اذ قلبك قوي ادخل (قصص جــن)

بسم الله الرحمن الرحيم


السلام عليكم ورحمة الله وبركاته

(((((( الجن قصص )))))))

هذي بعض القصص بس ما أبغى أحد يحلم في الليل ههههههههه
وهي حقيقة

ولا تنسون يا شباب أن الجان من مخلوقات الله

القصة الأول
صارة لواحد عندما كان في الثانوية في أحدا المحافظات جنوب الرياض وهذه القصة قبل تقريا 20 سنه

بداية القصة
عشرة شباب قرروا أن يطلعون للبر وهذا المكان موحش
المهم ويوم جت الساعة ثمان الصبح تقريباً تحركوا و معهم يمكن أربع سيارات
ويوم وصلوا للمكان وفرشوا البساط شافوا حمار ياكل عاد الشباب ماصدقوا
وستلموا الحمار ألي يشوته وإلي يركب فوقه وإلي يمحطه وفي الأخير
تركوه خلوه ينحاش المهم وثم جلس يطبلون وإلي يرقص وإلي يغني
(مع التوضيح هذا الفعل حرام ) ومطولين على المسجل وفلة أحجاج
ومع ذلك فانه يصلون وجاء الغذاء وجاهم بدوي ضعيف قال أبغى آكل معكم
ردوا وقالوله (أنقلع أنقلع) والبدوي راح وهو زعلان وجاء المغرب وشبوا النار
(في الشتاء) وسواليف يمين ويسار وضحك وسعة صدر وجاهم بدوي ثاني
سلم عليهم وخش معهم جوا يسولف معهم (ويعطيهم من الرخيص)
وهم كان ومقابلينه يعني قدامه وبينهم النار وفجاءه وهو يسولفون
<وصار يناظر وراهم ويقول لا إله إلا الله > ألتفت الشباب كلهم على
ورى يناظرون وش يناظر وشافوا شي غريب
وش تتوقعون شافوا ؟؟؟؟
شافوا رجال شايب يمشي بعصى وشعره طويل وعيونه تنور حمر (كأنه ليز)
وجاي لمهم عاد الشباب بعد ما شاف هذا المنظر رجعوا يناظرون قدام
ومالقوا البدوي إلي يسولف معهم (إختفا ؟؟؟؟)
الشباب إنحاشوا وإنقسموا مجموعتين ناس يمين وناس قدام لين تقابلوا في الشارع العام
ثم ركضوا مع بعض في الشارع وفجاءه لقوا الشايب نفسة قدامهم مره ثانية
رجعوا وراء ( ويقول راوي القصة صرنا نركض في خط واحد الكل يخاف يصير الأخير)
المهم وقفوا السيارات الماشية تقريباً وقفت 6 سيارات الناس يقلون وش فيكم
وتختلط الأصوات إلي يقول جن وإلي بقى شوي وينهبل والناس مستغربين وش إلي يصير؟؟
المهم دخل بعض الناس وجابوا لشباب أغراضهم
وهذي نهاية القصة ..............

يـــــــــــا شباب انا قايلكم لا أحد يخاف الله يعينكم الليل




القصة الثانية صارت لواحدصاحبي يقول
هو وكم واحد من أقربائه قررويطلعون لأحد الروضات تبعد تقريباً 150 كيلوا
عن الرياض أظاهر أنكم عرفتوها ؟؟ صح عليكم ورضة خريم

تقريبا عددنا 11 واحد
المهم وصلة الدفعة الأولى وهي أربعة أشخاص ومعهم الخيمة وأنا واحد منهم
ومعنا ددسن موديل 92 مصدي ههههههههههه
المهم بدينا ندق الخيمه ونحن ندق جث المجموعة الثانية وهم أربع أشخاص
وجلسوا يساعدون في تزين الخيمة ويوم خلصنا بعد صلاة المغرب
أتصلنا على المجموعة الثالثه وصاروا مضيعين ورحت انا واحد ندور عليهم
وطبعاً هو الي يسوق وكان الساعدة 10 الليل تقريبأ جلسنا 3 ساعات ندق في الخيمة
ونزل الأغراض ونزين بعض الأشياء
المهم واحنا ماشين بالددسن ندور على الشباب الضايعين لقينا مجرى وادي يعني ما فيه موية
يعني غراز قالي وش رايك نقطع الوادي وإلا لا قلتله يالله أقطعه!! دخلنا وغرزنــــــــــا
تغريزة شينه الكفر ماينشاف حاولت أنادي الناس بالكنود علشان يطلعونا ولكن لا مجيب
المهم أخويننا المضيع وصل للخيمة وحنا معززين شاف اللمعة نور أو لمبات قال بروح أناديهم
علشان يطلعونا راح خويي وانا في السيارة بلحالي والدنيا ظلام والبطارية ضعفت
يعني ماأقدر أنادي بالكنود وانا جالس اناظر يمين ثم يسار وفجاءه ؟؟؟
سمعة ضرب قوي في القزازه (الشباك) إلي وراء ألتفت على طول ماشفت شي
قلت هذا خويي يستهبل وقلبي ينبض 15 نبضه بالثانيه
وبعد شوي ضربة قزازة السايق وألتفت مالقيت شي وبديت اتفلفس (هذا التمدد أليحصل
للزجاج عن شدة البرد) وماطولت الا والقزازه إلي جني ضربة ظربة قويه
وأنط (أقمز) على مرتبة السواق وأفتح النور وأحط على العالي وأشوف خويي
توه يجي من بعيد
جاء ومعه ناس معهم جيب وطلعونا والحمدالله على السلامه


