استفسارات المرحلة التاسعة ( 9 )

مدري ليه تفكر انك تغير المعهد او المدينه من الان ابحث عن المدينى والجامعة اللي تناسبك لا تدخل نفسك في متاهات انت في غنى عنها _ حدد اهدافك من الان

( تمت المشاركة باستخدام تطبيق مبتعث )

انا حبيت اسال واحتاط واتاكد لا اكثر

لا زلت احتاج للجواب من فضلكم


( تمت المشاركة باستخدام تطبيق مبتعث )

السلام عليكم ورحمة الله وبركاته
شكرا لكم ويعطيكم ألف عافية

انا متخرجة من كلية الطب ومرشحة لكندا حابه ادرس بمعهد لغة لين احصل على قبول بمستشفى
حصلت على قبول من المعهد لكن طلبوا ضمان من الملحقية
لما طلبت من الملحقية طلبوا مني التواصل مع الوزراة وهكذا ...
الوزارة في الاخير قالوا انتوا بس قبول من مستشفى لكن انا ودي ادرس لغة

ممكن مساعدة او نصيحة
كيف اقدم طلب / خطاب خاص ولا اروح للوزارة بصفة شخصية
في الضمان المالي من حقنا ندرس لغة وتخصص كمان

وخلال هذي الفترة ايش ممكن اسوي حتى استفيد من الوقت
انصحوني يا اهل الخبرة جزاكم الله خير

السلام عليكم

ان شاء الله لو وصلني قرار الأبتعاث , هل يلزم اني اروح لمكتب الطيار شخصيا او ارسل احد ؟

مافيه حجز بالنت ؟؟

لأان انا بالشمال بعيده عن كل الدنيا


بالتوفيق للجميع <3

وعليكم السلام ورحمة الله وبركاته ..

تقدرين تحجزين عن طريق الموقع اختنا .. وفيه ايميل تقدرين ترسلين له قرار الابتعاث ويصدر لك التذكرة ..

ولكن الطيار له فروع بكل السعودية .. مو شرط فروع الرياض ..

بالتوفيق ..

غريبة ،، يعني ولا واحد حضر الملتقيات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اليوم الصبح رحت للطيار... اول ما دخلت رحت لموظف هندي قالي انت طالب قلت اي قالي تروح ع الخطوط السعوديه فقط ؟
قلت وين القرار الي يقولك اني اروح للخطوط السعوديه ؟ قال ( طلاب فقط خطوط سعودي ) عاد الصدق من البدايه ما اعجبن اسلوبه و قمت من الكرسي وهو يقول ترا ما فيه الا خطوط سعودي .. انتضرت تقريبا ٣ دقايق داخل المكتب الا موظف سعودي يدخل .. راح شوي داخل الادارة ثمن استلم ع الكاونتر .. رحت له و سلمت عليه و قلت له سالفه الهندي قال ما عليك منه ،، وشغل جهازه و نسولف و قال اي خطوط تبي قلت الامراتيه و حجز لي الله يجزاه الف خير .. قال بتجيك رساله ع الايميل بعدها تعال استلم التذاكر .. انتضرت و جتني رساله ع الجوال قبل شوي ان التذاكر صدرت .. حبيت انقل لكم التجربه للفايده فقط ،، ملاحظة فرع الطيار في مدينة بريدة ( فرع الخبيب ) .


( تمت المشاركة باستخدام تطبيق مبتعث )

الف مبروك اخ طموحي طب و ان شاء الله سهالات فعلا انا سمعت من احد موظفات الوزارة بقسم الحجوزات الطيار انه الرحلات تكون ع الخطوط السعودية و لكن ما توصل الى ع نيويورك و واشنطن العاصمة بس زين انك بشرتنا انه فيه إمكانية نروح ع خطوط ثانيه مباشرة ع المدينة الي بنروح لها

Sent from my GT-N7100 using مبتعث mobile app

الله يبارك فيك ..
اي الطريقه سهله بس تبي موظف متفهم مو واحد زي الهندي هذا كانه بيدفع من جيبه ريال !


( تمت المشاركة باستخدام تطبيق مبتعث )

الف مبروووك طموحي
ممكن تقول لنا خط سير الرحلة .. وكم ساعة الانتظار في مطار دبي !؟