من ضيقتي كلمـت واحـد بمـا دار
والعين فاضت مـن دواعـي نكدهـا
قال ( الفسوق ) وقلت وشقلت يا ..ار
وجنيتـي قـام ... ايتقاطـر زبدهـا
فجيعـة الظفـران وعيـال الاحـرار
فجيعـة الويـلان وادبـل عـددهـا
بنت الحلال تموت من صالـي النـار
ولا عيـون النـاس تأكـل جسدهـا
جثمانهـا للوقـت عبـرة وتـذكـار
مـاتـت ولا مـاتـت الله وحـدهـا
شفت الحيا وشلون في سلم الاخبـار
تبغـي عبايتهـا ..وخلـت ولدهـا
الحمـدلله مـا بهـا ذنـب او عـار
هـذا قـدر مكتـوب للـي شهدهـا
يعظم الله اجركـم صـار مـا صـار
هـي حالـة الدنيـا وهـذا وعدهـا
واخرى
اختلطت دموع الفرح ويّا الاحزان
وسوت لها مع مخلب الموت ميعاد
وحامت على دار الاجاويد غربان
سودا تبدل فرحة الناس لحداد
وغطت بها ثياب المعاريس اكفان
ثم اشعلت نار المصايب لها زناد
لا جا القدر صّوب على الناس نيشان
غصب(ن) علينا ثم على روس الاشهاد
الموت ما يشبع من الناس والجان
شبه المطيه نعتلي ظهرها ارقاد
كم بدل افراح البشر هم واشجان
ينادي علينا ومن يناديه ينقاد
مأمور بأمر الله علينا ولا خان
ومهما تحاول تبتعد عنه ما فاد
هذي مواريّه على مر الازمان
سيف(ن) على روس البشر ماله غماد
ثم لا تقولوا لو مشينا فلا كان
أمر(ن) من المولى ولا فيه ردّاد
والله يعظم أجركم بزود الاحسان
ويبدل احزان البلد كلها اعياد
15-8-2009
الكويت