الحمد لله استلمت الفيزا خلال يومين .. تجربتي مع القنصلية الامريكية في الظهران
السلام عليكم و رحمة الله وبركاته
الحمد لله اليوم استلمت الجواز بالفيزا و أرسلت الاوراق بالبريد الممتاز لبرنامج الابتعاث :) أدري كثير وضعوا تجاربهم بس ما يمنع نضيف تجربة يمكن نقطة معينة أول مرة تنذكر !
دراستي تبدأ شهر مارس و مقابلتي كانت يوم السبت 29 ديسمبر
كانت المقابلة الساعة 9 و وصلت بدري على الساعة 8 و ربع و مسكت طابور مع الناس اللي واقفة
أخذت لي تقريبا نص ساعة في الطابور و كان في شباك .. السكيوريتي ينادي كل شوي على واحد .. ما كنت عارف ايش المطلوب في الشباك هذا
ناس كانت تطول و ناس كانت تخلص منه بسرعة و تدخل داخل المبنى
وصلت للشباك و الموظفة طلبت مني الجواز فقط .. و أعطيتها وياه ما أخذت 30 ثانية و قالت لي تفضل
دخلت المبنى و كان في نقطة سكيوريتي ثانية لان الاولى كانت قبل لا أصف في الطابور يشيك ما عندك الكترونيات
ممنوع الدخول بالمفاتيح لذلك أخذوهم و أعطوني رقم
دخلت القاعة و أعطوني رقم على الباب .. ما طولت و جا دوري ( 5 دقايق تقريبا )
كان في 4 شبابيك .. لما وصل رقمي رحت للشباك اللي طلع لي ع الشاشة و كان في لبناني
طلب جواز السفر و ورقة تأكيد نموذج DS-160
و سألني على حسابك و الا مبتعث ؟ قلت له مبتعث .. قال تبع مين ؟ قلت له وزارة التعليم العالي .. قال لي اعطيني الضمان المالي اللي عطوك اياه و أعطيني الايتوني
قال لي استريح شوي .. انتظرت نص ساعة تقريبا و نادوا على اسمي
اللي اجرت المقابلة كانت عربية و الاسئلة كلها بالعربي
الاسئلة كانت :
- ايش التخصص اللي بتدرسه ؟ في أي ولاية ؟
- هذه أول مرة تروح أمريكا ؟ متى آخر مرة رحت أمريكا ؟
- وين سافرت آخر 5 سنوات ؟ رحت إيران العراق افغانستان باكستان اليمن سوريا ؟
- عندك أخ أو أخت في أمريكا ؟ أي ولاية ؟
- متى تخرجت ؟ كم المعدل ؟
خلصت الاجابة الأخيرة و أعطتني ورقة DS-160 و الايتوني و قالت تفضل ادفع رسوم فدكس راح نرسل لك الجواز بعد خمسة أيام و يعطيك العافية
و الحمد لله اليوم الاثنين جتني رسالة الظهر من فدكس و رحت العصر استلمت الجواز :) ما أخذت 5 أيام
و سلامتكم
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
مبروك اخوي والله يقويك
المهم شد حيلك يالغالي وحاول تجهز اغراضك وامورك من بدري
موفق يالغالي
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
مبرووووك وعقبال ماتساااافر
والله يوووفقك ,,
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
الف الف مبروك وعقبال اصدار القرار ي رب موفق :)
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
الله يبارك فيكم جميعاً
نسيت أذكر إن اللبناني طلب وصل سامبا
كل الاوراق اللي انطلبت مني :
- جواز السفر
- ورقة سامبا
- تأكيد DS-160
- الضمان المالي
- الأيتوني
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
انت بنفس يوم مقابلتي .. وجاتني الفيزا اليوم بعد الحمدلله ،، الله يوفقك
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
تبارگ الرحمن ؛)
الله ييسر امورك و عقبالنا يا رب
قنصلية الظهران سببت لي ازمه الله يسامحهم >< لازلنا في ركب المنتظرين
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
ان شاء الله فال خيـــــ/{{{ر :)
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
ماشاء الله تبارك الله ارسل للوزارة عشان قرار الابتعاث وبالتوفيق
رد: الحمد لله استلمت الفيزا خلال يومين .. تجربتي مع القنصلية الامريكية في الظهران
ماشاء الله السالفه بسيطه كذا ؟
بالتوفييييق اخوي