DhahranNIV@state.gov
هذا الايميل قنصلية الظهران
يارجل طفشونا شكلي بحول على بريطانيا وافتك
عرض للطباعة
DhahranNIV@state.gov
هذا الايميل قنصلية الظهران
يارجل طفشونا شكلي بحول على بريطانيا وافتك
الواحد يدخل يقول يشوف خبر فيزا طلعت عشان جرعة تفاءل، بس ما شوف إلا عدد المنتظرين يزيد و الأوقات تطول. يعني أبو ٩٠ يوم يحط في حسابه ٩٠ يوم مثلهم و أبو ٦٠ يوم يمسك سرا و اللي اقل من ٦٠ لا يتكلم أحسن
حتى الجماعة أبو فيزا يومين ما عاد نشوفهم، شكلهم انقرضوا
ويوم دخلت موقع القنصلية الخميس حاطين رابط أهلا بك في الولايات المتحدة ودخلت الرابط و رحت ولاية أوهايو اقرأ و دخلت جو أن صحيح اهم مرحبين فينا و بعدين دخلت رابط تشييك الفيزا و الأمال كبيرة بالتحديث، مو توهم مستضيفينا في العالم الافتراضي يعني صراحه صدقتهم
و إذا بشلووووووت كبير يطلع اسمه الإجراءات الإدارية و يعيدني إلى ارض الواقع و إلى هذه المحطة لعل و عسى نجد جرعة أمل
:cool:ههههههههههههههههههههههههههههه:D تبون لوس انجلوس او واشنطن:rolleyes:
- - - مشاركة محدثة - - -
على فكره انا في واشنطن الجمليه:rolleyes:
والله قهر اذا بعد كل هالأنتظار وكل ما ارسل لهم يقولون شكرا على صبرك ونعتذر لكن فيزتك لازالت تخضع للاجراءات واخرتها يصير كذا !! هل السفاره عندنا هنا عندها الأخبار اول بأول يعني يعرفون اذا وصل خبر انك مرفوض او مقبول او هم مثلنا يشيكون على الموقع ويشوفون حالة الفيزا ؟ لأن بصراحه كل ما يردون علي اني لا زلت تحت الأجراءات اقول الحمدالله انتظار للحين ولا شيء ثاني
اولا الله يفرجها على الجميع بهالشهر الفضيل :heart:
ثانيا من مده طويله وانا اشوف التعليقات لكن ما كنت اشارك
بداية تقديمي للفيزا كان بأخر اسبوع من شهر 5 " مايو " كنت متوتره كثير لأن اول مره بحياتي ادخل سفاره ، طول عمري ما سافرت ولارحت غير البحرين ودبي ولكذا كان الوضع غريب علي أول مره ادخل سفاره ومعي اخوي اللي اصغر مني ، ماهو ابوي حتى يخفف التوتر بالعكس كنت انا اللي احاول ابين ان طبيعي قدامه وهو متوتر
عموما قابلتنا وحده لو تشوفون كلامها تقولون ما راح يخلص الأسبوع الا الفيزا بيدينا من طريقة كلامها الى درجة انها ماطلبت تشوف اي شيء كان مجرد كم سؤال
سألتني وين بتدرسين واسم الجامعه وجاوبت ثم سألت بكالوريوس او ماستر ثم سألتني من بيدقع للجامعه ، وبعدها صارت تسأل اخوي وين يدرس وعن مدة اقامته معي بأمريكا كم بيجلس او هو مرافق دايم وسألته اذا موظف او سبق وتوظف وعن تخصصه الدراسي الحالي بالسعوديه .. اخوي لغته الأنجليزيه ماهي قويه فاللي ما كانت تفهمه منه كنت ارجع اقوله له بالأنجليزي
وبعدها سألتنا اذا سبق وسافرنا وذكرت اسامي بعض الدول وقلنا لا
ثم قالت فيزتكم مقبوله لكن لازم اجراءات روتينيه طبيعيه جديده عندنا ، سألتها طيب نعطيك الجوازات قالت لا بنطلبهم منكم بأيميل
