ديوانية المرحلة التاسعه ( 9 )

كل عام وأنتم بألف خير يارب ..
أخواني فرع الوزارة بجدة سبق وان رحت له فقط مكتب الوزير و كم سكرتير فقط ..
أتمنى نتوصل لحل معاهم ويريح الناس ،،

طيب اخوي تقدر تكون مع الاخوان اللي بيروحون له ؟
نبي نحدد يوم و تروحون له و نرتاح من هاللف و الدوران .

ان شاء الله بس فرع جدة ماله اي فائدة في موضوعنا ،
سكرتارية مالهم في مجال البعثات
رحت وحبيت استوضح كم نقطه قلي حلك بالرياض او ترسل فاكس وتنتظر الرد

حنا نبي الوزير و نبي نستغل ان وكالة البعثات ما يبون الخطابات او الشكاوي تكثر على مكتب الوزير
لانه لو كثرت مو من مصلحتهم انه يتدخل و بكذا ناثر على قرار اللجنه انهم يغيرون رايهم .

كل عام وانتو بألف خير

ويارب تكون فرحتنا باستقبال مسجات الوزارة لتحديد ايام التدقيق (ولاتنسون الدعاء )

هذا الفاكس اتمنى الكل يرسل عليه ويكتب(يسلم للدكتور ماجد الحربي ضروري )

0114163227

همتكم ياشباب وبنات ربي يفرجها على الجمييييييييع

يعطيك العافيه اختي .
هذا رقم فاكس رجل في العلاقات العامه اللي بيرسل له لا ينسى يكتب العنوان ( يُسلم للدكتور ماجد للضروره )

هل تتوقع ان وكالة البعثات حطت شروط الابتعاث وغيرت في بعضها واضافت في البعض دون الرجوع الى الوزير ؟

لا طبعا ، ولكن لو اتخذت الوزارة الشروط و ماجاها اي شكوى او تضرر منها راح تعتقد انه هالشروط صائبه و ما تتغير و راح تخبر اللجنه برفض الطلاب .
ولكن في الجهه المقابله لو اتخذت الوزارة هالشروط و حست ان في طلاب تضرروا و اشتكوا من الشرط اللي راح يقصيهم ، اقل شيء تسويه الوزارة انها تخبر اللجنه انهم يستثنون هالطلاب و الشرط اللي حطوه يطبقونه بعد فتره حتى يفهمونه الطلاب و يكون هناك متسع من الوقت لتغير طرق الطلاب .

حياك الله معنا .

كل عام وانتم بخير ياليت يااخوان نتكاتف ضد القرار والله حرام طموحي اكمل ماجستير في شي تربوي قهر والله يمنعون الدراسات زي ماعرفت فيه ناس فصلو من دواماتهم تكفون على الاقل نحاول انهم يتجاوزون السنه ذي يارب اكتب لي الخير اينما كان ثم ارضني به

الله يعين بس و تتسهل امورنا و يتغاضون عن هالشرط العلة ان شاء الله ..