شرح طريقة البحث عن معاهد اللغة والتقديم عليها - [ المرحلة العاشرة ] ( 10 )

جزاك الله خير 🌹..
زي كذا كاتبين .. مره استغربت من المبلغ

طيب تسجيل المعهد ماله فاتوره كيف احصل عليه ؟

ماعرف الطريقة حرفياً فلم ابحث عنها لكن ممكن عن طريق كشف الفيزا أو تطلبين إيصال بالسداد من المعهد .. شوفي تجارب المبتعثين السابقين ان شاء الله توضح لك الصورة

لو كان محرمي يدرس بولايه المعهد فيها متكدس هل اقدر ادرس فيها؟ + كيف اقدر اتواصل مع مدير قسم المعاهد؟

هذي مو رسوم تسجيل..
هذي مده دراسه اسبوع يقول لازم تدفع حق اسبوع على الاقل..

في التسجيل, المفروض اخترت ان عندك بعثه علشان ماتدفع شي. وغالبا المعاهد ماتطلب فلوس للتسجيل

في معهد اللي يوم بحثت عنه ولقيت نفس الطلب لابد ادفع 500$ ( غير مستردة ) في حال تم ارسال الايتوني ولا سألو أنا بعثة ولا حساب خاص
لابد دفعها
لكن غالبية المعاهد لاتطلب هذا المبلغ

عندي استفسار
دحين الضمان لما يكون باسم المعهد
دا معناه ما نقدر نحول من معهد لمعهد
لانو أفكر ادخل تجاري و بعدها أكاديمي عشان اقدر اسافر بدري

والله يالغالية انا من يوم مافكرت اسجل في المرحلة العاشرة اصلا وانا حاطط في بالي انه لازم اكون مرن بالذات في المرحلة اللغة لانه عندي اقارب برا من المرحلة التاسعة والثامنة والمعاهد الي الي الوزارة كاتبة متكدس ترا من جد متكدسة بدرجة ماتتخيلها مليانة سعودين وعرب كثيرررررررر

والولايات الي معاهدها متكدسة معروفة هي الي السكن فيها رخيص نسبيا مقارنة بالولايات الاخرى
هذي العبرة من اخرها لانه الغالبية العظمى دخلهم بس المكافئة وكمان الي على حسابهم الخاص غالبيتهم دخلهم محدود ويعدو الايام علشان ينظمو للبعثة

والوزارة ايش تقدر تسوي نحن الي طلاب برنامح الابتعاث محصلين تكدس في المعاهد المفضلة عند البعض علشان جامعاتها نلاقيها تكدس ..... المشكلة هذي مو من الوزارة المشكلة جاية من الطلاب الي على حسابهم الخاص هم السبب الرئيسي في التكدس لانه الي على حسابه الخاص يقدر يروح اي معهد بكيفي وبعدها لمن ينظم لو وقتها المعهد ماتكدس يستمر فيه ...... وهذا الي مخلي المعاهد تتكدس وحتى الي من المرحلة التاسعة كانو مفتوحين ودحين خلال الاشهر السابقة تكدست بسب الدفعة الي راحو برا على حسابهم الخاص ...... وعندي قريب يدرس في سياتل واشطن في المعهد الي الكل يحبه المعهد كان شبه مليان في شهر شوال لمن فتح تسجيل المرحلة العاشرة ..... ولكن الان مليان لانه زميله الي يدرس فيه قالي ترا جو طلاب كثير مسجلين فيه على حسابهم الخاص ......

