استفسارات مابعد تغير حالة الطلب

الله يرضى عليك ويسعدك وييسرلك كل امورك مثل ما حاولت تيسرها معانا .. وبيض الله وجهك أول وتالي .. وكل سنة وانت طيب

اخوي الله يبيّض وجهك ، عندك خلفية كم الي راح يبتعثون عن طريق " مؤسسة النقد " ؟؟
مع العلم بأن تخصصي : قانون

السلام عليكم انا موظف وظيفه مؤقته وتم قبولي مبدئيا في البعثه هل استقيل فورا ؟ افيدوني الله يجزاكم خير

أنا متقدمة لدراسة الدكتوراة ومستوفية للشروط تم إعادة الطلب لي من قبل لارسال وثيقة التخرج لكني لم اكن قد استلمتها من الجامعة في أمريكا وقت الطلب "وهي موجودة عندي الآن" . على العلم اني ارفقت تقرير الدرجات ومعادلة الشهادة وفيهم مايثبت ان خريجة ماجستير.
حالتي إلى الآن تحت الاجراء
ماذا علي أن أفعل

طيب حق البكلوريوس بيفاضلون على الايلتس وانا الايلتس ماحطيته وانا اسجل ايش الحل

جزاك الله الف خير اخي مراحل
جهد ملحوظ تشكر عليه واسأل الله لك التوفيق والعافيه يارب

سؤالي
انا مقدم ع الدكتوراه وجاني قبول مبدأي لكن المشكله بأن وثيقه التخرج للماجستير ماراح تطلع الا بعد شهر ونصف
وماادري هل بيرفضون قبولي في حال طلبوا مني الوثيقه للمطابقه خلال هذه الفتره. علما بأن السجل الأكاديمي للماجستير موجوده عندي

والعائق الثاني اني ع وظيفه حاليا ومااعرف متى الوقت المناسب حتى اقدم استقالتي


تحياتي

الله يسهل الخير يارب للجميع

السلام عليكم عزيزي
أنا انقبلت مبدئي الحمدلله وجاني عرض وظيفي ومتحسف انه يروح .. هل لو أتوظف حاليا راح يأثر علي مستقبلا عند القبول النهائي أو المقابلة الشخصية ؟


شاكر ومقدر

انا مقدم فيزياء نووية..وهالتخصص ما له الا جهة واحدة ورغبة واحدة..اللي هي مدينة الملك عبد الله للطاقة الذرية..لكن سبحان الله مدري كيف..حولوني الى المؤسسة العامة للسكك الحديدية؟!! وش هالتصريفة لو هم رافضيني احسن!!..المهم حبيت اسأل هل اقدر اغير جهة التوظيف؟ لأن لو ما اقدر..راح اسحب على الابتعاث

والله انا مثلك مقدم فيزياء نووية وحولوني على الخطوط الحديدية مع اني تخصصي ما له الا مدينة الملك للطاقة..مدري هذا خطأ من عندهم ولا استهتار بالطلاب ورغباتهم..انا بس ابي شوف وضعهم هم يعطوننا تخصصاتنا اللي نرغبها؟..ولا اجلس بجامعة البترول احسن لي