الأعضاء الإشتراك و التسجيل

الملتقيات
ADs

تجربتي في أول سنه في الجامعه ( أخطاء وقعت فيها + أشياء أتمنيت أعرفها )

تجربتي في أول سنه في الجامعه ( أخطاء وقعت فيها + أشياء أتمنيت أعرفها )


NOTICE

تنبيه: هذا الموضوع قديم. تم طرحه قبل 2491 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ms.9.languages
    ms.9.languages

    مبتعث جديد New Member

    ms.9.languages كندا

    ms.9.languages , أنثى. مبتعث جديد New Member. من السعودية , مبتعث فى كندا , تخصصى Biology
    • غير معرف
    • Biology
    • أنثى
    • غير معرف
    • السعودية
    • May 2013
    المزيدl

    June 3rd, 2017, 03:24 PM

    السلام عليكم ورحمة الله وبركاته

    كل عام وانتم بخير ...

    حبيت اكتب لكم تجربتي الجامعيه في السنه الماضيه 2017 - 2016. لأني واجهت مواقف و تحديات كثيره ووقعت في أخطاء كثيير. أتمنى اني اقدر افيد اي طالبه او طالب قبل دخول السنه الأولى في الجامعه. طبعا انا من طلاب الدفعة العاشرة، بداياتي كانت في أمريكا مدينة (Boston)، بعد ما انتهيت من مرحلة اللغة ( الحمد لله ) في معهد (CELOP).قدمت على الجامعات الكنديه وحصلت على القبول في McGill University و بدأت الدراسة السنه الماضية في سبتمبر 2016.
    النقاط اللي حأتكلم عليها أتمنيت اني اعرفها قبل دخولي للجامعه وخصوصا أول سنه.

    * طبيعة المواد في الجامعة:

    أول شي كنت أتمنى أني أعرف عنو أكثر هو إختلاف المواد الجامعيه عن المواد في الثانوي من نواحي كثيرة... أكيد كلنا سمعنا أن الجامعه أصعب من الدراسه الثانويه،أو الجامعه " ولا شي بالنسبه للثانوي " .. لكن بجد ما عرفت طبيعة الإختلافات هذي إلا بعد التجربه. طبعا أول سنه (السنه التحضيريه) كان لازم أخذ المواد العلميه الأساسيه ( كيمياء- رياضيات- أحياء- فيزياء) بالنسبه لمتطلبات الجامعه اللي بأدرس فيها... خلال أول أسبوع بعد ما حضرت المحاضرات في كل المواد قررت إني أغير الجدول وجدت إني محا أقدر أدرس كل المواد العلميه في اول ترم. ثاني شي، المواد الجامعيه بتكون بشكل مفصل وأعمق أكثر، حتى طريقة الأسئله تختلف، تحتاج مستوى معين من التفكير و ربط بعض المفاهيم بتطبيقات عمليه. المقصود هنا أغلب الأسئله مهي بطريقة مباشرة. مواد الجامعه بتنحصر غالبا في مواد التخصص او المواد خارج القسم.

    المواد الأساسية (required courses):المواد المتطلبه للتخصص ... بالنسبه للتخصصات العلميه بحكم تجربتي، ( الأحياء والكيمياء ) حتكون دراسه نظريه بالإضافه الى المعمل تقريبا من 2-3 ساعات في الاسبوع للمعمل و يتضمن تحضير للتجارب وتسليم تقارير قبل بداية المعمل وبعد الانتهاء من التجارب... أيضا في مادة الأحياء قمنا بعمل بحث عن تجربه متعلقه بموضوع معين في المنهج بالإضافه لل presentation وتقرير في نهاية الترم. (الرياضيات) رياضيات الجامعه غالبا يكون في كلاس Tutorial بالإضافه للمحاضرات، هذا الكلاس فيه شرح لطريقة حل التمارين وتطبيق المفاهيم والنظريات اللي تم دراستها في المحاضرة ... تقريبا يكون مرة في الأسبوع.

    المواد الإضافية (elective courses): المواد الاضافيه اللي تكمل بيها عدد الساعات المطلوبه للتخرج... غالبا تكون مواضيع خارجه عن التخصص... طبعا تختلف بعضها يتطلب واجبات وتقارير بشكل مستمر وبعضها فقط اختبارات نصفيه ونهائيه...

