كم تكلفة دراسة اللغة فقط وتكلفة مراجعة مريض السكري بأمريكا؟

السلام عليكم ورحمة الله وبركاااته

انا حاب ادرس لغة على حسابي من باب تطوير اللغه والوصول الى مستوى متقدم جدا فيها قفلة معي وانا تقول بنقالي يتكلم عربي ابي اطور لغتي ابي اصيير بلبل وقررت اني اطلع امريكا ادرس على حسابي كم شهر وبإذن الله احقق هدفي طبعا كالعاده والسؤال المتكرر ابي تساعدوني في الحصول على معهد رخيص وبرضه يكون كويس في نفس الوقت يعني ميزانيتي تقريبا 30 الف مدري اذا اقدر ادرس بهذا المبلغ واسكن ولا الامر مستحيل فحاب اعرف منكم العلم الاكيد عشان ما اوهق نفسي واهلي في مصاريف احنا مو قادرين عليها وفي نفس الوقت حاب اسأل عن تكاليف العلاج هل هي غاليه والادويه لاني مصاب بالسكري وتعرفون لازم لي مراجعة اطباء وصرف ادويه كل فتره فحاب اعرف وش لي واش عليه قبل اجي فإذا ممكن اتواصل مع شخص عن طريق الوتس او الايميل يكون افضل او اذا ممكن احد يساعدني من هنا برضه مو مشكله ولكم جزيل الشكر والتقدير.

اقتباس:

---

المشاركة الأصلية كتبت بواسطة Sultan089

حاب اسأل عن تكاليف العلاج هل هي غاليه والادويه لاني مصاب بالسكري وتعرفون لازم لي مراجعة اطباء وصرف ادويه كل فتره فحاب اعرف وش لي واش عليه قبل اجي فإذا ممكن اتواصل مع شخص عن طريق الوتس او الايميل يكون افضل او اذا ممكن احد يساعدني من هنا برضه مو مشكله ولكم جزيل الشكر والتقدير.

---

سؤالك عام والأجدر أنك تبحث بنفسك، محد بيمسك يدك ويعلمك وين تروح ووش تسوي. أفتح موقع أي معهد ويعلمك كم تحتاج. عموما اذا مدينة رخيصة ٣٠ ألف ريال ممكن تكفيك نص سنة مع المعهد والسكن.

لكن العلاج أنا أستبعد أن ٣٠ ألف بتكفي مراجعات وأدوية حقت شهر. أمريكا أغلى دولة من ناحية التكاليف الصحية. أعرف ناس كثير يسافرون لكوريا أو المكسيك وياخذون إجازة اسبوعين ويتعالجون أو يسوون عملية وتطلع التكلفة نص السعر. لا تخرج من السعودية إلا وعندك تأمين يشملك أو تشتري كل الأدوية المطلوبة.