| . . مـتـابـعة طـلـبات الإلحاق لدى الوزارة . . | (3)

..........................

قريت برضو خلال هالاسبوع انضم كذا طالب ويعني بتمشي عليهم شروط الاربع شهور .. السؤال كيف؟
واسطة؟ ولا النظام ملخبط وكل موظف يسوي اللي يبي! الغريب واحد مقدم بعدي وانضم انا ما عندي مشكلة الله يوفقه بس وحنا ؟

وسالفة الفصلين ممكن تكون 8 شهور لكن السؤال الاهم بعدها لو بندرس جامعة من بيدفع وبنضطر ندرس 30 ساعة او لا
هالشيء اعقتد بنعرفه بعد ما الوزارة توضح كل شيء للملحقية ف لحد يفتي مب ناقصين احباط

اتوقع سالفة الانضمام انه بس كذا بدون صرف راتب، لحد ما يصير طالب اكاديمي ويخلص ٣٠ ساعه

-
-
-

اخواني.. وغيركم للفايدة..
شيكت الكليات في موقع الملحقية طلعت كثيرة وتقريبا بكل ولاية وكل مدينة..

لذلك اذا تفضلون مكان معين علموني اياه واذا ما تفرق معكم فيوجد كلية مجتمع اسمها Bishop في ولايتنا الاباما- مدينة موبيل.. تقبل ايلتس على 4.5 تجي تختار اي تخصص معتمد بالوزارة وتدرس فيه فترة.. والمواد بأول سنه تكون مشتركة بين اغلب التخصصات.. يعني:

تدخل الكلية تدرس مواد تتطابق مع المواد اللي راح تدرسها بالجامعة عشان يعادلونها لك اذا جيت تنتقل للجامعة.. وبكذا مايروح تعبك بكلية المجتمع.. وتكون التحقت بالبعثة وتنتقل لأي جامعة تبي..

وتقدر تدرس اللغة -سلف ستدي- بالوقت اللي انت فيه بالجامعة غير المواد اللي بالكلية مثل انقلش 101 و102 اللي راح تقوي مهارة الريدنق والرايتنق بشكل كبير.. واللي راح يساعدك اذا اختبرت ايلتس مرة اخرى عشان تحصل على ال5.5 بسهولة وتدخل الجامعة.

اتمنى تكونون فهمتوني..

يقول لك معظم أغنياء دول العالم هم طلبة منسحبين من الثانوية ومن الكلية..

يمكن تكون خيرة لأحد انه يترك مجال الدراسة ويبدأ نشاطه الحر

عن نفسي أدري 100% ان التجارة والاعمال الحرة افضل من الوظيفة.. لكن لأني فاشل بالتجارة وأستحي من المطالبة بحقي.. ما حبيتها

وبيني وبينكم..
اذا تعبتوا من المطالبة ومن الهاشتاق ومن مبتعث ومن مراجعة الوزارة..

ارضوا بالأمر الواقع واشتغلوا على خطة B


"أجيب ايلتس 4.5 بأسرع وقت + أدخل كلية مجتمع رخيصة جدا + أنضم للبعثة كطالب أكاديمي + أترك الكلية وأنضم للجامعة واعادل الساعات اللي قضيتها بالكلية "


#اعادة_الامل

بس مين يقدر يسوي الخطه هذي وفصلين اللغة بدون راتب وتأمين . واغلبنا عالحديدة مو لاقين وش ناكل بكرا اقل شئ الخطة B بتخسر 20 ألف دولار سنتين

اذا عندك خبرة في هالموضوع الله لاهينك اشرح لنا اكثر. انا قريت عن مثل كذا بس مافهمت. والدكتور محمد العيسى في كل اللقائات حق برنامج ساعة مع الملحقية كان ينصح الطلاب اللي جايين من الثانوية بدخول كليات المجتمع ويقول افضل من دخول الطالب الجامعة مباشرة

انا معك ان الوضع صعب لكن ما قدامك الا حل واحد..

انك تخلص اللغة بأشهر قليلة.. تطلع من المعهد تروح للمكتب الى منتصف الليل يوميا.. طفشت من المكتبة تابع افلام مع السبتايتل واكتب الكلمات المهمه واحفظها.. اتعب ولا ترحم نفسك.. وصدقني تاخذ الايلتس 4.5 بأشهر قليلة ما تتجاوز 3 شهور.. أنا اخذت 5.5 بأربعة شهور...

وابدأ كلية واسحب على المعهد وعلى ضمانهم المالي هذا لابارك الله فيهم...



بعد التعديل:

يا حبيبي لا تعقد نفسك بهالكلام.. ليش 20 الف دولار ؟

الموضوع اسهل من كذا بكثير

طيب اذا واحد ماباقي شي ماشتغله بسطات وبسط و ليموزين واشتغل وظايف تعبانة واشتغلها حتى يجمع هالقرشين ويوم شاف فرصة يطور نفسه قالو له 4 شهور وتجيك البعثة وجا هنا وخلال شهورطير فلوس جمعها في سنين وتسلف فوقها على اساس انه مايرجع وتكون ضاعت فلوسه على فاضي

ومن قالك ان اذا بتفتح عمل حر بيخلونك
قدامك مالذ وطاب وماتتصور ومالاتتصور من التعقيدات من ناحية استقدام وتراخيص ورسوم اضافة للمشاكل المعتادة للعمل الحر من منافسه شريفة وغير شريفة وسرقات وايجارات ومصاريف ومواسم ركود ومشاكل العمالة وغيرها