بخصوص انتهاء المرحلة العاشرة ، اخبار و كيف نتجنب انتهاء المرحلة

السلام عليكم ورحمة الله وبركاتة

جتني رسالة على جوالي اليوم من وزارة التعليم العالي وكان نصها ...
عزيزي الطالب/ عزيزتي الطالبة

عليك المبادرة بإنهاء إجراءات ابتعاثك

وزارة التعليم

هل في احد غيري وصلته هذي الرسالة وشكرا .

كلنا وصلتنا وربي انفجعت لو حددوا وقت بدل هالاسلوب

لاتخافي ان شاء الله بتمشي امورنا مستحيل ينهو المرحلة بدون مايبلغونا متى موعد إقفالها ورسالة اليوم اكبر دليل يبغو يسرعو الناس في إجرائتهم ﻷن المرحلة الجايه ما بتفتح الا بعد إغلاق هذي المرحلة فمن مصلحتهم يعلجو الناس عشان يبدؤ في المرحلة الجاية والله بيسهل للجميع إن شاء الله 😊

((كلامي هذا عبارة عن تحليل شخصي للوضع))😷

ايش اللي يخليك متأكد انو المرحله تنهتي على نهاية السنه الميلاديه ؟؟
مع ان اغلب الردود تثبت انها في شوال تقفل ......

وانا جتني الرساله مثلكم بس كل واحد يفسرها على كيفه وماندري وين التفسير الصح وللاسف ماحطو تاريخ محدد وواضح بالرساله ؟
يعني عادي فجأه تنلغي المرحله بعد شهر شهرين ويقولون احنا ارسلنا لكم تنبيه بالاسراع !!!

السلام عليكم ورحمة الله وبركاته
بصراحه الرسايل مالها داعي بدون تحديد التاريخ ...مافيه طريقه نتواصل مع الوزير حتى لو عالتويتر نشرح فيه ظروفنا يمكن
يعطونا مجال ووقت اطول ... انا الى الان ما بديت باي اجراء

انا كذلك الى الان مادورت معاهد ولا قدمت ولا بديت باجراءات الفيزا
الى الان

يوجد حساب ل معالي الوزير ف تويتر حاولت اتواصل معاه وسؤاله ولاكن للاسف م حصلت منه اجابه الحساب اعتقد فقط للاخبار مو للاستفسارت

انا دراستي في اغسطس ايش اسوي

يا أخوان لا تهولون الموضوع وحجمو اﻷشياء بحجمها من المستحيل ينهون المرحلة من غير تاريخ محدد والكل ان شاء الله بتتيسر اموره الي مابداء في اﻹجراءت يبداء من اﻷن وان شاء الله الجميع بيالحق يصدر القرار ولاداعي للقلق كل شي مكتوب وكل شخص بياخذ نصيبه من هذي الدنيا الواحد ماعليه الا ان يسعى ويجتهد والباقي على الله وبتووفيق للجميع .😊