المعاهد الي باقية انا شايف انها طيبة ومافيها اي مشكلة حتى لو كانت تجارية وغالب المشاكل الي تجي من برا تجي من الطلاب ..... الي قليل ما اقلك مافي ظلم الظلم في كل مكان موجود نحن بشر في الاخير ..... والشخص اهم شي يخد الي يبغاه من المعهد من تعليم ويشتغل على نفسه ويختبر ويجيب درجة تاهلو للقبول في الجامعات

ولحد يضيق على نفسه ويقول لا انا بس ابغى هالجامعة الفلانية ولازم ادخل معهدها علشان انقبل فيهااا المفروض الشخص مايضيق على نفسه الخيارات بثلاث جامعات بس المفروض اقل شي يحط في باله خمسة او عشرة ويسعى انه يجيب درجة عالية في الإيتلس والجي ار اي علشان لمن يختار جامعه وقتها هو الي يتشرط مو الظروف تحكمه على دخول جامعة معينة

لذالك انا بروح الان بس على معهد وبشتغل على هالحاجتين وبخلي الجامعة بعدين لانه الغالبية مايحب التنقل والبعض مايقدر على التنقل من ولاية لولاية ..... بس هذا الواقع المر ايش نسوي امريكا تكدس تكدس في المعاهد ومليانة سعودين وتحديدا معاهد الجامعات الممتازة وترا نسبة كبيرة اعرفهم يدخلو المعهد ويبعدها يروحو جامعة تانية لانه الجامعة الي في المعهد ماقبلتهم حتى لو غلق اللغة في معهدهم لانه ماجب الشروط الاخرى الي يبغوهااااااااا

وهذا مشكلة تانية
شخص معدله مثلا ٣.٥ في الباكلريوس من اربعة ويحلم بمعهد جامعة معينة علشان يكمل ماجستير
لكن مع نزول القائمة الجديدة لقى المعهد متكدس ومافي مجال يدخله المسكين راح ولاية تانية في اقيلم تاني بعيد ودخل معهد وجالس فيه وثابر وخلال ستة شهور جاب الدرجة الي تبغا الجامعة في الايتلس واشتغل بروض علو نفسه في الجي ار اي وجاب الدرجة المطلوبة....... تتبع

وواحد تاني قبله بشوية بشهر بس معدله في البكلريوس ٢.٨٠ ويبغى ماجستير ودخل المعهد وكدس المعهد على دخلته وغلق اللغة وجاب الدرجة الي تبغاها الجامعة والجي ار اي كذالك

وجاء وقت التقديم دحين المسكين الي حلمه في هالجامعة قدم وانقبل وهو اصلا في ولاية تانية بس صبر وتنقل علشان حلمه يتحقق والي جلس سنة في المعهد الجامعة ماقبلته لانها جامعة متميزة وصارمة جدا في موضوع المعدل ماتقبل اقل من ٣ من اربعة حالها حال الجامعات المتميزة في امريكا في كل التخصصات .

العبرة من هالقصة المرحلة والدرجة الاولى هي المعهد وهذي مرحلة مهمة ..... لكن توقع فيها مشاكل للبعض .وحلمه في معهد معين في ولاية معينة وتكون حلوة ورخيصة ويمكن فيها اقارب له حلمه يتحطم ..... الشخص لازم يكون مرن حتى في احلامه وتوقعاته .... الوزارة مستحيل تسوي تفرقة الناس الي معدلاتهم عالية ومتميزن يدخلو معاهد متميزة لانه هذي مرحلة اللغة وفي وناس مايحتاجوها اصلا لكن الغالب يحتاجوها واصابعك ماهي سواء والطلاب من البعثة والدارسين على حسابهم نسب كبيرة منهم متوسطين ماهم ذاك التميز فيروحو المعاهد المتميزة علشان يتميزو ويكدسوها لنا نحن الجدد

نجلس نسخط ونزعل ونقول الوزارة ماسوت ومافعلت لا والله بالعكس اثبث نفسك حتى لو اسواء معهد في العالم مو بس في امريكا وحقق احلامك وكن مرن في الطرق الي تختارها علشان تحقق احلامك بيها .

والمثالية ماهي موجودة محد يقدر يدعيها اصلا لانه زي ماقلت نحن بشر كلنا الثغرات والمشاكل موجودة


والوزارة اصلا تعامل الابتعاث منفصل مرحلة اللغة منفصلة على الجامعة وهذا الشي سوه علشان كثيررر راح يروحو يدرسو لغة وبس وبعدها بيرجع
ومايدري هل يكمل او لا .....

