الأعضاء الإشتراك و التسجيل

الملتقيات
ADs

شرح طريقة التقديم على السفارة الأمريكية - [ المرحلة العاشرة ] ( 10 )

شرح طريقة التقديم على السفارة الأمريكية - [ المرحلة العاشرة ] ( 10 )


NOTICE

تنبيه: هذا الموضوع قديم. تم طرحه قبل 3356 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة wsl
    هل من المتطلبات إحضار أصل وثيقة التخرج أثناء حضور موعد السفارة؟
    لأنها أُخذت منا أثناء مرحلة التدقيق، فهل يلزم إسترجاعها قبل موعد السفارة؟
    انا اخذت الاصل وطبق الاصل بالاخير ما اخذوها ولا حتى شافوها من بعيد

    اذا رحت للسفاره اهم شيء يكون بيدك هالاشياء ودققي فيهن وانا اكتبهن لك

    1- الجواز ( بدونه خلك ببيتكم )
    2- الاي توني الاصلي اللي جاب من المعهد نفسه عن طريق الشحن ( سمعت انه الكوبي عادي يعني نسخه اللي وصلتك منهم بالايميل بس منب متأكد ولازم توقعين فيه بالخانه المخصصه للتوقيع )
    3- رسوم سيفيس
    4- ورقه سامبا الصفراء
    555555- وانا ما كررت رقمممم 5 الا انه اهميته تجي بعد الجواز الا وهو نموذج ds-160

    6666- وهذا يجي بعد الجواز والدي 160 من ناحيه الاهميه واللي هي ورقه الموعد او حجز الموعد

    اشياء اخرى تاخذها معك للاحتياط الوثيقه والسجل عادي يكون طبق الاصل بس خذ الاصل مانتب ناقص او ناقصه مشاكل هناك




    اول ما تدخل حي السفارات ثم السفاره للامريكيه تعال قبل موعدك بنص ساعه لانك بتاخذ طابور وكل ما تأخرت تراك بتاخذ رقم بعيد وبكذا بتتأخر ' بعد ما تصف بالطابور بتقعد 20 دقيقه لين يدخلونكم واحد واحد الجوال والمفاتيح وكل شيء ما عدا فلوسك حطهن بالموتر ' بعدها لما يعطيك رقم بتجلسين مع العالم وتشوفين شاشه فوق يعلمك اي رقم واصل وكل رقم ياصل يعلمكم اي كاونتر لازم يروح يعني انتي 10 تشوفين بالشاشه رقمك وجنبه كاونتر 1 او 2 الخ ثم تروح للكاونتر وتطلب او يطلب منك اي توني وجوازك ونموذج دي اس 160 ويحطهن بمجلد معين لا تحركه ابد ' بعدها بتجلسين وتنتظرين نص ساعه لين يبدون يدخلونكم للقنصليين عشان يقابلونكم حسب الارقام اللي اخذتوها اول شيء طبعا المقابله ما تاخذ 50 ثانيه حتى جاوبه بدون فلسفه وامش طبعا بياخذ منك اول شيء المجلد اللي صفصفته لك ذيك الموظفه او الموظف وبس وتطلعين

    طبعا احب انوه انه لما تكونين بالطابور اول ما تجون عادي يكون معك اغراضك هم يحفظونها لك لين تطلعين طبعا بتقابلين وحده بالشباك بتاخذ منك الموعد والنموذج والجواز ثم تصفطهن يشكل معين وتدخلين وراح تقابلين لبنانيه بتاخذ منك ذولي وتدخل البيانات ثم خلاص تنتظرين الكاونتر يجي رقمك بالشاشه


    الموضوع ترى بسيط كأنك بنزهه وهناك بيعلمونكم التعليمات مافيه شيء مبهم ابد واخيرا الفيزا ما تاخذ شغل يوم يومين الا وهم داقين عليك ارامكس عشان تستلمها منهم حسب الفرع اللي حددتوه وقت تعبئه الابليكيشن ' القلق الوحيد ان معاملتك تكون تتغير حالتها في موقع السفاره لامور او عمليات اداريه كذا راح تبطي حتى يصدروها لك بس قليل تصير وغالبا تصير للي سافرو قبل '



    موفقين
    7 "
  2. المشاركة الأصلية كتبت بواسطة قرار حكيم
    السلام عليكم
    اخواني صار اليوم سالف في السفاره
    رحت قابلة وخلصت وكان عندي كمية اوراق كثيره
    المهم ضيعة i-20 الاصل ما ادري وينها اخذوها طاحت الله العالم

    الفزعه ياربع بالعلم والحل الله يفرج عليكم
    وعليكم السلام ورحمه الله

    راجع اوراقك مره ثانيه واذا مالقيتها تواصل مع المعهد يرسلك الاي توني
    7 "
  3. المشاركة الأصلية كتبت بواسطة zakia99
    السلام عليكم

    بالنسبه للمرافق المحرم اللي بيطلع فيزا سياحية
    يكفي كشف حساب من البنك لاخر ثلاثة شهور؟؟
    او ضروري وجود شهادة بنكيه؟!
    نعم يكفي وتعريف الراتب ان وجد ليدعم الحساب

    والشهاده البنكيه اذا كان كشف الحساب لاخر الشهور لا يغطي تكاليف الاقامه

    على كلٍ .. لا يطلب كشف الحساب "للمرافق" صاحب الفيزا السياحيه
    7 "
  4. المشاركة الأصلية كتبت بواسطة GhadaFM
    نعم يكفي وتعريف الراتب ان وجد ليدعم الحساب

    والشهاده البنكيه اذا كان كشف الحساب لاخر الشهور لا يغطي تكاليف الاقامه

    على كلٍ .. لا يطلب كشف الحساب "للمرافق" صاحب الفيزا السياحيه
    اوكي
    شكراً جزيلاً

    الله يسهل الامور على الجميع يارب
    7 "
  5. المشاركة الأصلية كتبت بواسطة m.s89
    طيبببب ابي مسااعدتكم بكرا موعد الفيزا حقي المهم اوراقي الحمدالله كامله بس تخيلو وصل الفيزا السداد ضااع موموجود الحل وش اسوي
    ماتحتاجينه ولا يطلبونه

    ورقه الموعد هي دليل الدفع
    7 "
  6. المشاركة الأصلية كتبت بواسطة GhadaFM
    ماتحتاجينه ولا يطلبونه

    ورقه الموعد هي دليل الدفع
    من جد !! اي معاي ورقة الموعد اللي ثلاث اوراق اتوقع وفيها خريطه وكذا هاذي قصدك صح !! هاذي معاي الحمداللله
    لكن فيه ورقه معها وصل اصفر ضاعت

    الله يووووفقققك ياااارب ويسسسر لك امورك في كل حال ويفرج همك
    7 "
  7. المشاركة الأصلية كتبت بواسطة m.s89
    من جد !! اي معاي ورقة الموعد اللي ثلاث اوراق اتوقع وفيها خريطه وكذا هاذي قصدك صح !! هاذي معاي الحمداللله
    لكن فيه ورقه معها وصل اصفر ضاعت

    الله يووووفقققك ياااارب ويسسسر لك امورك في كل حال ويفرج همك
    ايه ايه الايصال ماتحتاجينه

    ايوه هذي ورقه الموعد اللي فيها باركود واحتفظي فيها عشان استلام الجوازات

    اللهم امييين اجمعيين يارب
    7 "
130 من 142 صفحة 130 من 142 ... 80125129130131135 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.