هل صحيح بأن الدارس على حسابة الخاص، لن يتم تعويضه؟
السلام عليكم و رحمة الله
اليوم الظهر كنت بمقر وزارة التعليم العالي كان عندي بعض الإستفسارات اللي أحتاجها
سألتهم عن تعويض الدارس على حسابه الخاص بعد ضمه لـ البعثة لكن للأسف الموظف أجابني بأن لا تعويض يعطى لـ الطالب كما سمعنا
أعتقد أن التعويض كان قديما أما الآن وبعد كثرة الطلاب المبتعثين اوقفت الوزارة التعويضات
على العموم من يقدر يؤكد لنا هذا الموضوع ؟
دمتم بخير ,,
رد: خبر حزين لـ البعض .. ربما , من يقدر يؤكد لنا صحته ؟
انا طلعت على حسابي الخاص في ٢٠١٢ شهر ٥
وبشهر ٩ انضميت للبعثه ، عوضوني بس عن تكاليف السمستر حق شهر سبتمبر
يعني الملحقيه تعوض عن السمستر الي انضميت فيه للبعثه ، هذا والله اعلم
رد: خبر حزين لـ البعض .. ربما , من يقدر يؤكد لنا صحته ؟
اقتباس:
المشاركة الأصلية كتبت بواسطة Miss Hayfa
انا طلعت على حسابي الخاص في ٢٠١٢ شهر ٥
وبشهر ٩ انضميت للبعثه ، عوضوني بس عن تكاليف السمستر حق شهر سبتمبر
يعني الملحقيه تعوض عن السمستر الي انضميت فيه للبعثه ، هذا والله اعلم
يعني لو قلنا أن السميستر يبتدي في شهر 1 وينتهي في شهر 5 .. اذا تم إلحاقك بالبعثه في اي من هذه المده يتم تعويضك عن هذا السمستر فقط ..
اما لو تم إلحاقك في شهر 6 (بعد إنتهاء السميستر) .. وقول انه إجازه .. ماراح يتم تعويضك عن اي شي !
هذا النظام المطبق من يوم عرفت الملحقيه ومستحيل انه يتغير ..
لانه من حق الطالب المبتعث أنه إذا تم إلحاقه خلاص الضمان المالي يشمل تكاليف معهده او جامعته ..
فبالتالي تلقائياً المعهد او الجامعه اذا عطيتهم صوره من الضمان المالي الخاص بالملحقيه ..
يروحون مباشرة بإرسال فواتير الفصل الحالي للملحقية والملحقيه ترسل لهم الشيك بالمبلغ المطلوب ..
بعد مايستلمون الشيك الجامعه او المعهد .. يروحون يحررون شيك للطالب ويرسلونه على بريده .. ويعطونه الـ Refunds (إسترجاع المبلغ) ..
هذي هي الطريقه اللي انا اعرفها من خلال تجربتي .. لاني انا نفس النظام كنت على حسابي وألحقوني في البعثه في عام 2010 ..
رد: هل صحيح بأن الدارس على حسابة الخاص، لن يتم تعويضه؟
السلام عليكم
الاعضاء محمد فهد وهيفاء ماقصروا
لكن هي واضحه انت طالع على حسابك الخاص يعني كيف يعوضونك وانت كنت على حسابك الخاص
رد: هل صحيح بأن الدارس على حسابة الخاص، لن يتم تعويضه؟
رد: هل صحيح بأن الدارس على حسابة الخاص، لن يتم تعويضه؟
هو بالأساس لايعتبر تعويض
ببساطة هم يدفعون رسوم السشن اللي انضميت فيه لانك تعتبر مبتعث وقتها
لكن اذا انت دفعت الرسوم يعوضوك عنها لانك مفروض ماتدفعها وانت مبتعث ..
رد: هل صحيح بأن الدارس على حسابة الخاص، لن يتم تعويضه؟
اللي اعرفه ان التعويض للمعهد او الجامعة في الفصل الحالي والسابق ماعليه تعويض
اما رسوم الفيزا والتذاكر فيه مبتعثين قالوا انها تتعوض
والله اعلم
رد: هل صحيح بأن الدارس على حسابة الخاص، لن يتم تعويضه؟
نفس كلام الاخت هيفاء يعطونك حق اخر سمستر اللي انت انضميت فيه ولا يعتبر يا اخوان تعويض لان قرار الانضمام اللي يجيك بالشهر يكون انت مسدده من قبل ف المعهد او الجامعه ترجعه لك لانهم استلموا حقة من الملحقية فالعالم يعتقدون انه تعويض اخر شهر ...
وهذا الكلام حسب ما قاله وشرحه لي احد الاصدقاء بالملحقية ...
بخصوص بعد فتح ملف الملحقية ؟
اهلاً ..
انا الحمدلله قبلتني الوزارة وفتحت ملف طالب
بس ماادري هل فيه خطوة بعدها والالا
لأن اشوف بعض الناس يقولون لازم ترسل درجات اول بأول للملحقية .. وبعضهم يقولون مايحتاج !! ؟
السؤال الثاني
انا حسبت متى المفروض يتم ضمي للبعثه اللي هي مدة 4 اشهر وكانت في بداية اجازة الكريسماس .. هل يضموني وقت الاجازة وتبدا تنزل المكافاة فيها والا بعدها ؟
طبعاً ان شاءالله يضموني بعد 4 شهور بالضبط لأني الحمدلله دايماً احضر ولااتاخر واذاكر ..