رد: بتروح على حسابك حط سؤالك هنا او انجاوبك
السلام عليكم
مساكم الله بالخير
ياجماعة الخير احتاج فبول جامعة مستعجل عشان امشي الورق لاني ناوي اروح على حسابي وخلصت كل شيء وسفري ان شاء الله يوم 1 من الشهر الجاي وتوي ادري عن النظام الجديد الي هو طلب الدراسة على الحساب الخاص فارجو انكم تفيدوني عن الوضع وايش اقدر اسوي ومتشكر لكم كثيرا
رد: بتروح على حسابك حط سؤالك هنا او انجاوبك
السلام عليكم : أنا مبتعث جديد (بريطانيا mmu) أبي أعرف كم يكفيني مبلغ اسافر فيه' والافضل لي كمبتعث جديد السكن مع عائلة او بسكن الجامعه وشكراً .
( تمت المشاركة باستخدام تطبيق مبتعث )
رد: بتروح على حسابك حط سؤالك هنا او انجاوبك
السلام عليكم
انا رحت على حسابي وتمت الموافقه على طلبي ولله الحمد والحين وقت تحديث البيانات في موقع التعليم العالي لكن قررت اغير التخصص هل فيه احد عنده خلفيه لو غيرت التخصص وقت تحديث البيانات يعني لما اضيف باقي الاوراق اغير التخصص هل هذا يأثر على طلبي؟؟؟
أتمنى القى اجابة شافيه
شكرا لكم..
رد: بتروح على حسابك حط سؤالك هنا او انجاوبك
راح أكمل علوم الحاسب في المانيا ولاكن هل هم يعادلون المواد انا كان معدلي جيد ٤,٢.٧٦
تتوقعون يعادلون هل لازم يكون معدلي عالي وهل فيه سنه تحضريه لازم اجتاز اختبار فيها لاكمل البكالورس
طلاب المانيا بارك الله فيكم الي يعرف لايبخل 💔
( تمت المشاركة باستخدام تطبيق مبتعث )
رد: بتروح على حسابك حط سؤالك هنا او انجاوبك
اقتباس:
المشاركة الأصلية كتبت بواسطة Az hakami
السلام عليكم : أنا مبتعث جديد (بريطانيا mmu) أبي أعرف كم يكفيني مبلغ اسافر فيه' والافضل لي كمبتعث جديد السكن مع عائلة او بسكن الجامعه وشكراً .
( تمت المشاركة باستخدام تطبيق مبتعث )
بالنسبة للمبلغ يعتمد على الشخص بشكلل كبيير اما بالنسبة للسكن فاذا تبي نصيحتي اقولك رح في البداية فندق ولا موتيل شيء رخيص مدة اسبوع وقابل العوايل المتاحة وشف اسعار الشقق بنفسك والدورم بعدين قرر عشان ماتتوهق
رد: بتروح على حسابك حط سؤالك هنا او انجاوبك
السلام عليكم
حبايبي انا رحلتي يوم 10 اكتوبر بإذن الله
اوراقي كامله فيزا واي توني وقبول معهد وفحص طبي .. ناقصني قبول جامعي مشروط بيتأخر علي يعني بسافر قبل لا يجيني قبول مشروط
السؤال الله يعافيكم فيه ناس قالو لي قدم اوراقك بدون القبول المشروط وسافر وبيجيك رفض لان مافي قبول مشروط وبعدين اضيف لهم القبول وقدم مرة ثانية .. فهل هالطريقة صحيحه ؟
او عطوني حل بارك الله فيكم
رد: بتروح على حسابك حط سؤالك هنا او انجاوبك
السلام عليكم
انا قدمت طلب دراسة على حسابي الخاص في امريكا ,, والان الملف في الوزارة ولم يصلني القبول من 3 اسابيع
(( ولم ارفق الفحص الطبي )) هل يتم رفض الملف ؟
رد: بتروح على حسابك حط سؤالك هنا او انجاوبك
ارجو منكم تردون على سوالي غريبة مافيه احد تخصصه حاسب يفيدنا
( تمت المشاركة باستخدام تطبيق مبتعث )
رد: بتروح على حسابك حط سؤالك هنا او انجاوبك
السلام عليكم ورحمة الله وبركاته
اخواني انا ابيي ارووووووح اتعلم لغـــــــــــــــــه وطمووووووووحي اني ارووووح واتعلم طبعا حاولت هنا اتعلم بس ماش كل اللي اتعلمه يتبخر بسرعه لأني مااستخدمه
وأنا بطيئه بالحفظ بس مع التكرار اتعلم بسرعه الزبده ان عمري الأن 34 طبعا مضى على شهادتي اكثر من 3 سنوات ....وبصراحه شروط الأبتعاث ماحبيتها ابد ابد لأن العلم ماله عمر
السؤال هو هل اذا رحت على حسابي وخلصت 3شهور هل يمديني التحق بالبعثه يعني راح يقبلوني ولا لا ؟؟.....طبعا انا ابي اروح مانشستر لأنها اقرب وأرخص ..
الشي الثاني معاي ولد وبنت هل راح يدخلونهم مدارس حكوميه ولا كيف وضعهم ؟؟
الشي الرابع هل هذي الجامعه لو انقبلت بالبعثه هل اقدر ادرس فيها بليييز شوفولي الرابط لأني ميييح بالأنجلش Manchester School of Art - Manchester Metropolitan University
لأني ناويه ادرس خياطه وتصميم بعد ماأتقن اللغه واذا ماتصلح هذي الجامعه ياليت تفيدوني بجامعه ثانيه يكون فيها تخصص تصميم أزياء
اخيرا الله يوفق اللي بيرد علي ويدخله الجنه ووالدينه يارب ويسعده دنيا وأخره يارب
بس بليييز ردو بسرررعه ...يارب يكون فيه امل ادرس يارب
رد: بتروح على حسابك حط سؤالك هنا او انجاوبك
اقتباس:
المشاركة الأصلية كتبت بواسطة arvain
السلام عليكم
حبايبي انا رحلتي يوم 10 اكتوبر بإذن الله
اوراقي كامله فيزا واي توني وقبول معهد وفحص طبي .. ناقصني قبول جامعي مشروط بيتأخر علي يعني بسافر قبل لا يجيني قبول مشروط
السؤال الله يعافيكم فيه ناس قالو لي قدم اوراقك بدون القبول المشروط وسافر وبيجيك رفض لان مافي قبول مشروط وبعدين اضيف لهم القبول وقدم مرة ثانية .. فهل هالطريقة صحيحه ؟
او عطوني حل بارك الله فيكم
+1
احسبني معك عندي نفس وظعك ولاا ادري ااجل شهر ولا اتوكل