السلام عليكم ياأخوان
في المراحل السابقة كان من الشروط أن لايكون موظف حكومي المرحلة هذه أضافو موظف القطاع الخاص!!!!!
يعني أستقيل من الأن ولا قبل مااطلع قرار الأبتعاث ولاايش بالضبط
عرض للطباعة
السلام عليكم ياأخوان
في المراحل السابقة كان من الشروط أن لايكون موظف حكومي المرحلة هذه أضافو موظف القطاع الخاص!!!!!
يعني أستقيل من الأن ولا قبل مااطلع قرار الأبتعاث ولاايش بالضبط
لا تستسقيل أخوي إذا كنت موظف في القطاع الخاص
الشرط هذا من زمان ومحد تأثر فيه مش زي الموظف الحكومي
أنا مثلك موظف في القطاع الخاص وأبقدم وإن شاءالله الأمور ميسرة
انا نفس الشي قدمت وبعد العيد راح يعطوني استقالتي في الدوام انا موظفة قطاع خاص اخاف ياثر هدا على القبول للبعثه 😓
انا قدمت والحمد لله مش اموري لكن هل يتم الرفض فيما بعد ، الله اعلم
والله مالهم حق انهم يرفضون عند القبول المبدئي ماينفع نستقيل ونحط ايدنا على خدنا ننتظر غير كذا اغلب موظفي القطاع اخلص يحتاجون يجمعون الميزانيتهم للبعثه
ياجماعه انتبهوا من ناحيه تقديم الاستقاله وفكروا فيها لانه القبول مو مضمون حتى لو كان معدلك فوق 3.75 من 5 لانه الشروط تصعبت .. لو تلاحظون انه اضافو شرط اجتياز المقابله الشخصيه ف ماتقدر تضمن القبول الا بعدين ... مثل مانتو عارفين يعني اغلب الجهات طالبين عدد قليل جدا ف اكيد فيه مفاضلات
ودي اعرف انا عندي عروض ومقابلات وظيفية هذا الشهر فما اعرف ارفض او اقبل !! هذي السنة أضافوا شرط انو ماتكون موظف قطاع خاص اخاف ما اقبل واتورط
انا عن نفسي راح استقيل لان مكتوب الابتعاث للطلاب ، وخوفك يرفضون الطلب وقت القبول المبدئي ،
حاولت اتواصل معهم اكثر من مره ولا فيه فايده ، على الايميل وعلى التلفون ولا فيه اي رد ، ولا احد يعرف الجواب الاكيد .
انا نفس الشئ بقدم واذا طلع القبول المبدئي استقلت بس استقيل واجلس انتظر شئ مو اكيد لان حتى لو انطبقت عليك شروط الوزارة لازم قبول جهة التوظيف واغلبهم شروطهم مقابلة شخصية فمو مضمونه والله يكتب الخير يارب وتتسير لنا .
- - - مشاركة محدثة - - -
قالوي عشان تنقبل اهم شي تكون حالتك في بطاقه الأحوال طالب وليس موظف
هذا الشرط الذي يجعل الحليم حيرانا!
طيب الحين اللي عنده عروض يوقع ؟ ولا وش الهرجة :confused:
ياشباب افيدوني تكفون انا موضف بتامينات هل تاثر علي بالابتعاث الخارجي ،مع العلم اني موضف ع حقوقي
انا قدمت استقالتي وحذفت اسمي من التامينات الاجتماعية لاني موظف قطاع خاص
أبشركم ياموظفين القطاع الخاص ..دقيت على الوزاره ردت علي موظفه سألتها ادا كان القبول المبدأي يؤثر على موظفين القطاع الخاص ...وكان جوابها بعد سؤالها لمستشارين البرنامج انه لايؤثر تماما
انا مع الكلام هذا وايده محد قالي بس كلام منطقي
نظام التسجيل مربوط بالاحوال المدنيه والجوازات
اذا كنت موظف ومعدل بالاحوال انك موظف يطلع بالنظام
ويرفضك اما اذا كنت طالب تمشي امورك
لان مستحيل بعد التقديم يمسكون واحد واحد ويبحثون هل
هو موظف ولا لا والمتقدمين اكثر من عشر الاف
انا اعرف واحد بالمرحله التاسعه راح وهو موظف بكتابة العدل
سافر ودرس وما قدم حتى استقالته
وانا الان موظف حكومي ومستحيل اقدم استقالتي وقدمة
لاني ماني معدل بالاحوال اني موظف
وان شاء الله ننقبل جميعا
طيب اخوي هل الأحوال تتغير حالتها بشكل تلقائي من طالب الى موظف ؟ ولا لازم الواحد يقدم طلب
عليكم السلام
لما تسجل بطاقة احوالك ورقم جوالك وتاريخ ميلادك
يجيك كود ع الجوال وتدخل بالنظام
قبل البدء بالتقديم فيه شروط لازم توافق عليها
تعهدات والتزامات
أقر بأن جميع البيانات التي دونتها في هذه الاستمارة صحيحة، ومطابقة لما في وثائقي الرسمية، وحسب الشروط العامة والخاصة للابتعاث في السنة الحادية عشر من برنامج خادم الحرمين الشريفين الملك عبدالله بن عبد العزيز للابتعاث الخارجي. وإذا اتضح لوزارة التعليم العالي خلاف ما دونتُ فسأتحمل نتيجة إدلائي بمعلومات خاطئة للجهات الرسمية، ومن ذلك المساءلة القانونية، وحرماني من الابتعاث حتى بعد صدور القرار والسفر. وأي إجراءات أخرى تتخذها وزارة التعليم العالي في مجال الابتعاث أو غيره. و أوافق على قيام وزارة التعليم العالي بالتحقق من البيانات والوثائق الخاصة بي، وأي بيانات أخرى ترى الوزارة ضرورة الحصول عليها من الجهات ذات العلاقة في الدولة.
