محطة تجمع منتظرين الفيزا الأمريكية

لأن المعهد قالوا غير قانوني نسوي نسخ انتظري الى ان يجيك الأيتوني ، رحت اول ما وصلني سويت سكانر للأصل وارسلته ايميل لهم بالنسبه للجواز ما خذوه قالوا انتظري ايميل نطلب فيه جوازك ، انا ارسلت الأيتوني وكتبت اسمي وجوالي و رقم الطلب الأبلكيشن الخاص بالفيزا وعلى الله

هالفيزة مشكلة والله طولت أكثر بكثير من المتوقع انا توقعت اكثر شيء ممكن توصله ست شهور تفاجئت اني شوي و اصك الثمان شهور بصراحة حركة انك تسوي مقابلة ثانية مرعبة ما تدري يمكن القنصل اللي يجيك يصير منفس و تروح عليك الحل الافضل هو الصبر و ارسال الايتوني فقط غيرها ما فيه شيء ممكن يفيدك ابدا مثل ما قلت اذا اقل من ثلاث شهور فمدتك طبيعية اذا اكثر فوضعك غير طبيعي

يعذرني الأخ اللي سأل عن قنصليه الظهران والرياض نسيت اسمه بس كان في سؤال اذا في تحديثات

بالنسبه للرياض من فتره مافي احد اعرفه شخصي وصار معه تحديث وهذا السبب ترك واحد من الشباب يقرر يروح اما جده او الظهران مع اهله لأن كذا شخص قال له انهم اسرع مع اني نصحته وقلت له ماتفرق بس كان ملزم
بعدها قرر الظهران لأنهم اقرب لأهله كمسافه من جده طبعا هالكلام قبل رمضان بشهر تخيلوا ماهو هو بس حتى الحريم اللي معه موقفين اجراءات اداريه
اللي ابي اوصل له ماعاد الوضع مثل قبل انتي بنت بيمشونك بسرعه وانت ولد بيجلسونك شهور
يعني الرجال اعرفه تخيلوا امه كبيره بالسن الله يعطيها طولة العمر وهذا هي اجراءات مثلها مثله ومثل كل اللي راحوا من اهله معه
الموضوع يحتاج لحظ وتحت كلمة حظ خطوط حمرا

فيه شخص اعرفه بطريقة غير مباشره عمره سبعين سنة و اجرائات

الردود كثييييييييييييييره .. وبحاول اختصر ردي بقدر المستطاع

اللي يقول انه ارسل اي توني للسفارة وجاه تحديث .. ممكن كل شي جايز

لكن انا جربت الطريقة هذي وارسلت لهم اي توني بتاريخ الدراسة 29 جولاي قبل 4 ايام وكان ردهم علي (قضيتك مازالت تمر بمرحلة المعالجه الادارية ). لاشكر ولاشي

وبخصوص الاخ google3D انه عمل مقابلة ثانية !! .. هي حظوظ ومزاجية الموظف

طيب ايشرايكم انا عملت مقابلتين ونفس الشي ؟؟؟
عملت مقابلة بشهر اوقست 2012 بسفارة الرياض وكان الموظف شاب امريكي فلاوي على قولتهم ويقعد يسولف معي ويضحك الزبدة انه قالي راح نرسلك ايميل بعد 3 اسابيع قلتله اوك
ورجع لي جوازي .. وبالفعل بعد 3 اسابيع وصلني ايميل من السفارة ب ارسال الجواز+ الاي توني .. وكانت المقابلة ب 8 اوقست والتحديث 25 اوقست

طبعاً ذاك الوقت حصل لي ظرف ولم اقم ب ارسال جوازي .. ووخليت الدراسة بشهر جون2013 وكان هذا تخطيطي انه ان شاء الله ب صيف 2013 هناك !!
لكن م كتب الله .. رحت المفابلة الثانية بتاريخ 1مايو 2013 .. اخذت معاي سيفز جديد + كشف حساب 3 شهور + شهادة بنكية بمبلغ كبير + قبول المعهد نفس االي قدمت عليه قبل سنة
الزبدة انه في المقابلة حصلت الموظف اخلاقه زفت فلبيني مدري كوري كونتر 9 مدري 12 ضيعت ..
قالي انت قدمت علينا قبل سنة وقال انتظرت الرد منا ولكن ماذا عملت من فترة تخرجك طبعا انا متخرج لي سنة .. وجبت العيد بنفسي وقلتله ماعملت شي .. قال يعني جالس بالبيت !!!

