رد: ابرز ما جاء في المقابلة الخاصة بجهة الشؤون الإجتماعية
انا جاوبت عن سؤال الاختلاط بالتأييد وانه شي عادي
هل تحسون اني جبت العيد؟؟
والله احترت مادري وش اجاوب خفت اقول لا ومايعجبهم :/
رد: ابرز ما جاء في المقابلة الخاصة بجهة الشؤون الإجتماعية
السلام عليكم ورحمة الله وبركاته
كانت اليوم مقابلتي الساعه 1م
اول ماتدخلي من البوابه يسالوا عن اسمك وتخصضك ويقولوا لك انتي في اي لجنه ..
قالوا لي في لجنه 5 ويوم رحت ماحصلت اسمي وبعدها رحت لجنه 1 اسال وقالوا لي انتي محوله من مؤسسة النقد لوزارة الشؤون وبعدين حولني للجنه 2
لجنه 2 مكونه من 3 حريم مرره رهيبات الله يسعدهم ..
اول ماتدخلي يدوك رقم .. ورقمي كان 35
انتظرت الى جاء دوري
اديتهم السيره الذاتيه بدون مايطلبوني .. وشكروني ع هذا الشي واخذوا السيره وبطاقتي الاحوال ..
وبعدين سالوني ايش حيفيد الاحصاء في وزارة الشؤون
وبعدين سالوني لك متخرجه 4 سنوات ايش سويتي
وبعدين سالوني عن التطوع
وسالوني هل بتتنقبي ولا تتحجبي ولا تشيلي الحجاب
وهل اهلك موافقين تسافري
ايش ردت فعل ابوك وامك من السفر ..
مين بيسافر معاك وهل بيترك وظيفته وايش تخصصه ؟!
وبس وقالوا لي توكلي
ترا سهالات وقسم لا تشيلوا هم مرره حلوه ..
رد: ابرز ما جاء في المقابلة الخاصة بجهة الشؤون الإجتماعية
انا كانت مقابلتي اليوم
حسيت منهم انهم يبو اني اجاوب اني عادي اقولهم اني فاله مو متششده بشي وعادي انو اي مدينه من مدن المملكه يكون التوظيف ؟
رد: ابرز ما جاء في المقابلة الخاصة بجهة الشؤون الإجتماعية
السلام عليكم ورحمة الله
الحمدلله من قبل ومن بعد
بالبدايه عند البوابه طلبو مننا ورقة الموعد ( اللي هي الصفحة الرئيسية حقتك في البوابة اللي مكتوب فيها موعد ومكان المقابله ) ثم وجهونا لرقم اللجنه
ثانياً / المقابله عدت مثل السلام عليكم الحمدلله
كانو عبارة عن ثلاث سيدات لم يطلبو أي اثبات سوى الهويه الوطنيه
في البداية اول ماطلعت على المسرح صافحتهم جميعهم ثم استأذنتهم بالجلوس ثم وزعت عليهم ( الثلاثه ) سيرتي الذاتيه وكذلك لمن انتهيت صافحتهم وشكرتهم على اتاحة الفرصه لي و شكرتهم على وقتهم
وخلال ما انا اشرح عن دوراتي وهكذا اردت أن اعطيهم اوراقي يطلعون عليها ( وقالت مايحتاج )
- اول سؤال تم سؤالي متى تخرجتي ؟
قلت لهم عام كذا كذا
- قالت لك سنتين متخرجه قلت اي صحيح
- قالت وش سويتي خلال هالفترة قلت اخذت دورات كذا وكذا وعندي خبرات وظيفيه وسبق اشتغلت في كذا وكذا و و
- سألت عن الوزاره وش تعرفين عنها ؟
قلت لها انها تهتم بذوي الاحتياجات الخاصه والايتام ودور العجزه و الضمان وما الى هنالك ( طبعاً فصلت لها لكن الان فقط اعطيكم نبذه )
- سألت عن المحرم اشياء كثير من هو و هل هو رافض او موافق وين يشتغل
اذا فجأه قال لك مافي بعثه وش تسوين و و