    * أخطاء ونصائح:

    - أول خطأ مريت فيه إني حطيت الجدول الدراسي بدون ما أعرف خياراتي في المواد، لأن التسجيل إليكتروني و كل اللي كنت أعرفو انو لازم اخد المواد الاساسيه في أول سنه. في الاسبوع الثاني قررت اني احذف احد هذي المواد واخد مادة إختياريه عشان أخفف ال course load. حذفت مادة الفيزياء وإخترت لغة فرنسيه كمادة اضافيه (elective course). طبعا بعد ما راجعت المشرفة وأتأكدت إني اقدر اخذ الفيزياء في السنوات الثانيه.
    نصيحه:راجعوا المشرفين الأكاديميين في الجامعة أكثر من مرة في بداية الفصل الدراسي خصوصا اذا حسيتو بصعوبة في المواد اللي في الجدول الدراسي، أسألوهم اذا في امكانيه انكم تأجلو المواد في سنه ثانيه وإذا مهي متطلبه في أول سنوات التخصص. وإذا قدرتو تطلبو خطه كامله للسنوات الأربعه - الخمسه للتخصص عشان يكون عندكم نظرة عامه للمواد المتطلبه للتخرج.

    - ثاني خطأ كان بعد حذفي للفيزياء وإختيار اللغة الفرنسيه كمادة إضافيه. المعروف عند دراسة أي لغة تحتاج وقت وجهد، فلقيت نفسي بين حفظ كلمات و مذاكرة قواعد و قراءة مقالات واختبارات مستمرة (تقريبا كل اسبوعين) و presentations. فكانت ضغط مضاعف بالإضافه للمواد الثانيه ... مع مرور الترم بدأت أركز أكثر على المواد الأساسيه و ما أعطيت هذي المادة الوقت الكافي بحكم إنها مادة إضافيه، للأسف وجدت درجاتي غير جيدة وأثرت على معدلي في نهاية الترم.
    نصيحه: إختارو المواد الإضافية بعد ما تبحثو عنها وتسألو عنها، أو تقرؤوا عنها في وصف المواد في موقع الجامعه، أيضا لا تستهتروا وتتساهلو بالمواد الإضافيه أعطوها من وقتكم وأختاروها بحيث تتناسب مع المواد الأخرى مثلا تكون لا تحتوي على التقارير الأسبوعيه اذا كان في جدولكم مواد أخرى فيها معامل وتقارير.

    - الخطأ الثالث اللي وقعت فيه كان في تسجيلي لكورس الرياضيات (Calculus 1)... وهذي نقطه مهمة ابا أتكلم عليها لأنها أثرت عليا كثير .... بحكم انو الرياضيات هي المادة اللي كانت تاخذ من وقتي كثير أيام الدراسه في الثانوي، فكانت عندي مخاوف تجاهها في الجامعه .. أخذت هذي المادة في الترم الأول و تعبت بجد فيها بداية من كمية التمارين والواجبات بالإضافه أن أستاذ هذي المادة كان يشرح بمستوى عالي جدا (Advanced level), يعني أترك لكم تخيل طريقة الإختبارات ومستواها.. المهم أضطريت إني أسجل في (weekly sessions) أو دروس تقويه أسبوعيه عشان أراجع بعض المفاهيم بالإضافة للمصادر الأخرى من فيديوهات في اليوتيوب عن المادة و كتب اخرى. هذي المادة أخذت من وقتي كثير تقريبا كان أغلب نهايات الأسبوع أقضيها في ال Calculus. للأسف كانت النتيجه ليست كما توقعتها في نهاية الترم . ايضا في نهاية الترم وجدت كورس يغطي التحضير لهذي المادة بالاضافه الى المادة نفسها بمسمى ( Calculus and PreCalculus course ) و يعادل الكورس اللي درسته في أول ترم.
    نصيحه: في مواد الضعف عندكم أستفسروا وأسألوا المشرفين إذا كان في كورس بمستوى أقل يغطي تحضير للمادة و يعادلها، إذا لا، اكتبو خطة ايش ممكن تسوو عشان تنجحوا في المادة وتفهموها ؟ مثلا تطلبو مساعدة أو مدرسين خصوصيين أو دروس تقويه أو حتى مواقع تقدم شرح لهذي المادة .. من بداية الترم حددوا هذي المواد بالنسبه لي كانت الرياضيات بالنسبه لأحد تاني ممكن تكون الفيزياء أو الكيمياء أو مادة أخرى.

