تقرير تدور على تأمين طبي رخيص وانت على حسابك الخاص تفضل

السلام عليكم ورحمة الله وبركاتة
قراءة اكثر من موضوع يستفسرون عن التأمين الصحي في امريكا .. وحبيت افيد الاعضاء بتأمين صحي رخيص وممتاز ومجربه اكثر من مره

طبعا التأمين الصحي فيه انواع انا بشرح لكم فئة واحده وهي الافضل اسم الفئة Shield 500 من شركة ISO
التامين يدفع لك فاتورة المستشفى و الصيدلية 77.50% من الفاتورة وانت تدفع 22.50% .... اخر فاتورة دفعها لي التأمين في الصيدلية وصفه طبية
سعر العلاج من الصيدلية 19.99$ ..... التأمين دفع 15.47$ .... انا دفعت لصيدلية 4.52$

اسعار التأمين على فئة Shield 500

العمر :
من 12 - 24 سعر التأمين في الشهر 53$
من 25 - 29 سعر التأمين في الشهر 145$
من 30 - 64 سعر التامين في الشهر 245$

الحد الاعلى للتأمين داخل شبكة التأمين الطبي:
(in network)
الحد الاعلى السنوي : 500,000$
الاخلاء الطبي : 100,000$
نقل الجثة الى الوطن : 50,000$ مو متاكد منها
الطبيب المباشر على الحالة: 0$ ماتدفع شي للطبيب
المركز الصحي : 30$ يدفعون لك والباقي عليك
الطبيب الاخصائي :50$ يدفعون لك والباقي عليك


غرفة الطوارى : 250$

نجي لطريقة التسجيل والاشتراك في التأمين الطبي :
ادخل على الرابط
اضغط هنا

الخيار الاول : International students
الخيار الثاني: تاريخ الميلاد نفس جواز السفر
الخيار الثالث : اختار الولاية في امريكا
الخيار الرابع : اختار المعهد او الجامعة التي تدرس فيها
تاكدو من معلومات التسجيل لان راح ياخذو اوراقك من المعهد ويتاكدو انك طالب ... بعد التاكد اضغط موافق

بعدها اختار فئة التأمين Shield 500 واضغط على يمين الصفحة كلمة Buy ... بعدها عبي بياناتك الشخصية ( اسمك و العائلة - نوع التاشيرة- جنسيتك-جنسك)
وكمل بيانات الحساب واختار كم شهر تبي التأمين .. وعبي بيانات الفيزة وراح يسحبو المبلغ منك ويعطونك التأمين الطبي وراح يرسلونه على عنوانك
والحلو عندهم نزل البرنامج على جوالك وتدخل على حسابك وموجود فيه كل بيانات التأمين الين مايوصلك البطاقة بعد التسجيل 15 يوم تقريبا

اقل اشتراك عندهم 3 شهور واكثر شي 10 شهور ..... , ونصيحة مني للطلاب على حسابهم الخاص طلع تأمين لان انا دخلت الطوارى في حالة حرجة جدا وما كان معي تأمين طبي
والفاتوره وصلت لي 35 الف ريال سعودي وبعد ماكلمتهم اكثر من مره واني طالب قالو ادفع لنا 15 الف ريال سعودي .. و انا الحين ادفع لهم كل شهر اقصاد

انتمنى الشرح يكون واضح لكم ... ودعواتكم لي بالالحاق بالبعثه