قلت لها انا طموحه جداً وما راح اخلي اي عائق يقف في طريقي ، رغم ان محرمي موافق ١٠٠٪ ولكن ( لو ) حصلت اشكاليه فـ راح اضطر ابدل المحرم أو الاستغناء عنه في حال الضروره
- سألتني عن دوامهم اذا كان شفتات وكذا عادي اقبل او اذا كان ٩ ساعات أو كان فيه مبيت او او تقبلين ؟
طبعاً ابديت اهتمامي في جهتهم و أني انتمنى أن اتوظف فيها بأي طريقه
و صرت اكرر لهم اني امام- طموحي كل شي يهون وانا متحمسه للعمل واحب العمل و و و
- اذكر اني دقرت في شي وحيد وبسيط كانت تسألني وين تبين تشتغلين عندنا قلت ايتام او دور عجزه قالت ومعاقين ؟ قلت انا جربتهم صراحه يوم كنت متطوعه ما حسيت اني اميل لهم اميل للايتام والعجزه وكذا
[emoji58] ( مادري اذا جوابي كان سيئ او لا لكن فعلاً مالقيت نفسي ابداً تجاه المعاقين الله يرفع عنهم )
وسألتني سؤال اخير كيف الانجليزي معاك قلت تقريباً جيد
والحاسب ؟ قلت لا ممتاز
تقريباً هذي الاسئله ، ما سألوني ابداً عن تخصصي ولا شي
استأذنتها بسؤال نهاية المقابله وقالت تفضلي ، سألتها اذا كان العدد ٢٠٠ فقط للطالبات و اجابتني بالنفي
٢٠٠ للطالبات والطلاب من جميع الاقسام ايضاً وليس فقط علم النفس
وقالت لي أن عددكم وصل ٨٠٠ و الله اعلم [emoji21]
ايضاً قالت أن آلية القبول ليست بيدهم ، القرار النهائي يرجع للوزارة لأنهم سيقومون بإرسال اوراقنا الى الوزارة والوزارة تقرر القرار النهائي
اعذروني اذا الكلام ملخبط لأني بالمطار و احاول افادتكم في اسرع وقت
اسأل الله لي ولكم القبول والتوفيق [emoji255]
رد: ابرز ما جاء في المقابلة الخاصة بجهة الشؤون الإجتماعية
تخصص خدمه اجتماعيه (تنميه اجتماعيه)
ايش صار ع مقابلاتكم وايش طبيعه الاسئله اللي جاتكم؟
بكره ان ششاءالله مقابلتي افيدوني.
رد: ابرز ما جاء في المقابلة الخاصة بجهة الشؤون الإجتماعية
اقتباس:
المشاركة الأصلية كتبت بواسطة zooz1413
تخصص خدمه اجتماعيه (تنميه اجتماعيه)
ايش صار ع مقابلاتكم وايش طبيعه الاسئله اللي جاتكم؟
بكره ان ششاءالله مقابلتي افيدوني.
انا نفس تخصصك وبكرا مقابلتي
مدري فينهم بنات الخدمة[emoji37]
رد: ابرز ما جاء في المقابلة الخاصة بجهة الشؤون الإجتماعية
اقتباس:
المشاركة الأصلية كتبت بواسطة Heba_nooh
انا نفس تخصصك وبكرا مقابلتي
مدري فينهم بنات الخدمة[emoji37]
وانا بعد نفس تخصصكم علموني وش يصير معكم تكفون
- - - مشاركة محدثة - - -
حيث الهدوء جزاك الله خير على كل شي
ابرز ما جاء في المقابلة الخاصة بجهة الشؤون الإجتماعية
بنات شلون اطلع رقم لجنتي ادري مو مهم بس حابه اعرف ردو علي بالله[emoji171]
رد: ابرز ما جاء في المقابلة الخاصة بجهة الشؤون الإجتماعية
اول ماتروحي الشوون بتلاقي اللي عند البوابه عندهم اسمك ولجنتك.
رد: ابرز ما جاء في المقابلة الخاصة بجهة الشؤون الإجتماعية
الله يسعدكم بنات ويجعلنا جميع من المقبولين
حيث الهدوء ماقصرتي كفيتي ووفيتي ربي يسعدك ويكتبلك الخير حيثما كان
انا بإذن الله بكرة مقابلتي
وسأوافيكم بالمقابله
دعواتكم🌹