    * إضافات أخرى مهمة:

    ١)- أول أسبوع:حاولوا تكون الكتب معاكم على الأقل ما ينتهي الأسبوع الثاني إللا والكتب موجودة خصوصا لمواد معينه مثل الرياضيات لأنها تتضمن تمارين وشرح مفصل للمواضيع اللي تم شرحها في المحاضرات. بعض المواد الكتب حتكون مثل المرجع فقط يعني لفهم جزء معين او توضيح لرسم بياني. بالنسبه للكتب البعض يفضل يشتريها والبعض يستعير وغالبا طلاب الجامعه يتبادلو الكتب او يبيعوها بسعر ارخص عن طريق قروبات معينه في الفيس بوك مثلا، جربت أيضا ال (Loose leaf books) هي نفس الكتاب ولكن عبارة عن أوراق توضع في ملف مخرم، المريح فيها انكم تقدروا تاخذو الصفحات اللي تحتاجوها معاكم مثلا في الجامعه وتقدرو تضيفو ملخص المحاضرات في نفس الملف. في كمان الكتب الاليكترونيه البعض يفضلها عشان ما تكون حمل ثقيل مثل الكتاب العادي.
    ٢)- أقرؤو ال course syllabus: لأنو يحتوي على شرح توزيع الدرجات، مواعيد الاختبارات، مواضيع المنهج، والكتب اللي تدرسو منها في الكورس. اهم شي تعرفو توزيع الدرجات بعض المواد يكون توزيع أغلب الدرجات على الاختبار النهائي، بعض المواد يكون توزيع الدرجات على إختبارات قصيرة خلال الترم. مثلا، أحد المواد اللي درستها كان لنا خيار إما عمل مشروع او نختار الاختبار النصفي، بالإضافه للإختبار النهائي. مهم كمان تعرفوا توزيع درجات المعامل لبعض المواد، و قوانين الحضور والغياب.
    ٣)- أساتذة الجامعات بيكون عندهم ال office hours: تقدروا تسألوهم عن جزء معين مثلا، اغلب المواد حيكون لها (-teaching assistant -TA) أو مساعد/ة الأستاذ/ة هذا بالنسبه لي كان خيار أنسب لأني كنت أسألهم حتى على الأسئله البسيطه مثلا، إذا حليت سؤال و الإجابه طلعت مهي متطابقه فيشرحوا الطريقه الصحيحه للحل او حتى لمناقشة ورقة الإختبارات النصفيه.
    ٤)- عادات المذاكرة: أكثر شي نواجهه في الجامعه هو تنظيم المهام وأوقات المذاكرة لأن صح اليوم الواحد في الجامعه ممكن يكون في محاضرة واحدة أو إثنين فبالتالي يكون في وقت كبير من اليوم بدون محاضرات، وهذا الوقت هوا المهم لأنو المذاكرة للمحاضرة الوحدة تقريبا تأاخد ساعه أو ممكن أكثر إذا كان في واجبات و تقارير... طبعا في البدايه كنت أقول "عندي وقت طيب خليني أتفرج شي مثلا أو أسوي اي شي تاني أو انام و في الليل اذاكر أو لما أصحى أذاكر"... لكن كورسات الجامعه والساعات محسوبه فإذا كان الدوام ساعتين هذا ما يعني ان باقي اليوم إجازة على الاقل حاولو تراجعو المحاضرات اللي درستوها نفس اليوم لأن المذاكرة المستمرة في الجامعه تفرق كثيييير، و هنا نقطه تانيه مهمه... لا تفكرو أبدا إنكم تخلو المذاكر لآخر يومين قبل الإختبارات أبدا أبدا أبدا *أكثر شي ندمانه عليه وسويته في بعض المواد هو المذاكرة قبل الاختبار بيوم او بيومين. (Don't cram for exams) *. شي ثاني ساعدني إني كنت أراجع مادة الأحياء مع وحدة من زميلاتي في نفس ال course, فكانت تشرحلي الأشياء اللي فاهمتها وأشرحلها الأشياء اللي أنا فاهمتها، فحاولو انكم تلاقو احد تذاكروا معاه. بعض الطلاب يعملو قروب مذاكرة كل أسبوع مرة مثلا.

