| . . مـتـابـعة طـلـبات الإلحاق لدى الوزارة . . | (3)

اقتباس:

---

المشاركة الأصلية كتبت بواسطة r00t

وش عنده الي اخذ الجنسيه الامريكيه من كثر ماهو جالس ب امريكا ؟ الي يسمعك يقول لك 10 سنوات ,

بعدين الي مستبشرين بالخير هذولي متوكلين ع الخالق ما توكلو على المخلوق اذا انت ، ما توكلت ع رب العالمين ولا عندك تفائل وثقه بالله
أرجع انت الحالك .. ماعليش لا كان أسلوبي شوي خشن معك .. لأن بكلامك هذا بتأثر على ناس كثيرين ( قل خيراً أو اصمت ) ماقلت هالكلام هذا أنا قاله من هو أطهر مني ومنك
عموماً رمضان كريم .. وكل عام وانت بخير وصحه وسلامه :)

---

اخوي كلنا متوكلين على الله. بس عندك تجربه من واحد بنزينه خلص بعد سنه وواحد طبعا بيسبتشر بالخير لان توه بادي ومعبي التانكي فل. هو الواضح من المعطيات ان مافي ابتعاث ومو معناها لمن احد يدلي بهالشي معناتها انه متوكل عالخلق مب الخالق ! انا من الناس اللي كنت دايم استبشر بالخير الين يوم طلع خبر ان محمد بن سلمان بيجي قلت الموضوع فيه انه وفعلا يوم جا انقلب حالنا.

Never give up on your dream,keep struggling until achieve your dream and remember only god can judge ya not the people

اقتباس:

---

المشاركة الأصلية كتبت بواسطة suliman1996

اخوي كلنا متوكلين على الله. بس عندك تجربه من واحد بنزينه خلص بعد سنه وواحد طبعا بيسبتشر بالخير لان توه بادي ومعبي التانكي فل. هو الواضح من المعطيات ان مافي ابتعاث ومو معناها لمن احد يدلي بهالشي معناتها انه متوكل عالخلق مب الخالق ! انا من الناس اللي كنت دايم استبشر بالخير الين يوم طلع خبر ان محمد بن سلمان بيجي قلت الموضوع فيه انه وفعلا يوم جا انقلب حالنا.

---

اوافقك الرأي.
انا صراحه استغرب ان فيه ناس لسى تبي تطلع تدرس على حسابها وهم شايفين وعارفين كيف الأوضاع مزرييييه
شخصياً اشوفه اغبى المخلوقات واقصد الشخص اللي ميزانتيه ماتكفيه سنه على حسابه ورايح وهو متأمل ان يلتحق بالبعثه!
ياعمي الأكاديمين وهم اكاديمين ما ضموهم الا (بمكرمه)
في أمريكا
غير الآف الاكاديمين في مختلف دول العالم منجزين الشروط وما التحقو إلى الآن
الإستعجال شين والتفكير بالعواطف اشين بعد
انا من رأيي اللي ماطلع وناوي يدرس على حسابه وميزانيته محدوده يركد وينثبر مؤقتاً لين ماتتضح الأمور أو يقدم على برنامج وظيفتك وبعثتك ممكن يحالفه الحظ والقبول.

الواحد يوكل أموره لربنا في كل وقت في السراء وفي الضراء وان يأسنا يئس من حولنا وأهلنا ولازم صعوبات في هذي الحياة بس العبرة في الصبر وان شاء الله كلنا نبتعث كل شي بيد ربنا الخالق وليس المخاليق فلا نتحطم المفروض نشجع أنفسنا لما نوصل لمبتغانا الله يوفق الجميع يارب ونوصل لطموحاتنا ونرفع روس اهالينا

شباب بلله أفيدوني
هل استطيع انهاء ال ٣٠ ساعة في الكومنيتي؟

نظراً لكثرة المشاركات في هذا الموضوع , تم فتح موضوع جديد للتسهيل على الأعضاء الكرام .

يمكنكم زيارة الموضوع الجديد عبر هذا الرابط : http://www.mbt3th.us/vb/forum178/thread467654.html

وسيتم إقفال هذا الموضوع , وقبول المشاركات الجديدة في الموضوع الجديد.

نشكر لكم تعاونكم , وندعوا لكم بالتوفيق وتيسير الأمور .

الإدارة ,