استفسار هل لازم أجيب قبول من جامعة إذا ناوي أكمل دراسة بعد اللغة؟

March 9th, 2018, 07:56 AM

السلام عليكم ورحمة الله وبركاته.

ياجماعة الخير انا صارلي طول الليل أقرا تجاربكم الشخصية مع اجراءات الفيزا و كلكم ما قصرتوا. افدتوني كثييييير
بس أنا عندي استفسارين بخصوص المقابلة.

أولا:
أنا تم قبولي بمعهد لغة في جامعة موصى بها في ولاية تكساس وبتبدأ الدراسة في أغسطس إن شاء الله, بس المخوفني أنه أنا درجتي في التوفل 92 (ما ادري كيف جبت هالدرجة لأنني جيت العيييد في الspeaking لدرجة في اسئلة تكلمت لمدة 5 ثواني وسكت باقي الوقت و بال reading في اسئلة ما جاوبتها بسبب الوقت بس الحمدلله) أنا كلمت المعهد وقالوا مافي مشكلة نعطيك ال I-20 حتى لو جبت درجة حلوة بالتوفل.
هل القنصل بالسفارة بيشك فيني او يرفضني بسبب هالشي؟ تنصحوني اني اتكلم عربي او أحاول أتكلم بإنجليزي ضعيف؟ هل يطلع عنده إني أختبرت توفل؟

ثانيا:
أنا ابي أكمل دراسة في نفس الجامعة بعد اللغة بس ما معي قبول من الجامعة لأنهم طالبين إختبار الSAT و انا ما اختبرته, ناوي اختبره بأمريكا ان شاء الله.
بس ال I-20 اللي راح تجيني (((اتوقع))) راح يكون فيها دراسة اللغة (((فقط)))
هل إذا سألني القنصل وش بتدرس؟ أقوله لغة بس, أو عادي أقوله أني أبي أدرس لغة, بكالوريوس, و طب؟
أنا على حسب الكلام اللي سمعته هنا, فرصة قبول الفيزا أفضل إذا بتكمل دراسة بعد اللغة بس كيف اقدر أثبت أني ابي أكمل دراسة و ما معي قبول؟
أنا شخص يوسوس كثير فياليت تفيدوني

(مع العلم أني بروح على حسابي الخص و بعدين أنضم للبعثة)

• نشر عبر تويتر
• نشر عبر فيسبوك
• نشر عبر جوجل