    ٥)- أيضا نقطه أحب أضيفها وهي تعدد مصادر المذاكرة في الجامعه:إيش أذاكر، الكتاب وللا السلايدز من المحاضرة وللا الدفتر والملاحظات اللي كتبتها وللا اشوف شرح المفهوم هذا في النت... الخ ؟ سؤال كان دايما يجي في بالي.طريقة المذاكرة تختلف على حسب المادة ...من تجربتي، كنت أقضي وقت كبير في قراءة كتاب الأحياء... بعد فترة أتعلمت أني بكل بساطه أطبع شرائح العرض powerpoint slides و غالبا بينزلها الأستاذ/ة قبل المحاضرة على الموقع ...اغلب الجامعات بتكون ال slides متوفرة، اطبعوها وأكتبو عليها قبل المحاضرة أو بعد المحاضرة وأعيدو كتابة الملاحظات المهمه عليها. بإختصار: ركزو على ال slides من المحاضرات، بعد كذا أسئلة الواجب وال Tutorials، بعد كذا الكتاب.وبعدين المصادر التانيه الخارجيه عشان تتجنبو التشتيت مع كثرة المصادر. أما بالنسبه للرياضيات والفيزياء فأعتقد ان الكتاب مهم جدا خصوصا لشرح الأمثله والتطبيقات عليها والتمارين.
    طبعا، في تحدي يواجهنا غالبا وهو التعامل مع المصطلحات الجديدة New Terminologies فكل مادة لها مصطلحات معينه بتتكرر كثير، اللي كنت أسويه إني أكتب أي مصطلع جديد يعدي عليا على طرف الدفتر في المحاضرة. بعد المحاضرة أفتح ويكيبيديا وأكتب معنى المصطلحات وأحيانا أترجمها بالعربي عشان تثبت أكثر...البعض يستخدم ال flashcards... طبعا مع التجربه كل واحد بيلاقي طريقه معينه تناسبه أو أحيانا عدة طرق.

    ٦)- ابحثو عن مصادر أخرى: بعض المواد تتضمن مفاهيم لا يكفي شرح الاستاذ/ة لإستيعابها، أرجعو للكتاب Text Book او ال online courses ، او ال youtube videos .

    ** أخر شي خلو في بالكم ان كل أستاذ/ة يختلف في تدريسه للمادة و متطلباته، بعضهم يركز على الواجبات، الحضور، التقارير، الاختبارات، المشاركه والأسئله. غالبا يوضح كل أستاذ هذي الأشياء في أول محاضرة.

    ** بعض المصادر اللي تساعد في التعامل مع الدراسه :

    ١)- كورس اون لاين يشرح كيفية تحسين طرق التعلم أنصحكم بيه. مقدمة الكورس (BARBARA OAKLEY), حضرت لها محاضرة live وبجد استفدت من الطرق اللي بتقدمها.
    وفي الكتاب لمحبين القراءة (A MIND for NUMBERS).
    https://www.coursera.org/learn/learning-how-to-learn
    ٢)- (Mindset by Carol Dweck) كتاب جدا رائع ساعدني كثير خصوصا بعد اول ترم لي في الجامعه والضغوطات اللي واجهتها، يتحدث عن إختلاف العقليات و كيف ممكن تفكير الإنسان يؤثر على النتائج المستقبليه في حياته، أيضا يطرح نقطه مهمه وهي أن " الفشل يعني أن هناك مكان للتطور والنمو". أنصح بيه أي أحد واجه تحديات setbacks أثناء الدراسه.

