تقرير لقاء إعداد الدارسين على حسابهم الخاص في الخارج - محدّث

شباب احد جاته رسالة اليوم ؟ والله قلق المشكلة اخش الموقع حق الموعد يقولي الرقم خطأ وش هالقروشة

دخلت رقم بطاقتي يقولي خطا وربي صرت اشيك على بطاقة الاحوال حقتي عشرين مره فاليوم من خوفي اكون انا الغلطان بالرقم

نفففسسس حالتي رغم اني مسجل من شهر و لا جاني شي للحين يخلونك مهموم بالغصب و خوفك تروح هناك و ما يدخلونك الملتقى ، الله يسهل الامور

نفس المشكلة مع اني مسجل رقم بطاقتي عدل

تسلم اخوي شيكت ع رقم بطاقتي وطلع لي (انت في البرنامج الثاني يوم الثلاثا القادم ) السؤال يقولون لازم يرسلون لك دعوة وفيه استمارة لازم تعبيها ياليت احد يفيدنا ؟؟

الله يسلمك

بعد ما تدخل رقم البطاقة بتلقاء بياناتك و خيار طباعة استمارة التسجيل مع العلم انهم ما طلبوها مني
اهم شي بطاقة احوالك لانه فيه جهاز يسجلون فيه حضورك و خروجك

بالنسبة لشباب الي دخلوا رقم البطاقة تاكد ان الارقام بالانجليزي

واذا ما دخلك تعال قبل الملتقى بنص ساعة او اكثر يسجلون الي ما سجل فالملتقى و الي عنده مشكلة يحلونها له

هذا الي صار يوم احضر الملتقى .

دعواتكم ....

الله يسعدك دنيا و اخره ياخي اقلها طمنتنا يا رب يفرجها عليك وين ما كنت و سلمت يا الذيب

مالقيت خيار طباعة بس بروح لهم مع ان فيزتي ماطلعت تطلع خلال الاسبوع هذا انشالله تطلع قبل الملتقئ. وماقصرت وعسى الله يوفقكك

السلام عليكم ورحمه الله وبركاته

امس شباب بنات كنت احاول في الروابط المنزلة في الموضوع ويقول لي خطاء بالرقم
وبعدا قلت لازم اروح الوزارة بكرة
وطلعت الوزارة اليوم الخميس الموافق 12/02/2015 واخذت رقم عند الدارسين على الحساب الخاص وانتظرت ساعه ونصف وجاء دوري وكلمت الموظف المختص
وقلت له ابي اطبع ورقة الحضور قالي عطني البطاقة شاف الهوية وقال اسمك مسجل في الملتقى حق يوم 14/02/2015 قلت الحمدلله طيب يابو الشباب اطبع الورقة قالي رح لدكتور وخذ رقم ثاني
قلت يله وانتظرت ساعتين الى ما جاء رقمي ودخل على الدكتور وقالي عطني رقم البطاقة واعطيته قالي اسمك مسجل قلت الحمدلله طيب ابي ورقة حضور قالي اذا ما جتك دعوة في اليومين هذي تعال يوم الاحد واحضر الملتقى .
طيب بس في ملاحظة بسيطة انا كنت انتظر عن الدكتور وتعرفت على شباب شرواكم ( واحد قال انا راح موعدي الملتقى اللي راح ويبي يحول على الملتقى الي يوم 14/02/2015 ) والثاني مثلة والثالث والرابع والخامس
طيب اول ما دخلت على الدكتور كنت كاتب في ورقة اسمي ورقم الهوية وما اخذ الورقة اللي مثل ما اخذها من الشباب رجعها لي اما الشباب اللي يبون يحولون الموعد اخذها ووقع عليها
سالته قلت يوم 14/02/2015 راح يكون السبت شلون تبي احضر الاحد قالي تعال الاحد اذا ما جتك رساله على الاميل
بس لاحظوا نقطة انا ابي اقولها لكم
اذا ما جت رساله على الاميل اجي يوم الاحد يعني هم من يوم السبت يبدون تاكدو وانا راح اكون هناك السبت جت الدعوه او لا اذا ردوني ابي اجي الاحد
واسف على الاطاله بس حبيت اعطيكم التفاصيل
بس لا احد ينسى الزي السعودي الرسمي
وتقبلوا تحياتي