برامج التطوير بوزارة الداخلية " وظيفتك وبعثتك"

على حسب كـلام الي قابلني ان المقابلة اللي يسوونها لنا ترشيح للوظيفة ما بعد الدراسة ــ

أما بالنسبة وش تختارين وظيفة او دراسة هذا يعتمد على رغبتك ـ هل انت/ـي تسعي/ـن للدراسة أم للوظيفة ؟

بالنسبة لي أنا راح يكون جوابي الدراسة ـ

أفهم من كلامك أنو كلنا مقبولين للابتعاث؟

لا ـ لأنه فيه ناس راح يرشحون ( الي هم مقبولين للابتعاث ) ـ المقابلة هذي هي حسم للموافقة او الرفض لبرنامج بعثتك وظيفتك وبحكم اننا تابعين للوزارة تعتبر ترشيح للوظيفة ــ

الترشيح غير القبول من ناحية الوظيفة لأنه راح يكون فيه مقابلة من جهة الوزارة بعد الدراسة وراح يكون فيه تحليل طبي ــ اذا كانت المقابلة ما بعد العودة من الدراسة مشت بشكل حلو وقبلوك راح يكون فيه مرحلة التحليل و اذا كان التحليل ممتاز ـ يتم التوظيف ـ

طبعاً على حسب كلام الي قابلني ـ بعد العودة من الدراسة ما راح يتم توظيفنا مباشرة بل نكون مرشحين للوظيفة ولنا الافضلية للحصول على الوظيفة بالنسبة للمتقدمين على الوظائف من مختلف الطرق

السلام عليكم ورحمة الله
الله يصبحكم بالخير جميعا
كانت مقابلتي يوم الاحد الحمدلله ولكن لظروف السفر والعمل
مالحقت ادخل ونسيت معلومات الدخول والحين استرجعتها
طبعا التخصص ماستر تقنية معلومات صحيه
مقابلتي كانت عند مكتب رقم ( 8 )
1/ عرفنا على نفسك ويفضل يكون بالانقليزي
2/كم المده الي قضيتها وانت تشتغل بلانقليزي
3/كم عمرك بلانقليزي
4/ وش علاقة تخصص البكالوريوس بالماستر الي مقدم عليه بلانقليزي - طبعا انا هنا قلت له اعتذر ماني محترف باللغه عشان اقدر اعبر
ف اعتذر مني وقال جاوب براحتك
الاسئله الجايه كلها عربي
5/ليش اخترت الدوله دي
6/ليش اخترت التخصص هذا
7/ليش اخترت وزارة الداخليه
8/عندك مشكله في السفر
9/كم مره قدمت ومانقبلت
10/كم خبرتك بوظيفتك
11/لو مانقبلت وش بتسوي
12/لو مانقبلت وش الخطه البديله
13/ليش تبغى تتوظف في الداخليه
14/ايش نقاط ضعفك
15/ايش نقاط قوتك
16/تحب العمل الجماعي ولا الفردي
17/لو واجهت انه فيه شخص ياثر عليك سلبيا في العمل الجماعي وش تسوي
18/لو واجهت شخص ياثر عليك سلبيا بحياتك الشخصيه وش تسوي
19/عندك مشكله لو تظفت في الداخليه طبعا انا هنا ضحكت له وقلت لا طبعا قال اخيرا شفت ابتسامتك
والله ابي ابتسم لكن سوال ورا سوال ماتلحق تجمع الاجابه
وكمان والله فيه اسئله كثير ماتحضرني الحين
اخر شي قال انا جمعت المعلومات الي ابغاها عندك سؤال
قلت الحين وش الي بيصير
قال احنا نعمل المقابلات والحين ذا قبول مبدئي بعدين فيه فرز ووقت القبول الرسمي راح ترسلكم وزارة التعليم ايميلات تبدون تكملون اوراقكم
انت تطلع كطالب وترجع كطالب في حال انك تبي تتوظف بالداخليه تدخل مسابقه واختبار وكانك تبدأ من جديد والافضل راح يتوظق
حاولت اعصر مخي عشان اتذكر الي صار معاي واكرر اعتذاري على التأخير والله يوفقنا ويوفقكم جميع
تحياتي

- - - مشاركة محدثة - - -

كمان سالني ععن التوفل والايليتس

كمان سالني لو قال لك غير تخصصك وش التخصص الي تختاره

وفي النهايه قال ل تم قبلك راح يكون شرطهم تقدم استقاله من عملك
وصل الله وسلم على سيدنا محمد

- - - مشاركة محدثة - - -

الي يسال عن مكان يضيع وقته فيه فيه كوفي قريب من الفندق تقريبا اسمه ذا جاردن

اتوقع علاقته بمستشفيات وزاره الصحه

اجريت المقابلة مع مكتب رقم ٦
تخصصي قانون
المعلومات اللي ذكرها
-النتائج بعد ٣٠ ابريل
-غير ملزمين بالتوظيف
-ممكن تكون الوظيفة في المدينتين الطبية او المستشفيات الاخرى التابعة للداخلية
وكانت الأسئلة كالتالي :
-اعزب ولا متزوج ؟
-قادر على الغربة ؟
-لو قولنا لك تسافر بكرة جاهز ؟
-عندك توفل او ايتلس. ؟
-عندك اختبارات طبية .....؟
١-عرف عن نفسك ؟
٢-كم ترتيبك بين اخوانك ؟
٣-كيف علاقتك مع ابوك ؟
٤-كيف علاقتك مع الجيران؟
٥-وش الصفات اللي فيك من هذه(مزاجي -صبور-صفة ثلاثة ناسيها) ؟
٦-تفضل العمل الفردي ولا الجماعي ؟
٧-لو انت مسؤول تتعامل مع شخص مختلف معاك بالاحترام ولا الحزم ولا الحوار ؟
٨-وش إيجابياتك وسلبياتك ؟
٩-عرف الالتزام ؟
١٠-ليش اخترت أمريكا ؟
١١-عندك قبول جامعي ؟
١٢-وش تسوي لو ألغينا الابتعاث ؟
١٣-عندك لغة ؟
١٤-كم تعطي نفسك من ١٠ في مهارات التواصل ؟
١٥-لو تشتغل ضمن مجموعة وفي شخص اساء إليك كيف تتعامل معه ؟
١٦-لو بين شخصين مشكلة تقدر تحلها لهم ؟

وبعدها قال اذا عندك سؤال حاب تطرحه ؟؟
سألته من سيختار الجامعات الداخلية اما نحن ؟
ما عندي علم تواصل مع الداخلية .

والله يوفقك الجميع يارب

يعطيكم العافيه اخ احمد و اخ يوسف
والله يجعلها في ميزان حسانتكم

شكرا

- - - مشاركة محدثة - - -

ايش يقصد بأختبارات طبيه؟
وشكرا لك

هذا سؤال قريته اكثر من مره من قبل الاخوه الكرام
هل يقصد من سؤاله انه لو تم الغاء البعثه لكن بنفس الوقت يكون قبلني بالوظيفه؟ ولا يقصد لا بعثه ولا وظيفه؟

ومره شكرا

مشكور على الطرح يعطيك العافية ...