تجمع طلاب وطالبات علوم الحاسبات - المرحلة العاشرة ( 10 )

هذي بعض مجالات الحاسب في جامعة واشنطن سياتل



و مالقيت تخصص أمن المعلومات عندهم ..

وهذي متطلبات القبول لجامعة واشنطن
Hold a baccalaureate degree from a regionally accredited college or university in the U.S.1 or its *****alent from a foreign institution2.
الحصول على شهادة البكالوريوس من أحد الجامعات الأمريكية أو معادلتها إذا كانت من جامعة خارجية
Have earned at least a 3.0 grade-point-average (on a 4 point scale) for the last 90 graded quarter credits or 60 graded semester credits.
أن لايقل المعدل عن 3 من 4
Be proficient in English: Applicants whose native language is not English must demonstrate English language proficiency.
إتقان اللغة الإنجليزية للطلاب الأجانب وهذي شروطها :




موقع الجامعة
Homepage | University of Washington

و ان شاء الله كل ماوجدت جامعة تلفت انتباهي راح أضع تقرير مبسط عنها و اللي يحب يبدأ يتعمق في البحث

و الله يوفقنا

بحثت عن الجامعات المعتمدة من الوزارة والتي توفر ماجستير في أمن المعلومات في أمريكا
عددها قليل

وعليكم السلام ورحمة الله وبركاته, الله يعافيكي يارب

موافقك أكيد في موضوع امريكا وانا دا اللي فبالي برضو هناك الاختيارات جداً موسعه وان شالله مسهلة كمان

انتي ناوية لما ترجعي حتتوظفي كمحاضرة مثلاً ؟ لأنه انا ملاحظ انه علوم الحاسب تخصص واسع جداً جداً , يعني فيه الواحد ياخد شوية من كل باقي التخصصات

ودا شي مو دايماً يكون كويس يعني أحس احسن لو الواحد يشوف ايت علم وايت منطق اللي شده أكتر من شبكات او ذكاء اصطناعي أو غيره ويتخصص فيه بالذات.. ولا اش رأيك؟

دورت على الجامعات اللي قلتي عليها عندك جامعة واشنطن شوفي احصائياتها تحت



زي مو باين ترتيبها بين جامعات العالم 59, ودا شي طيب مقارنة بإنه شروط القبول فيها نوعاً ما سهلة !

لكن المشكلة انهم متخصصين بشكل أقوى في الطب والعلوم الطبيعية حسب الجدول اللي تحت ع اليسار التكنولوجيا والهندسة تقييمها 73.8%

وترتيبها عالعالم في قوة التكنولوجيا والهندسة هو 69 بينما في الطب 14 !

ما ادري لو كلامي واضح ولا لا لكن اشوف أحسن لو نلاقي جامعة تكون أقوى تخصصاتها هي التكنولوجيا والهندسة

تقدرو تطلعو على الرابط دا QS World University Rankings by Faculty 2013 - Engineering and Technology | Top Universities

مرتب الجامعات كلها في العالم حسب قوتها في تدريس التكنولوجيا والهندسة والموقع موثوق ومن احسن مواقع تقييم الجامعات عالمياً

طبعاً العشرة الاوائل القبول فيهم صعب جداً جداً لكن البقية يتفاوتو

على فكرة من ناحية أوريقون ستيت يوني فمهي قد كدا ترتيب الجامعة ككل 400 عالعالم وترتيب تخصصات التكنولوجيا غير مدرج في الصفحة , معناته لا يدخل في أحسن 500 جامعة في العالم !

من الناحية دي عندنا جامعة الملك فهد أحسن منها وقريبة هههههه

اللي اعرفه يا سيدي ان تخصص المعلوماتية الحيوية (Bioinformatics) هو تخصص يجمع بشكل كبير بين علم الأحياء وعلم الحاسب

حيكون أغلب تركيزه البحثي على كيف انه كيف تطور نظريات لتخزين واسترجاع وترتيب وتحليل البيانات الحيوية الخاصة بالكائنات

وطبعاً عشان تسوي الشي دا لازم تعرف البيانات الحيوية دي تتكون من ايش بالزبط عشان كدا حترتبط في علم الاحياء وتدرسه كتير

وتخصص الحوسبة الجنائية (Computer Forensics) هي زي مو باين من اسمها انك تطلع البيانات الممكن استخدامها قانونياً من الاجهزة

يعني مسرح جريمة وفيه كمبيوتر انت اللي تستلم الكمبيوتر وتفكه وتطلع اللي فيه وترتبه وتشوف اللي يفيد التحقيق من اللي ما يفيده وتقدر تستخرج بيانات عن الاشخاص المرتبطين بالحدث

تقريباً حاجة زي كدا لكن ما اتعمقت في القرايه عنه

شبكات الحاسب (Computer Network) أتوقع معروف, أمن المعلومات (Information Security) برضو المفروض شي واضح

ونظم المعلومات (Information Systems) هي دراسة عن الهاردوير والسوفتوير وأي شي يحتاجه الشخص أو المؤسسة عشان يبني نظام مهمته نقل البيانات أو المعلومات