قبل ما نطلع كنت متوتره وانتظرت قلت لاخوي انتظر بشوفها وش تقول للبنت اللي بتروح لها الحين هي بتقول لها مثلنا او لا ، وفعلا نفس الكلام اللي قالته لي قالته لها وبعدها جاها شخص ونفس الشيء قالته له ، بعدها قلت له خلنا نطلع لأن وقتها نوعا ما تطمنت ان هذا طبيعي بحسب كلامها
هذا اللي صار تحديدا بالمقابله
يمكن غلط مني موعد دراستي الأول كان بأخر شهر 6 وراح علي كان المفروض اقدم من بدري بس هذا اللي صار وحاليا موعد دراستي الجديد بسبتمبر
صار لي انتظر فيزتنا 53 يوم بالضبط قريت هنا تقولون ان فيزا البنات ما تطول لكن لما اشوف الظروف اللي انا فيها اقول ان شالله خير باعتبار سببين رئيسيين :
1- تعرفون كيف العايلات بالسعوديه عندنا لما تحذف اسم في العايله ويصير اسم عائلتك شيء ثاني هالشيء نفهمه بحكم العوائل السعوديه لكن هم ماعندهم خلفيه كبيره عنه
هذا الشيء صار معي من انولدت كان في لقب قبل العايله وقبل 6 سنين تقريبا تغير الى لقب ثاني وكتبت بالفورم ان عندي لقب ثاني قديم وكتبت اللقب ، وفي سؤال هل تنتمي لقبيه معينه اذا ايه اكتبي ايش هي حطيت ايه انتمي وحطيت القبيله
2- انا خلصت ثانويه من فتره وكنت انتظر هالفرصه حتى اكمل برا بمعنى اني موقفه دراسيا لي 4 سنين تقريبا وبالفورم كان في سؤال ايش كنت تسوين هالسنين بين اخر مؤهل وحاليا وكتبت اني كنت اهتم بالبيت ومع الأسف متأخر تذكرت ما كتبت سبب مهم وهو اني كنت اهتم بوالدتي اللي كانت صحتها غير مستقره وخضعت لعملية جراحيه ومتابعه لحالتها لمده طويله وندمانه اني نسيت اكتبه كسبب وشيء سويته هالفتره ، ومع الأسف ان اللي سوت المقابله ما سألت هالسؤال مع اني كنت متوقعه تسأله
بمعنى لما اشوف السببين اللي ذكرتهم اقول يمكن هذي هي الأسباب اللي خلت فيزتي وفيزة مرافقي ما تطلع للحين ، يمكن هو ولد واخر اسم عايلته متغير طبيعي تتأخر بس لما نقول بنت والمفروض ما تتأخر اعتقد ان ظرفي مختلف جدا عن اي بنت قدمت
وان شالله اذا صرت 60 يوم برسل لهم اسألهم عن الفيزا
وارجع اقول الله يفرجها علي وعليكم قريب باذن الله
8888
ما ابي احطمك لكن اتوقع بتطول الفيزة و الله اعلم خصوصا لمرافقك بالتوفيق
كملت ٩٦ يوم ولا جديد على تحديث يوم المقابلة
وهالشهر هلكتهم كل اسبوع ايميل وردهم المعتاد مرة اجراءات ادارية ومرة اذا تبي الجواز نرسله لك
حسبي الله عليهم
ولكذا مسلمه أمري لرب العالمين ، الحمدالله لو شافوا حتى سفراتنا ماهم لاقين ان بحياتنا تعدينا الخليج ، ولتأكيد الحرص طلعت جواز جديد لأن القديم بينتهي والجوازات خرموا القديم وتدبس مع الجديد يعني الحمدالله كل ارقام الجوازات بالسفرات عندهم
كنت قبل متخوفه لما اسمع ان البنات بسرعه تطلع فيزتهم لكن لما اتذكر الظروف اللي سبق وقلتها اقول طبيعي اذا تأخروا علي وصرت غير عن اي بنت سبق وقدمت للفيزا والحمدالله على كل حال
عموما موعد دراستي الجديد بـ 26 سبتمبر وان شالله تكون طلعت الى وقتها باعتبار اني بدخل الى وقتها في الأربع شهور تقريبا
شكرا جزيلا لردك والله ييسرها عليك