فالوزارة ماتقدر تخلي قائمة الجامعات المتميزة تطابق قائمة معاهد متميزة هالشي مستحيل يصير

لانع في المعادلة هذي في ناس راح ينسحبو من البعثة في ناس راح يتعثرو في اللغة في الدارسين على حسابهم الخاص وهما السبب الرئيسي في التكدس لانه ماعليهم قيود في اختيار المعهد اصلا .

اخيرا هذي الحياة ماشية ولازم نمشي معاها

ويارب أختي الكريمة ومشرفتنا العزيزة ما اكون غلطت في حقك او في شي قلته او مافهت قصدك ... لانه كلنا اخوان
وبالاخير هذا صرح للحوار وتبادل الافكار حتى لو اختلفنا فيها .

سرد جميل وطرح مميز لوجهة نظرك ، اتفق مع بعض النقاط واختلف معك بأخرى:

اتفق معك بمسألة التشديد من قبل الوزارة على مرشحي المرحلة العاشرة بحصرهم للدراسة في ٢٠٠ جامعة (بعض الجامعات التي في القائمة سيئة اصلاً ولا تمت للتميز بصلة) ، مسألة حصر طلاب المرحلة العاشرة بهذه الجامعات فيها ظلم واجحاف كبيرين فيما لو نظرنا الجانب المقابل (الدارسين على حسابهم الخاص) يستطيعون الدراسة بأي جامعة معترف بها دون حصر. كيف يتم تقييد الطالب المميز "مرشح المرحلة العاشرة" بجامعات معيينة وترك الحرية لطالب دارس على حسابه الخاص يختار جامعات بنطاق أوسع؟

واختلف معك بنقطة الا وهي ان الطالب الدارس على حسابه الخاص ممكن يختار المعهد اللي يفضله دون النظر للمعهد من ناحية تكدسه وبالتالي يكثرون الطلاب الدارسين على حسابهم الخاص بالاضافة للمبتعثين السابقين في هذا المعهد مما يتسبب في اغلاق المعهد او هذه المؤسسة التعليمية من قبل الوزارة.

الحقيقة هي بأن الطلاب الدارسين على حسابهم الخاص يحتاجون لموافقة الوزارة للدراسة في هذا المعهد او ذاك. بالتالي الطالب الدارس على حسابه الخاص ليس هو المتسبب في تكدس المعاهد بالدرجة الأولى.

شكرا يالغالي على ردك

وترا كان قصدي انه طلاب برنامج الملك فوج واحد في السنة بعد ماتغلق الاجرائات السنوية تبداء الغالبية العظمى بالذهاب

لكن الي دارسين على حسابهم الخاص طوال السنة ويقدرو يروحو اي وقت وهذا الي معطيهم اولوية في اختيار المعاهد ودخولها قبل طلاب المرحلة الي هما فيها

مثال الان قائمة جديدة
ونحن كطلاب مرحلة عاشرة لسه ماحد عنده الضواء الاخضر علشان يختار المعهد ويغلق الاجرائات ويروح يبداء دراسة
لسه لازم اخر ملتقى يغلق ولسه باقي اقل شي شهر وبعدها المعهد والفيزة وغيره



في المقابل ناس اعرفهم على حسابهم الخاص غلقو ملتقاهم وراحو وبدات دراستهم وبعضهم لسه راح يروح وراح يسبقو طلاب المرحلة العاشرة في اختيار والدخول للمعاهد وهذا عامل كبير مخلي طلاب الي على حسابهم سبب التكدس في المعاهد


وهذا الي راح يصير بعد فترة لسه في معاهد راح تصير تكدس كمان ..... بالذات المعاهد الي في الولايات الي فيها معاهد مميزة متكدسة الغالبية راح يروح يقول اهو على الاقل انا في نفس الولاية .

والله يوفق الجميع ويحقق أحلام الجميع يارب .