بالنسبة لتخصص أمن المعلومات ( Computer Security )
السلام عليكم
اخوآني حآب اسألكم عن تخصص امن الكمبيوتر , Computer Security
نآوي ادخل التخصص هذا بس المشكلة ماني عآرف شي فيه غير اسمه
بعد اذنكم ابي اعرف المواد اللي رآح ادرسها في التخصص نفسة .. وكم سنة مدة درآسته في الجامعه
اللي عنده اي معلومة لايبخل علينا
تحيآتي
رد: بالنسبة لتخصص أمن المعلومات ( Computer Security )
وعليكم السلام...اخوي هالتخصص يعتبر قوي وراح يكون خليط بين البرمجة واساسيات الحاسب مثل انضمة التشغيل والبرامج والهاردوير وبين الشبكات
مدة الدراسه تعتمد ع المرحلة. البكالوريوس تقريبا 4 سنوات والماستر سنتين
وتقدر تبحث في قوقل عن اسماء المواد تحت هالتخصص . فيه اكثر من موضوع يشرح هالنقطة
رد: بالنسبة لتخصص أمن المعلومات ( Computer Security )
تخصص الكمبيوتر سيكوريتي من التخصصات القويه واللي تحتاج لشخص نبيه ويكون عنده حب وشغف في هذا المجال ..
طبعا اللي راح تدرسه بهالتخصص .. راح يكون منقسم الى قسمين ..
قسم بيكون مواد عامه بالحاسب .. مثل الانظمة , والهاردوير والداتابيس والشبكات .. وراح تاخذ بعض لغات البرمجه مثل الجافا والسي بلص بلص .. ويعني من كل شي شقفه مثل مايقولون !
والقسم الاخر وهو بيكون متعمق في الحمايه .. مثل حماية الشبكات , حماية السيرفرات , حماية الانظمة .. الخ !
فالمهم بالموضوع .. اذا كنت تحب مجال الحمايه .. يعني يكون عندك حب تحليل الانظمه او البرامج واكتشاف الاخطاء والثغرات التي ممكن احد يستخدمها كوسيلة اختراق !
فأنصحك بالتخصص !
لان هذا التخصص مثل ما انا اسميه AntiHacker ..!
لانه يهيئك ويعطيك الامكانيات اللازمه .. اللي تخليك تحمي نفسك من اي هكر ..!
هذا والله اعلم ..,
