محطة منتظرين موافقة الدراسة ع الحساب الخاص

السلام عليكم ورحمة الله وبركاته



انا جاني رفض على طلبي للدراسه على الحساب الخاص والسبب ان التخصص اللي جبت عليه قبول اصبح متكدس .. مع العلم انا من ملتقى الرياض الاخير اللي كان فبراير ٢٠١٥ .. والان انا في بلد الدراسه ... الحين غيرت تخصصي وجبت قبول جديد واي توني جديد من الجامعه ... هل ارفع طلب موافقه على الحساب الخاص جديد والا اعدل على طلبي المرفوض وارسله لهم ؟؟



شكرا لكم

الله يعينك . طالما إنرفض بتسوي واحد جديد . وعلى الله ما يتكدس التخصص قبل لا تاخذ الموافقة.

التخصص القديم اللي جيت عليه قبول ماكان متكدس ولكن معاملتي اخذت قرابه شهرين عندهم وخلو تخصصي متكدس وبعدين ارسلولي رفض ... ناس ما تخاف الله ... الله لا يوفقهم ولا يبارك لهم لا في مال ولا ذريه ... اللهم امين

الحين حولت تخصص ثاني مو متكدس لكن الله يكفيني شرهم وحسبي الله ونعم الوكيل عليهم .. والله كريم

سوال .. هل ارفق الاي توني كامل والا بس الورقه الاولى ؟؟؟

الله يكون بالعون وانا خوك سبع شهور إنتظر الموافقة ولاجات , ونفس حالتك بالضبط بس تكررت مرتين , والحين قدمت للمرة الثالثة قبل إسبوعين وإن شآء الله ما يتكدس بعد.
بخصوص الاي توني نصيحة حطة كامل لأن ذولا مالهم مذهب متى ما بغوا يمشون والله لو طلبك فاضي جتك الموافقة فلا تخلي لهم زلة او نقص بالطلب.

انا سبعة شهور وجاتني والاي توني رفقتلهم اول صفحة بس أصبرو وان شاء الله تجيكم

محد يعرف لهم ايميلات شغالة يعني يردون عليك؟؟

التخصص اللي جبت عليه قبول الحين مو متكدس ... الله يستر منهم ويكفينا شرهم ناس ما تخاف الله ولا تحسب لك اي حساب ولا عندهم لا ذمه ولا امانه .. حسبي الله عليهم ..

انا رايح الان يم التعليم العالي احد يبيني اساله عن شي سريع يكتب الي يبيه

لاكن لا تحرموني من دعاكم لي .. الي يبيني استفسر له انا الان قريب يم التعليم العالي اكتبو الي تبونه وانا راح اسال لكم معكم الى ماصل بالتوفيق وانا قريب للتعليم

بألله اسأل هل. فيه امل يستثنون للالحاق اللغه للي راح قبل المكرمه .