يعني حتدرس الهاردوير من أجهزة شبكات واسلاك وطرق ترميز وغيرو.. وفنفس الوقت حتدرس سوفتوير من ناحية كودينق وخوارزميات وتشفير وغيرو.. كلو عشان ترسل معلومة من جهاز أ الى جهاز ب بأسرع واكفأ طريقة

ان شالله اكون افدتك وحياك معانا ابوي

زي ما قلتلك الظاهر مركزين أكتر على الطب والعلوم الطبيعية حتى تخصصات الحاسب عندهم قليل نوعاً ما

لكن عندهم هندسة برمجيات ودا شي جميل لو يهمك فكري فالموضوع , شروطهم حلوة وبسيطة

معليش عاللقافة لكن كم معدلك؟ باين عالي ماشالله وعشان كدا بتنقي تنقية.. أنا معدلي 4.06/5 فالحمدلله أغلب الشروط توافق

المشكلة ان الموقع دا محدود جداً مادري هل احنا محدودين بسسس بالجامعات اللي هنا والتخصصات اللي مأشر عليها ؟

او مثلاً لو لقيت نفس التخصص تدرسه جامعة أحسن ممكن اخد منها قبول ويمشي الوضع ولا كيف مادري, عندك علم بالموضوع؟

شكراً ليكي أحييتي الموضوع

والله يوفقك ويوفقنا جميعاً يارب

- - - مشاركة محدثة - - -

طبعاً ما اتوقع انه يحتاج اقول لكن احتياطاً

أي كلام لونه زي كدا في ردودي معناته رابط ينضغط عليه

وشكراً هههههه

يعطيك العافيه اخوي محمد
حول من معدلك من ٤ وشوف كم يصير معك
لانه لاحظت الجامعات هناك اغلبهم يطلبو +3
والحمدلله معدلي يمشيني فيها 😁

جامعة واشنطن قويه لكن مافيها خيارات
و للاسف التخصص اللي يبغى يدرسه مرافقي غير موجود فيها

احنا كمان مجبورين نلتزم بقائمة الجامعات المعتمدة من الوزارة


بالنسبة لأًوريقون ستيت إحصائياتك مستحيله
وين 400 !!
انا عملت بحث طويل عريض عنها راح انزله اول مافضى باذن الله


الجامعه قويه ورائدة في الهندسة
وانا استخدمت موقعين تختص بتصنيف الجامعات عالميا وكانت فب المرتبه 59 أو 60 على امريكا


مو مهم نختار جامعه اسمها مشهور مثل كولومبيا او هارفرد مثلا
المهم ندرس الموضوع من جميع النواحي :
* هل الجامعه معتمدة ؟
* هل تخصصنا موجود ؟
*هل هي قويه في مجال التخصص ؟
* ماهي طبيعة الحياة حول الجامعه ؟
* اسعار المدينة التي توجد بها الجامعه والمواصلات ؟
*قوة معاهد اللغة ؟
*متطلبات اللغه والقبول التي تطلبها الجامعة ؟



اوريقون ستيت جامعه عريقة وقرأت مواضيع كثير عنها في المنتدى والقبول لايعتبر سهل جدا فيها 6.5 ايلتس تصعب على الكثير
وكمان شفت مواضيع بتوضح صعوبة الدراسه فيها وانه هناك ناس يرغبو بالتحويل الى بورتلاند
وهذا شيء عاجبني .. الانسان اللي رايح يدرس فعلا مابيصعب عليه شيء


بالنسبة لكلامك انه تخصص علوم الحاسب تخصص شامل وياخذ من كل علم شويه
صحيح لكن هو اكثر تخصص تنزل عليه وظايف في الجامعات
يطلبونه نصا ( ماجستير علوم حاسب )
وايضا الشبكات لكن انا ما احبها

وايضا لو مالقيتو وظايف بعدين وحبيتو تقدمو عالتعليم
راح يكون شرط انه الماجستير و البكالوريوس نفس التخصص وتقدر تتأكد من شروطهم



لي عوده بأذن الله
هالنقاشات مهمه لنا وتعطينا افكار جديدة



(راح انزل معلومات عن Oregon state ) و ولاية كولورادو << بدأت البحث فيها عن تخصصاتنا


( تمت المشاركة باستخدام تطبيق مبتعث )

يعطيك العافية اخ محمد ،،

حسيت انو تخصص الحوسبة الجنائية حلو بس مادري كيف حيكون التوظيف للبنات ،،

انا نفسي علوم حاسب او هندسة برمجيات بس مو متاحين لي ،، ولا اعرف هل لو رحت اقدر احول او لا،،

انا حابة يكون تخصصي عملي باكبر قدر ممكن ،،

وقريت انو علوم الحاسب اكثر عملي من هندسة البرمجيات،،


( تمت المشاركة باستخدام تطبيق مبتعث )

الخطة الدراسية لماجستير علوم الحاسب في جامعة واشنطن - سياتل

https://www.cs.washington.edu/education/pmp/courses/

^
توضح المواد بالتفصيل