فاصل إعلاني +++++++++++++ فيه ثلاثة مسجونين يحفرون نفق من تحت السجن علشان
يطلعون وهم يحفرون لقوا مصباح حكه الأول طلع الجني قال وش تبغى قال السجين طلعني من السجن وطلعه جاء الثانى وحكه طلع الجني وقال وش تبغى قال السجين الثاني طلعني من السجن وطلعه وجاء الثالث حك المصباح وطلع الجني وقال وش تبغى قال السجبن الثالث
< إرسلي اثنين يساعدوني في الحفر > ههههههههههههههههههاااي

++++++++++++++++++++ عدنــــــــــــــــــــــــا ++++++++++++++

القصة الثالثة "
هذه القصة حصلة لواحد من الزملاء والذمة على الراوي

يقول : أنهم يوم كانوا في المتوسط عنده عيال عم وكانوا هو وعيال عمه يلعبون في مزرعة
كبيرة ممتلئة بالنخل الرفيع أو الطويل وهذي المزرعة كبيره ومظملة في الليل
ويطلع منها أصوات أخر الليل
المهم لعب هو وعيال عمه محمد واحمد وأخته الصغيرة والحله (مكان الفوز) أول المزرعة إختبأ محمد مع خوينا ورى أحد الجدران
وأحمد والبنت الصغيرة يبحثون عنهم
وفجاءه البنت شافت محمد متعلق على نخلة وصرخت بصوت عالي (شفتك )
أحمد أنطلق بيمسك محمد إلي فوق النخلة .. محمد متوزي ورى الجدار مع خوينا ؟؟؟؟
وشلون صار فوق النخلة ؟؟؟؟؟؟ ++++++صاروا محمدين ++++++++
المهم أحمد شاف محمد فعلاً متعلق على النخلة ناداه وقال :تراني شفتك يا محمد وهو رافع صوته
إندهش محمد وخوينا ألي متوزين ورى الجدار !!!!!!!!!!!!!!!!!
وش السالفه ؟؟؟؟؟؟؟؟؟؟؟؟؟؟
راح محمد و خوينا لمكان الحلة وأحمد يناظرهم وهو متعجب !!!!!
توني شايفك فوق النخله وش لون جيتني
رد محمد أصلاً أنا متوزي ورى الجدار ولا قربة عند النخله
{ صار محمد ألي متعلق فوق النخله من (==== الجن ===== ) متلبس بشكل محمد }
{ ومحمد الأصلي متوزي مع خوينا ورى الجدار }
إنتهت القصة
............................ إظاهر اني دوختكم شوي ههههههههههه بس تحملوني

وفي الختام وقبل ما نودعكم

يا شباب أي واحد صار له موقف أو صار لأحد أقرباءه أو سمع قصة لا يبخل علينا
__________________
مــــــــــــــــــنقـــــــــــــــــــــــــــــ ول

بس هذا اللي عندك؟
أنا على بالي بتعرفنا على أحد من أخوياك جني !!!
لووووول

أنا عندي قصة خطييرة

يقولك هذا واحد كان رايح لأخوياه في البر و ضيع محلهم و أخذ له تغريزه محترمه
طلع من السياره بيكلمهم و مافيه إرسال ،، مشى شوي فوق مكان مرتفع و كمان مافي إرسال
ثم طلع فوق جبل بعيد شوي عن سيارته و أيضا مافيه إرسال
يوم رجع لمكان سيارته ما لقاها:108:
المهم إنه راح يمشي في ذا الخليان يدور أحد يساعده
شوي و إلا سيارته واحد يسوقها و يلحقه و يوقفه
و يوم نزل القزاز ذاك و إلا وجهه نفس وجه خوينا ذاك
وهو يغمى عليه و بعد فتره كذا صحي و لقي نفسه في

فراشه

لوووووووووول
< مألفها ترا

*****

وشف الناااااااس هاليومين تتكلم واجد عن الجن

الله يكفينا الشر



وانت ياسوبر بصراااااااااااحه قصتك تخرع انا ماقدرت انام للحين

<<<<< واحد يصدق بالقصص لووول



تحياتي

لي عودة بقصص لي انا شخصيا مع الجن ^_^

مشكور عمر على القصه ....
خوفتنا يا شيخ ....<<<ايه هيين

مشكور كود على مرورك .......

صالح انا قلتلك اذا انت حطيت القصه اللي تقوله انا احط قصتي بس هالمره ماني منتظرك ابي احط قصتي ..........
قلبي يقرقع ابي اقولها ..........