    ** طبعا أول سنه ليا كل شيء اختلف طريقة الدراسه، المواد، الساعات اللي لازم اذاكر فيها، ونظامي اليومي... النقاط اللي كتبتها أتعلمتها عن طريق التجربه والخطأ والمحاوله مرة أخرى... ما كانت السنه الأولى تجربه ناجحة بالنسبه لي لكن تعلمت من تلك التجربه وأطمح إلى التغيير للأفضل ... كنت أبحث كثير في اليوتيوب عن فيديوهات لملتقيات المبتعثين مثل (نادي فانكوفر) جدا استفدت منها، يتكلمو فيها عن الحياه في الغربه والتعامل مع الدراسه والتحديات اللي تواجه الطلاب... أتمنى ملتقيات زي كذا تكون في مونتريال و باقي المدن خصوصا السنوات الحاليه نادرا ما اسمع بمثل هذي الملتقيات، نحتاجها فعلا.
    ... الكثير من المواضيع في ذهني لكن ما احب اطول الموضوع أكثر... اذا عندكم اي إضافات أو أسئله ان شاء الله اقدر أجاوب عليها اذا كان عندي المعلومات الكافيه .
    وبالتوفيق للجميع .
  2. المشاركة الأصلية كتبت بواسطة شموخ إنسان !!
    جزاك الله خيرا على الطرح الجميل لتجربتك.

    ابي اسالك كيف اللغة هناك وهل واجهت صعوبة وكيف الاختبار حقها اللي هو الآيلتس.
    شكرا.... آمين جميعا ،

    بالنسبه للغة الصعوبه اللي واجهتها في الجامعه كانت في أول الأشهر خصوصا التعامل مع المصطلحات الجديدة, ولكن أتحسنت مع الوقت. أيضا الدراسه في المعهد كان لها دور كبير في تحسين مستوى اللغة.

    أما عن إختبار الآيلتس: فالكتب أحسن الخيارات للتحضير للآيلتس. لأنها بتشرح كل شي عن الإختبار. الكتاب اللي أستخدمته هو ( BARRON'S-IELTS )... طبعا الكتب كثيير... هذا الكتاب أستخدمناه في المعهد (Complete IELTS).
    - أول اختبار ليا كان في السعوديه قبل الإبتعاث، أستخدمت النتيجه كمؤشر للنواحي اللي أركز عليها بالنسبه ليا ال (Reading + writing).
    - بعض الطرق اللي ساعدتني في الاختبار:
    أول شي حددت الدرجه اللي أحتاجها تقريبا من 6 - 7 . وبعد كذا بدأت اشوف إيش ممكن أضيف لطريقة المذاكرة عشان أوصل لهذي الدرجه؟.

    - الكتابة:اضغط على الصورة لعرض أكبر

الاســـم:	TASK_1_WRITING_GRADING_CRITERIA.JPG
المشاهدات:	194
الحجـــم:	313.2 كيلوبايت
الرقم:	43811 أرفقت ورقة توضح طريقة التقييم للإختبار في قسم الكتابه اذا ما فتحت تقدر تحصلها في قوقل هذا عنوانها، (IELTS Writing band descriptors) . ولاحظت أن الفرق بين الدرجه 5 و 6 مثلا هو إستخدام قواعد متقدمه في كتابة الجمل، (uses a mix of simple and complex sentence forms). بالظبط هذا اللي ركزت عليه، ذاكرت ال (Advanced Grammar) مثلا، قاعدة الجمل الشرطيه (advanced conditionals) :
    " If it had not rained, I would have gone for a walk ".
    ** حفظت الصيغه فقط و حرصت إني أكتبها في الاختبار مع تغيير الكلمات.
    + قرأت بعض الأمثلة اللي بتكون في الكتب لأنها توضح صيغة الكتابه + transitional words + حرصت اني اكتب أمثلة في القطعه توضح النقاط اللي بأتكلم عليها.
    - المحادثة: كنت أكتب الجواب في ورقه وأتدرب عليه وأسجل صوتي أكثر من مرة ... كررت هذي الطريق مع كل تمرين محادثه الين ما أوصل أني أجاوب بسلاسه + أستخدم المؤقت Timer.
    - بالنسبه للقراءة والإستماع ما عندي شي أقدر أضيفه. الكتب تشرح الطرق بشكل أفضل. وال (practice tests) يساعدو كثير في القراءة.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.