ارجو من طلاب وطالبات الإعلام دخول هالموضوع أو لمن لديه الخبرة

أهلا أختي في كندا يوجد جامعة وحدة فقط تعطي ماجستير علاقات عامة Master's in PR وهي Mount Saint Vincent University
طبعا الجامعة موصى بها والتخصص بعد موصى به ومستوفي لشروط المعادلة من الوزارة. القبول يعني مو صعب بس ممكن يعني أهم شيء يكون خطاب الغرض من الدراسة قوي ودرجة أيلتس 7.

طبعا في برامج ماجستير الإتصال أيضا موجودة بعدد كبير في جامعات كندا مثل

جامعة كارلتون، جامعة أتاوا، جامعة كنكورديا، جامعة رايرسون .. الخ

التخصصات أسمائها تكون

Communication
Public Relations
Public Relations and advertising

وأغلبها تحت مظلة Master of Arts


في أمريكا

في جامعات كثيرة منها Depaul University فيها برنامج ماجستير علاقات عامة ويعتبر من أقوى البرامج في أمريكا, القبول ممكن يكون صعب.
لأن المتطلبات عالية بس العائد رائع.

يوجد أيضا في university of Indiana

والكثير، برامج الأعلام جدا مهمة هناك ومتواجد في أغلب الجامعات.

بس قبل أختي إنتِ من أي مرحلة؟

ما قصرت يعطيك العافية

انا من المرحلة التاسعه والجامعات اللي ابيها ف أمريكا

امس كتبت public relations بالجامعات الموصى فيها بأمريكا طلعلي جامعات كثيييير

اخت افنان اش المانع ان تبحثي في صفحة كل برنامج ولو كانت مية صفحة وتشوفي محتويات ومتطلبات التخصص او مايسمى ب program requirements وتقارنيه بموقع الجامعات الموصى بها.
اذا اعجبك البرنامج والمدينة ما اشوف فيه داعي للتردد. وقت الطلاب محدود ، ويفضل التقديم على ١٠-١٥ جامعة (عدد طبيعي جداً) بوقت واحد لزيادة فرص القبول. موفقين ان شاءالله

الله يعطيك العافية اختي تووته

تقصدين اني ابحث بالجامعات من قوقل بشكل عام وإذا لقيت الجامعة المناسبه والشروط مناسبة اشوف هالجامعة إذا موصى فيها أو لا ؟

لأن طريقتي الحالية بالبحث إني اكتب اسم تخصصي بموقع سفير بالجامعات الموصى فيها وأكتب ماستر وأبحث بالجامعات وارسل ايميل فيه جميع اوراقي ل ايميل المختص بتخصصي .

بالنسبة ل نسخ الاونلاين للايلتس , يعني المركز اللي اختبرت فيه يرسلون للجامعة نسخة ؟ ولا كيف طريقتها

ومبارك عليك رمضان وكل عام وانتي بخير وصحة وسلامة

^^^
س 1 : وش تخصصك بالبكالوريوس؟

س 2 : وش يثبت إن العلاقات العامة تابعه لتخصص الإعلام؟

عموما فكروا جيدا بموضوع إمتداد التخصص لضمان معادلة الشهادة من الوزارة بعد التخرج!

مرحبا

ج1 صحافة - إعلام .

ج2 العلاقات العامة مسار من مسارات تخصص الإعلام بجامعة الملك عبدالعزيز بجدة .

^^^
OK

أعرف شخص تخرج العام الماضي ماستر علاقات عامة!
وهو كان خريج بكالوريوس دعوة وأعلام من جامعة الإمام!
وبعد تخرجه من الماستر كانت معادلته من الوزارة منقوصه!
حيث كتبوا له العبارة (مع إختلاف إمتداد التخصص) والعبارة المذكورة تؤثر عند التقديم على الوظائف!

نقطة مهمة فعلا. برنامج الدعوة والإعلام في جامعة الإمام أقرب ببرامج الشريعة ويتم دراسته في كلية الدعوة. عكس برامج الإعلام مثل الصحافة، التسويق، الإذاعة والتلفزيون، والعلاقات العامة في كلية الإعلام والإتصال.

@miss Afnan: تفدرين تبحثين عن برامج ماجستير صحافة في الجامعات فهي متوفرة في أغلب الجامعات.

السلام عليكم

بالنسبه لمعادلة الشهاده هي فقط مهمه اذا اردت التقديم على وظيفة حكوميه كمعيد او محاضر....

اما الشركات و القطاع الخاص لا يطالب بها ولا تهمه