عرض للطباعة
السلام عليكم ورحمة الله
اعتمد على الله ثم عليكم في الاجابة على استفساري
الرجاء الرجاء الرجاء المساعدة
عندي منحة داخلية في احد الكليات الاهلية (درست سنة على المنحة )
لكن ابغى اقدم على الابتعاث علما باني مستوحية جميع الشروط باذن الله
لكن خايفة اقدم لان من ضمن الشروط ما يكون عندي منحة داخلية
ولو جازفت وقدمت اخاف يسحبو مني المنحة ولا اقبل في الابتعاث
ولو قلتولي اسحبي المنحة .. كيف اسحبها؟
ايش اسوي جزاكم الله خير افيدوني
اعتقد فيه بنفس الموقع طلب سحب المنحة بملفك في الموقع
وإذا قدمتي للبرنامج يتم رفضك مباشرة من الإبتعاث والمنح الداخلية تبقى
حتى لو سحبتي من المنحه لازم تتأكدي من اسمك محذوف من المنح الداخلية
لأنه زي بعض الأخوان سحب من المنحه قبل فترة ولكن رفضه الإبتعاث بحكم انه بسجلاتهم طالب منحة
انا كنت ادرس باهليه منحه لمن سحبت ملفي من الكليه الموظفه تبع شؤون الطالبات رفعت اسمي للوزاره عشان يلغون اسمي لانو الموقع مافيه ايقونه حق سحب المنحه او الغائها
ما أظن فيه سحب للمنحة كذا من الباب للطاقة إلا إذا قبلت في برنامج الابتعاث قبولي نهائي و اعتقد أنهم سيطلبون منك تقديم طلب إلغاء المنحة أو سيخيرونك بين المنحة و البعثة و انت تختارين
اما لمجرد تقديم للابتعاث على طول يسحبون المنحة و انت توّك ما انقبلت قبول نهائي ! ما أظن هذا الشي يبي يصير لأنه ظلم و لا تسويها الوزارة
لكن اذا انت خايفة ، روحي لوزارة التعليم و اسألي ، عندك إدارة الابتعاث في حي الغدير بالرياض و عندك مقر وزارة التعليم العالي على شارع المعذر
هذا مستقبلك ، ما فيها شي إذا رحت و سألت ليطمئن قلبك
وفقك الله لما يحب و يرضى