للأسف اكتشاف في ملتقى الرياض

انا في امريكا لي شهر هناك وهم ارسلو لي على هذا الملتقى ولاقدرت احضر صعبه وماكنت اعرف اصلا اني لازم احضر ملتقى قبل السفر لا اصدقائي ماكان في كذا

يا اخوان بالله اللي يحضرون الملتقى بلغوا الدكتور انه في طلاب من ملتقى جده ما جتهم الموافقة و بعضهم بدا الدراسة الاكاديمية و وده يقدم الحاق و ما ماخره الا الموافقة يا ريت تعجلون في الارسال

ابشر الحين بكلمهم عنكم وبردلك

لسى انتظر بتجيك رسالة اخرى يبغالها يومين الى ثلاثة
واذا ماجاك شي لا سمح الله بتروح الوزارة تعدل الطلب
سهالات ان شاءالله لاتشيل هم ووسع صدرك

طيب بعد شهرين فالدمام شهر 2-1436 فيه ملتقى لازم تحضره ضروري
فيه كثير ناس رجعو عشان الملتقى
الحقيقه مره والله يسهل امرك

اخ عمر هل راح يتاجل ملتقى الدمام يومين زي ما تأجل ذا الملتقى يا ليت تسألهم
السؤال الثاني ولد خالي بيروح معي اوارقه كاملة وكل شي لكن هو انسحب من احد جامعات المملكة وجاب اخلاء طرف فا اسألهم الله يعافيك هل يرفقه يوم يجي لخانة التحميل في فتح الملف من موقع الوزارة او لا ولا بس يوم الملتقى

ثاني شي الله يعافيك اذا كان لك وسيلة اتصال معهم سواء من رقم جوال او ايميل او اي شي عطنياه الله يرضى عليك

من ناحية الملتقى ما تأجل بس هم وزوعوه عدة برامج وكل برنامج وتاريخه ووقته العصر او بالليل

من ناحية اخلاء طرف فيه بخانات ارفاق الصور
فيه خيار اسمه مسوغ اختياري وزي كذا
يرفق فيه الكشف الطبي والاخلاء كمان عشان اذا جاء مرحلة التدقيق يشوفون الاخلاء

من ناحية الرقم راح احاول ادبره واخبرك
تحت امرك

الله يعطيك العافية يالامير و ما يامر عليك عدو

طيب الكشف الطبي اللي بسويه ذحين وارفقه في الموقع هو نفسه اللي احضر به يوم الملتقى لان الفترة بين الكشف الطبي اللي بسويه ذحين ويم الملتقى اللي هو 6/2 تقريبا شهرين فهل هم يطلبون حديث او يكون له مدة مححدة

وهل الاولوية في حضور الملتقى هو اللي يسجل ويرفع ملفاته من اول يوم على موقع الوزارة او لا لاني ابغى احضر الملقى الاول اللي هو 6/2/1436 وهل يجب ان احضر الايام كلها ولا بس يوم واحد وهل يبدأمن الصبح او من العصر ومتى ينتهي ومتى يرسلون رسالة بموعد ووقت حضور الملتقى لاني اخاف احجز رحلة على الدمام ويطلع في الرسالة الايام الثانية وبعدين يالامير كيف جتك رسالتك ومتى

العذر والسموحة منك يالامير على كثر الاسئلة لان صار لي فترة ادور على واحد حضر الملتقى عشان اسأله واتمنى تفيدني يالامير

من ناحية الكشف مافيه اي اشكالية بالتاريخ اهم شي انك كويس وهو نفسه لازم تجيبه بالتدقيق

مافيه شي اسمه اولوية اهم شي انك عندك رقم طلب ولو كانت اوراقك كاملة يكون كويس عشان تجيك الموافقة بسرعه لان اللي مثلي ناقصه عليه اوراق راح تتاخر لين ارفق باقي اوراقي

والملتقى تحضره 3 ايام
العصر وبالليل فقط مافيه بالصبح
كل برنامج ووقته
وكل يوم 4 ساعات 4 محاضرات

يرسلون لك قبل الملتقى من 3 ايام الى اسبوع

يعني افهم منك يالامير انه اجباري احضر الثلاث الايام في الملتقى كاملة ولا بس يوم واحد يكفي انا ابغى اكون نظامي يعني الفترة الواجبة او اللازمة اللي هي الثلاث ايام كاملة من 6/2/1436 الى 8/2/1436 ولا بس يوم واحد

- - - مشاركة محدثة - - -

وحاول يالأمير ان اول ما يطيح الرقم في ايدك الرقم ارسله لي