مساعدة استفسار عن الزواج من امريكية وانا على حسابي الخاص

بإختصار ،،،،،، لا تغامر
Just advice
,It is high risk in your life and future

هناك شروط للزواج من اجنبيه مولوده خارج المملكه واولها الا يكون من الدارسين على حسابهم الخاص او المبتعثين ويجب ان يكون العمر تجاوز الثلاثين غير كذه مخالفه هذا عليه سجن وغرامه فوق ١٠٠ الف ريال غير احتماليه سحب الجنسيه وموافقه السعوديه على هذا القرار من الممكن ان يكون هناك استثناء لذوي الإعاقة والاحتياجات الخاصه التقديم عن طريق خدمه ابشر من الممكن ان تتزوج مسلمه لأحد يمنعك ولكن يجب ان يكون لديك قرار بان تعيش باقي حياتك في امريكا

انا اتفق معه 🏻
لا تغامر فكره واستخر والجنسيه الامريكيه ماهي مهمه لك يالسعودي
وبالنسبه للدراسه اللي اعرفه والله اعلم ان المبتعث ذا طلع قرين كارت يقطعون عنه البعثه
لكن اللي على حسابه الخاص ماتوقع لهم علاقه فيك وش بيسون يعني !!
لكن انت اسال السفاره وتاكد من وزارة الداخليه وصل الاستخاره وفكر وشاور وتذكر ان الزواج ارتباط دائم والحكومه الامريكيه اذا اكتشفوا ان الزواج من اجل الحصول على الجنسيه الامريكيه بيكون فيها عقاب وسجن للامريكيه وانت ممكن سجن لكن المؤكد تسفير ️
وحط في بالك انهم يدققون بمكان الاقامه ( ضروري تكونوا ساكنين سوا )
حساب البنك مشترك ( تسددون منه الاشياء المشتركه بينكم مثل ايجار البيت وغيره )
اذا طلقت لا قدر الله لها الحق تاخذ نص املاكك الا اذا وقعتها على اوراق قبل الزواج او سبب الطلاق خيانه الزوجه
وبالنسبه للجنسيه الامريكيه ماهي مطمع الان خصوصا بعد مافرضوا التاكس على الحاملين للجنسيه الامريكيه وخارج امريكا
يعني اذا انت معك جنسيه وتشتغل بالسعوديه بتدفع للحكومه الامريكيه التاكس الظاهر ٢٠٪‏ او اقل او اكثر المهم انه مبلغ مو سهل فكثير من الحاملين للجنسيه تنازلوا عنها
وممكن يكون فيه طمع من الامريكيه اذا شافت معك فلوس ( تراهم شعب مطفر )
اهم شي انتبه لسالفة الحساب المشترك
اسال الله العلي القدير ان يقدم لك اللي فيه الخير ويوفقك ويسهل امورك ويرزقك الزوجه الصالحه اللي تعيش معها بسعاده وبالتوفيق

يعطيك العافية بس هل انت متاكد من المخالفة هذي ؟ اني اذا تزوجت بدون الموافقة
بتكون هذي المخالفة ؟؟

و انا ما افكر اعيش بامريكا او اني اخذ الجنسية الامريكية بالعكس تماما .. انا سعودي و هذي افضل ارض و جنسية اشوفها بالنسبة لعربي و مسلم ،، الجنسية الامريكية ما بتفيدني كثر ما تضرني، لكن القرين كارد موضوعها ثاني و بعيد عن الجنسية. هي بس بطاقة تخليك تشتغل بحرية داخل امريكا و تخليك تطلع و تسافر و ترجع زي ما تحب بدون فيزا طالب. و غير كذا بيكون دفع الرسوم الدراسية كطالب امريكي مو كطالب دولي. هذا اهم الاشياء اللي كنت ابيها

الله يجزاك كل خير و يجزاكم الجنة 3>

لكن موضوعي مو طمع الجنسية الامريكية و زي ما وضحت بالرد اللي قبلك اني ماني طمعان بالجنسية ،، بالعكس انا اصلا ما ابيها لانها جنسية تضرني اكثر من ان تنفعني خاصا اني عربي مسلم و من السعودية
و انا عارف ان ادارة الهجرة بتكون دقيقة بالشغل هدا و بالتحري، لكن انا برضوا ما العب. لان ممكن كل شي مع البنت بالحلال لانها باذن الله بتكون مسلمة لان لها اهل مسلمين و هي مقتنعة بهالشي و تبي يكون اللي بيننا بالحلال مو بطريقة ثانية، عشان كذا سالت ادا فيه اضرار جانبية من الحكومة السعودية و كيف اخذ الموافقة عشان اكون بالسيف سايد.. و ما انتطر احد يقول لي الخطا من الصح .. لان لو بشوف فيه شي خطا بحياتي او اني بسوي شي خطير و خطا .. اكيد اني بعرف وبوقف هالشي.
لكن دام اني اشوف اني اسويها بالطريقة الصحيحة ليه ما تصير .. يعني لو رحت كطالب و تزوجت .. ابي اعرف ايش اللي لازم اسويه عشان اخذ الموافقة من الجهة السعودية عشان كل شي يطلع رسمي من بلدي انا .. لاني ما اهتم بالنظام الامريكي
النظام الامريكي بيطلب اثبات اني مع البنت كزوج،، و هالشي راح يصير باذن الله لانها بتكون مسلمة و تبي هالشي يكون صحيح و بالحلال. زي ما انا ابيه يكون صح و بالحلال ..

يعني بس ابي كم معلومة من ناس خبرة كانت بهالموقف او عالاقل تعرف و تفيدني بامور حياتية او من الجهات الحكومية او السفارة


شاكر لكم الردود

بصراحه
انا سبق وسمعت 🏻 ان الاجراءات تتاخر
لكن اذا تزوجت وحطيتهم بالامر الواقع يستعجلون بالاجراءات واذا جبت مولود منها يستعجلون اكثر واكثر
والله اعلم ( ماني متاكد )

انا رأيي الشخصي اذا انتم جاهزين للزواج الان ومالكم رغبة باتنظار الموافقه فانا اقولك توكل على الله
وباذن الله كل امورك بتتسهل
وطبعا ابدا بالاجراءات باقرب وقت
واذا مثلا قالولك ليش تزوجت ؟ قل قدمت واجراءاتكم طولت وش تبوني اسوي !!؟
وباذن الله انهم بيتفهمون موضوعك وبتتسهل امورك وبتعيشون حياة سعيده
اتمنى لكم التوفيق والسعادة

ابو سلمان الموضوع مو بهذي السهولة الكثير من الشباب اعرفهم اللغيت بعثتهم وغير كذه بيعرض نفسه للعقوبه

طيب انت مو بعثه اساسا
والضم صعب
واذا تزوجت ان شاء الله الظاهر فيه معونه تجيك للدراسه والعمل

استاذي راجع قوانين وشروط الزواج من اجنبيه مولوده خارج المملكه تجد ان القائمه الممنوعة من ضمنها الدارسون على حسابهم الخاص وفي شروط وضوابط للي يتزوج اجنبيه مولوده خارج المملكه وهناك ايضا بالرغم من قائمه المنع ايضا شرط العمر ومن خبرتي حأقول لك في استثناء تعملو الدوله لذوي الاحتياجات الخاصه وان اعرف كذا شاب وفي قصص وصلت الاعلام لم تسلم من العقوبهومن واقع خبره ايضا اذا كنت ترغب في إكمال حياتك في امريكا سوي الي يريحك لان الزواج بعدين تسير مشاكل المجتمعات المفتوحه ماتقبل الحياه في بلادنا الا ماندر