هذي قصه صارتلنا يا جماعه بمنطقه يقولون الناس اتحداكم تدخلونها بالليل .......
مسكت معنا يوم من الايام اننا نروح .........

رحنا انا و8اشخاص بسيارتين طبعا ..........
دخلنا المنطقه الساعه 7المغرب .........
دقينا خيمتنا وزبطنا الشاي اللي على كيفك <<بدون سكر طبعا نسيناه من العجله
سوالف وضحك ووناسه <<<طبعا وكل واحد ملتصق بخويه واكبر ثنين من الشله على الاطراف
المهم يوم جينا نتعشى على حدود الساعه 10بالليل قالولنا روحو نزلو الاغراض من السياره
يوم رحنا نبي نلبس نعالنا (اكرمكم الله) لقينا كل نعل بجنب نعال الثاني بس بترتيب
حنا خفنا شوي بس قلنا يمكن حنا رميناهن كذا طبعا من الخوف ......
المهم عرفنا انه بدا الشغل من الجن .......
نزلنا الاغراض وزبطنا عشانا وتعشينا .........
لما جينا نغسل يديننا رحنا نبي نلبس نعالنا الا مافيه ولا نعل بالارض ........
على طووووول خلينا خيمتنا وعلى السيارات .....
من الخوف سياره ركبوها 6وسياره بس 2 ركبوها .......
عاد لقينا النعال بالسياره ....حاطينها الجن ......

THE END




ادري بتقولون ما تخوف بس والله هذا اللي صار معنــــــــا .......

لا تـــــــــــــــــــــــــــــــــــعليق

خـــــــــــــــــــــــــــــــــــــــــــــــــ ــــــــــــــــــــــــــــــايف

خـــــــــــــــــــــــــــــــــــــــــــــــــ ــــــــــــــــــــــــــــــايف

خـــــــــــــــــــــــــــــــــــــــــــــــــ ــــــــــــــــــــــــــــــــــــايف

يمــــــــــــــــــــــــــه يــــــــــــــــــــــــــــــــــمه يمــــــــــــــــــــــــــــــــه

هههههههههههههه

مشكووور عزوز الله يعطيك العافية.........

احم احم ..
طيب ياعم انا بقولك قصتي ..
مره من المراريت يوم كنت بزر
تقريبا في اولى متوسط ..
كنت في احد المزارع حقت خوالي ..
المزرعه هذي كبيره ومظلمه ..
ومليانه بالنخل والاشجار
ومليانه كلاب اكرمكم الله ..
ومليانه بــ ( حفر الرماد >> المكان الرمادي
اللي يبقى بعد مايخمد الجمر )
وهذا المكان معروف انه من بيوت الجن ..اللي هو حفر الرماد اقصد
المهم رحت ذاك اليوم انا وواحد من العيال
كان فيه عرس ( في بيت لازق بالمزرعه )
جيت انا وهاللي كان معي
وبغينا ندخل عند الحريم نبي نكحل عيوننا
<< مخربها من يوم هو بزر ..
المهم ماقدرنا لان كان فيه
خوالي ومجموعه قلق قاعدين عند الباب
وعيو مايخلونا ندخل
بل انهم كاااااااااادو ان يمحطوننا بالخيزران ..
ولكننا انحشنا صوب المزرعه كالصواريخ ..
طمرنا مدري كم عتبه درجه لين نزلنا للمزرعه
لانها كانت منخفضه شوي عن البيوت ..
ونركض نركض بوسط الظلام وفيه اصوات غريبه
تختلط مع اصوات الكلاب والخرفان وباقي الشلل اللي بالمزرعه ^_^
فجأه وبوسط ركضنا انا وخويي ..
لقيت بين نخلتين .. مثل الولد الصغير لابس ابيض
لكن ملامح .. مافيه ..
كأنك تقول شبح ابيض بس انه صغير ..
انا على طول حسبت انه واحد بزر قاعد يفك عن نفسه بالمزرعه ولاشي
( مع انه ماحد يدخل هالمزرعه بالليل الا المهبول )
قربت منه وكان المسافه بيني وبينه حوالي 6 امتار
قلت : من انت ياولد ؟؟ << مسوي قوي
ماحد رد علي ..
قربت زياده وصار بيني وبينه حوالي 4 امتار ..
واعيد واكرر : ولد .. من انت ؟؟
ماحد رد علي .. وانا اشوف قدام عيني وخويي يشوف
شخص مثل الشفاف تشوف اللي وراه ..
قال خويي : جني ؟؟
وانا ماغير سمعت هالكلمه ولا ماسمعتها
واحططططططططططططططط رجلي
انا وخويي وعلى بيت ماما ^_^
وانتهت القصه ..

>> خلاصة الكلام من بكره
رحت لواحد من الشياب وقلت له السالفه ..
قال النخلتين اللي شفتو عندها الجني
هذي ساكنه فيها الجن من عشرين سنه
واحمدو ربكم انكم ماتعديتو النخلتين وفيه واحد حارسها ..
لانكم لو تعديتوها ماكان عرفنا وين دياركم الى الابد !!!!!!!!!!!!!!!!!!!!!!!!!!!!!!