أقر بأنني لست موظفاً في القطاع الحكومي.
أقر بعلمي بأن مطابقة الوثائق سيكون في مراكز المطابقة فقط، وأن عدم حضوري في مراكز المطابقة يسقط حقي في الترشيح.
أقر بعلمي بأن حضور ملتقى المبتعثين كاملاً بأيامه، ومحاضراته شرط لاستكمال الإجراءات، وأتعهد بحضوره، وعدم حضوري للملتقى كاملاً سيوقف استكمال إجراءاتي.
أقر بعلمي بأن المقاعد المحدودة في المرحلة الدراسية، والتخصص، والدولة سيكون الترشيح عليها حسب المفاضلة الأكاديمية.
أتعهد بأن أسافر بعد انتهاء إجراءات البعثة، وألا أتأخر عن المدة التي تحددها وزارة التعليم العالي . وإذا أغلقت المرحلة فليس لي حق المطالبة بإصدار قرار الابتعاث.
أتعهد بالسفر للدولة المحددة في قرار الابتعاث ، وعدم التحويل لأي دولة أخرى.
أتعهد بدراسة التخصص المحدد في قرار الابتعاث، وعدم التحويل لأي تخصص آخر.
موافق
مذكور فيه الا يكون حكومي فقط
والله غريبه وفي الشروط العامة كاتبين عن موظف القطاع الخاص
صحيح لاحظت هالشي
وحده من الثنتين
اما بعد التدقيق تمشي امورنا يا موظفين القطاع الخاص
ويلزمونا بالاستقالة بعد الترشيح النهائي
او يتم استبعادنا بحجة تسجلينا في التأمينات، انت موظف مالك بعثة!
ع كذا .. اللي بيروح البعثة يا خريج ثانوي جديد، او حامل شهادة جامعيه وعاطل عن العمل ومعدله عالي
شي ما يدخل العقل
افضل شي ننتظر بعد العيد وش يصير
من خبرتي من زملائي موظفين حكوميين انه يوم التدقيق افادوهم انه مايصدر قرار الابتعاث الالما تستقيل هل حيطبقونه السنة او لا الله اعلم ؟
انا اقصد المراحل السابقة طبعاً
ملف مرفق 41026
هذا خويي موظف حكومي كشفه النظام ورفضه لانه معدل
بالاحوال المدنيه انه موظف
وانا موظف حكومي قبلني النظام وسجلت
هذي الطريقه الوحيده اللي يكشفونا فيها يعني
اللي مو معدل اموره تمام
وحقين القطاع الخاص لحد يفصل لانهم ما راح يدرون عنكم
طيب اخوي اذا انتو الاثنين موظفين حكوميين كيف النظام رفضه وانت النظام قبلك
الله يعين اذا راحت وجات على الحالة في الاحوال المدنية هينه هذه ، لكن المشكلة في انه في ترشيح واختبارات ومفاضلة
اي بس مو كل اللي يسوون المقابلة يبتعثوهم
اهم شي بالمقابله انك تبين حماسك للابتعاث وجديتك
يعني جهز كلام بورقه انا هدفي الابتعاث وحلمي
اني احقق اعلى درجات العلم في تخصصي ومن الهلس
جهز الكلام هذا بورقه وحفظه وتمشي امورك باذن الله
انا مره دخلت مقابلة ابتعاث للمستشفى سالوني
عن تخصصي اكثر من نص الاسأله ما جاوبت عليها
لكن كنت مجهز لهم كلام عن حماسي للابتعاث وقلته
لهم بنهاية المقابله كانو تقريبا رافضيني لكن بعد ما شافوا
حماسي قبلوني حتى قالولي انت خلاص مقبول قبل لا اطلع
لكن بعدها صارة ظروف وما قدرة اذهب للابتعاث
الله يكتبها لنا السنه هذي