السلام عليكم
اليوم كانت مقابلتي بالسفاره الامريكيه 😉
موعدي الساعه 8 صباحا (ومواعيدهم الصباح يعني مستحيل احد يكون موعده 8 المسا مثلا )
العنوان : الرياض حي السفارات (طبعا زحمه الرياض معروفه ف اخذ الطريق معي ساعه وربع فتأخرت ع موعدي لكن ماكان فيه مشكله لان بالداخل يمشون بالارقام ☝
اول مرحله عند الدخول طلبت مني ورقه الموعد والجواز اذا ماخاب ظني عشان يطبقو ان هل لي موعد عندهم ام لا ؟ وبعدين طلبت اعطي الاخ اللي جمبها اي اجهزه معي وبعدين دخلت من الباب.
ثاني مرحله التفتيش انتي وشنطتك طبعا اخذو مني كل الكريمات والعطر والسماعات ونسيت الواي فاي واخذوه بعد .
واخيرا بكذا دخلت المبنى 👯 حصلت حارس قال ليا روحي هناك ودخلت بوجهي عالطول رسبشن تعطيك رقم وتطلب منك تنتظري وفي وحده معها تساعد مرا ربي يسعدها طبعا الارقام وصلت لل90 ورقمي كان 68 مع اني تاخرت بس نص ساعه 😂😂
كل الموظفات من جنسيات عربيه ويتكلمو معك عربي ف لاتشيلو هم الانجليزيه ابدااا
بس ينادو ع رقمك بتروحي للكاونتر حقك ترا في غرفتين انتظار وتقريبا 7 اكونتات
المهم جا دوري وطلب مني (الجواز الجديد + الاي توني الاصل + موعد السفاره + صوره وحده 5*5 + السيفيس + كشف الوجه للمنقباات )
خذيت معي الجواز القديم وماطلبوه ف ماله داعي ابدا و شهاده التخرج ولا ايصال سامبا ولاحتى سجل الاكاديمي (ناس خوفتني وقالت خذي كل شي 😒😒😒
طبعا انا فيدكس تاخر بالاي توني ف دخلت بالنسخه وقال ماينفع وقال بالمقابله اذا سالتك ردي عليها انك راح ترسليها عالايميل 😣 كان جدااااا عسل ويشرح الصدر .
اخر شي اخذ بصماتي وحطهم بملف وطلب مني انتظر بنفس الرقم للمقابله ورتب اوراقي بملف من عندهم وطلب ماانقص ولاازيد عليه شي واعطي الملف بسسس بالمقابله 😉
الموضوع مرتب وماياخذ وقت يعني تقريبا دخلت 8ونص وخرجت10 😍😍
بدات المقابله الصراحه غصب شككتني بحالي اسئلتها تشكيك سالت عن عمري 3 مرات وراحت قالت انتي مع زوجك مع العلم مع بابا وفوق هذا انتي صغيره ونظام امريكا مايسمح والخ
فأنتم #ثقووو بنفسكم وبأجوبتكم ولاتتراجعو لدرجه قالت انتي F2 وواضح عندها بالورق اني F1 بس مثل ماقلت لكم اسئله تشكيك ونشفت دمي وبالاخير قالت انتي مقبوله واعطتني ورقه فيها اسئله واجوبه للي تخطر في بالك بعد انتهاء المقابله.
واخيرا الحمدلله حمدا كثيرا والحمدلله كانت سهالات وطولت بالكلام عشان الكل يعرف الخطوات ومايتوتر ابدا لان للاسف ماكنت ادري وتوترت مرا
طبعا مده الفيزا توصلكم من 3 ايام اقل شي الى اسبوع اكثر من كذا تواصلو معهم
بحفظ الله 👋
saraxo February 24th, 2015, 06:45 PM
LinkBack URL
About LinkBacks
عندي استفسار
اناا مسدد من يوم الخميس الصباح اونلاين
لحجز الموعد وإلي الان ماا اقدر احجز الموعد
ايش المشكله ياا اخوان
وكل ما ادخل رقم الطلب حق السداد يجيني خطاء