وهذا العيد .. وانا عارف انه التأخير بسبب اجابتي اني عاطل

ونهاية المقابلة قالي اوك اذهب الان سدد فيديكس وفزيتك تحتاج وقت فقط

الزبدة انه لا احد يتسرع ويعمل مقابلة ثانية .. مجرد نصيحة

مالنا الا الانتظار ..

الله يبشرني وياكم بصدور الفيزا بهذا اليوم

من جد الشغلة كلها تعتمد على مزاجية الموظف بدليل اكثر من شخص كانت مقابلتهم بقنصلية جدة عند الحرمة السمراء ودخلوا اجراءات ادارية فوق 3 شهور ..
هذا الشهر وصلني آيتوني جديد فقلت ارسل نسخة ايميل علّ وعسى تلحلحهم شوي ويمشوها ف اللي سار إنو الرد الآلي بيوصلني على كل ايميل اجراءات ادارية يعني من جد مو عارفة هم شافوا الآيتوتي ولا ايش ووضعهم ،، نقطة ثانية اتطور الرد وسار إذا تبي جوازك نرسله لك 

أنا ارسلت i20 جديد يوم الخميس و كان الرد منهم
Thank You
أحمدوف حظك تعيس جدا كم يوم صارلك

- - - مشاركة محدثة - - -

أتوقع مزاجية الموظف تكون بارسال الفيزة للاجرائات او عدم ارسالها اما مدة الاجرائات ما اتوقع ان له يد بالموضوع لكن فعلا شي يقهر تشوف ناس تستلمها بيوم واحد و ناس تستلمها بالشهور و السنين

انا قبل لا اعمل مقابله ثانيه كنت متوقع بعض الاسئله اللي راح يسألوني اياها ومثل ماقلت وقالو الاغلبيه المسأله مسألة حض

لكن الاسئله المتكرر مثل ايش كنت تسوي في الفتره اللي مضة مفروض الكل انا وانتو نكون محضرين لمثل هل اسأله
ايش السبب اللي يخليك تقدم من جديد لازم يكون عندك سبب
اخترع ليه اي سبب مقنع يخليه يفهم ان ضروفك تغيرت
بنسبه لي قلت له
الابلكيشن كان فيه اخطاء كثيره وفعلا كان فيه اخطاء واشرت ليه موقع الاخطاء
وكانت علي مخالفات في امريكا ماسددتها في المقابله الاولى لمن رحت المرى الثانيه صفيت الحسابات اللي في امريكا بس طبعا ماقلت ليهم ان كانت علي مخالفات
خبرته انه هذي اخر فرصه اللي واني عديت 90 يوم ولا صار اي تحديث ورويته الضمان المالي انه راح ينتهي قريب بنسبه لي لأني مبتعث
في الاخير اقدر اقول ان المقابله الثانيه فرصه انك تحاول تعمل شي
ولو تشاهد المقابلات مع القنصل في اليوت يوب هم نفسهم يقولو لا تقدم من جديد اذا ماتغير شي في وضعك
بنسبه لوضعي ماتغير شي تقريبا غير اني سددت المخالفات اللي علي لكنكم حاولو تخلقو اي شي يحسسهم ان وضعكم تغير
بلأساس بعد 130 الحاله تصير شبه ميؤوسه
فـ المقابله الثانيه ممكن تكون محفز
في الاخير يا انا نعجب القنصل في المقابله الاولى او الثانيه او راح ننلطع
وعذرا على الاطاله

والله ي اخوي انه ماهي سالفة حظ فقط لا بل توافيق .. ولا ادري وين الخيرة وممكن كل تأخيره فيها خيره
وانا متفائل ان شاء الله الايام القادمه اجمل .. وصحيح اني ندمان م اخذت الفيزا الاول يوم حصلت عليها ..لكن مقدر ومكتوب ..

والحمدلله راضي بما كتبه الله لي

وبالنسبة ل فترة الانتظار .. 82 يوم شهرين و22يوم

وبالتوفيق للجميع

احس ان التحديث بشارة خير
باذن الله وبنسبة 90% بتصدر قريب
احساس لااكثر