - Required Documents )
بعض الاحيان يروح الطالب بدون النموذج هذا و هنا يفيده الظرف المختوم .. و يتغاضو الشركة عنه.
كثير من الطلاب ما اتعادلت شهاداتهم و اتاخرو في التقديم .. او كلفو ع اهاليهم فالسعودية و ضربوهم مشاااوير علشان هذه النقطة .. و هي ما تحتاج من الواحد الا انه يروح بنفسه يختم و انتهى.
- التوصيات خذو لكم قد ما تقدرو ولازم تكون على شكل مقال مكتوب بالانجليزي و مختومة ... توصيات الجداول ما تمشي في امريكا (يمكن بعض الجامعات النادرة جدا) .. و حبذا لو تصورو التوصيات و تختموها طبق الاصل وتحطوها بظروف
و لو امكن برضو ختمو على لسان الظرف.
نفترض ان الواحد بيقدم على 5 جامعات (و يمكن يجيه القبول فيها كلها و يمكن بوحده و يمكن ولا شي).. كل جامعة تحتاج 3 توصيات = 15 ظرف.
حبيت بس انبه على موضوع التختيم للظروف فقط لا اكثر ،، و نصيحة لوجه الله اول ما توصلو امريكا سوو معادلة الشهادة على طول .. تاخذ فترة 10 ايام لاسبوعين ولا تأجلوها لان الوقت بيمشي فيكم بدون ما تدرو
و فتوقيعي موضوع يفيد بالاوراق المهمة ان شاء الله يفيدكم.
موفقين جميعا.
