تدرس بكندا ؟ قلنا وش مدينتك وهل تنصح فيها او لا

السلام عليكم

اخواني انا افكر ادرس لغة ل3 اشهر بكندا ومحتار في المدينة اللي اجي فيها ياليت كل واحد يقول لنا مدينته ومميزاتها وعيوبها وهل ينصح فيها او لا وكيف الاسعار فيها او المعيشة

أنا مثلك راح أدرس 4أشهر في تورنتو

وأعتقد 3 أشهر راح تكلفك تقريبا 50 الف ريال بتذاكر السفر بالسكن والمعهد والمصاريف لكن تكون مصاريفك معقولة

عليكم السلام..

أنا حالياً في تورنتو ، من أكتوبر 2015

المعاهد في تونتو ، اللي موجودة في قائمة الوزارة ( اذا كنت مبتعث من الوزارة )
ماعرف منها الا المعاهد الاكاديمية ..
1- معهد جامعة York ,
معهد أكاديمي ، ممتاز ، نظامه كوارتر ، 6 مراحل ، اذا اجتزت اللغة من معهدهم تدخل جامعة York بدون شرط الآيلس ، لكن لازم يكون عندك أساسيات اللغة قبل تدخل المعهد.

2- معهد جامعة Toronto
معهد أكاديمي ضمن قائمة معاهد الوزارة لكن مشروط للمراحل المتقدمة ( مايقبل المبتدأ باللغة ، وهذا شرط الوزارة ، اذا ع حسابك الخاص يمديك تسجل فيه )، نظامه سمستر .

وأفضل معهد York , لأن الأغلب مانصح بمعهد Toronto , وتجربتي ل معهد York ممتازة ..

فيه معاهد كثير لكن ماعندي معلومات كفاية عنها ،،

بالنسبة للمعيشة ، غالية نوعاً ما مقارنة بالمدن الأخرى ، والسكن معقول .. تتراوح الإيجارات للشقق النظيفة ، من 1200 ل 2000 $ كندي .

* انتبه من المؤجرين ، واقرأ عقد الإيجار زين وتاكد من كل شرط فيه ، واعرف اللي لك واللي عليك ، لان بعض المؤجرين يستغل المستأجر ..

انا سكنت بتورنتو سنتين ودخلت معهد جورج بروان وتخرجت منه عباره عن 8 مستويات كل مستوى شهرين و تاسيسه ممتاز وانصح فيه لطلاب البكالوريوس . انا ماستر مايودي لاي جامعه لكني جبت درجة الايلتس وماتخرجت منه الا وانا جايبه 6 في الايلتس بس الحق ينقال ماكنت الاقي وقت ادرس للايلتس من الكرف

معهد جامعة تورنتو مرا كويس بس سمعت انه اولا يرسب او ينجحوك لكن مو الحد اللي تدخل منه لجامعتهم لازم تعيد اخر مستوى لجل يزحلقوك وصحبتي عادة الليفيل مرتين وقالولها الرايتنق حقك سيء مع انها جيبه 7 بالرايتنق بالايلتس ولازم يكون عندك اساسيات قبل تدخل
معهد يورك ممتاز ويركز على الرايتنق ووحده قالتلي انه لما تتخرج منه يقبلون جامعة جويلف بشهادته
وفيه معاهد لغه كثيره جدا تجاريه مستواها متوسط لرديء . يكثر فيها العرب بشكل كبير وغاليه نوعا ما من ناحية المعيشه والشقق
انا وصلت المدينه وانا ماعرف اتكلم مستواي مبتدئ و6 شهور وانا اتكلم الانجليزي بطلاقه ولله الحمد ابتعدت تماما عن السعودييات والعرب واعتمدت على نفسي بشكل كبير والناس تساعد وكنت اشتغل بعمل تطوعي ولله الحمد السبيكنج حقي بالايلتس بين 7.5 ل 8 مانزلت عنها

مانصح فيها للي يحس نفسه مايقدر يركز بمدينه كبيره ملهيات كثيره واصدقاء كثير ودراسه صعبه هناك ولكن مدينه ممتازه للي يعرف ليش جاي وايش يبي ومو اي شي يأثر عليه فيها كل وسائل المواصلات وكل شي متوفر من مطاعم عربيه وسوبر ماركتات

لكن انه انصح بعد بكنجستون معهد جامعتهم جدا ممتاز

وبالتوفيق

اخت منال السلام علبكم