عبر عن احساسك بـ قصيده و صوره

سافر عساه يعوّد لي بسلامه

وعسى السلامه في طريقه تخاويه



ومن الزعل ماقال لي مع السلامه

الله يحفظه وين حطت خطآويه...

كان هالدنيا خذت مني وجودك

تتعب الدنيا ولا تاخذ غلاك

وكان هالايام تحرمني اشوفك

الامل بالله يجمعني معاك

وان قسى وقتي ومنعتني ظروفي

حالف منسى محبتك وغلاك

تعالي نهيم
فى دنيا المطر والغيم
وَ لكنّك !
تخافين .. وتخافين .. وتخافين
وعندك شي تخفينه ...!
وأنا أحب المطر ..
وأنتى تخافينه
ولا أدرى سبب خوفك؟
ولا ظنك بعد ... تدرين !!
تخافين المطر ..
لا يبلل ثيابك
تخافين الرعد ..
لا يرعب أحبابك
تخافين أن لمع البرق ...
فـ عيونك يبان ما تخفين.
ابركض فالمطر ..
وابتل ...
وأذا أرعبك المطر ليله ..... !
أنا أرعبنى الجفاف سنين !!

واهم

منعطف خطير

حياة صعيبه

عذب هذا الحضور.. لمروركم واشراقتكم هنا ألق لامثيل له.. عطر لامس الاحساس قبل الحروف


كونوا دوما بالقرب ...فالمساحات لاتزدان الا بكم

قآدر الله~

:
:

:

فهقت عن وجه الحزن بعض الالوان
والبعض الاخر ماكسر حاجز الصمت
صدري وطن ..مسكون بترابه احزان
خوة عمر !!وانا .....عليها تأقلمت
اصبحت انا والهم في حسبة اخوان
تأكلني الغربة ...وانا .. ماتكلمت

"
"
انا

عساك بخير..



وش اول واخر جروحك..



وش اخر واول فراقي..



يقولوا من المسا تلملم بقايا نبرتي وتروح..



على اول ذكرى بالشارع..



نسينا كل سوالفنا عليه و كل مواجعنا..



وصرنا فيه ندورنا..



ندور من ملامحنا ملامحنا..



تشتتنا تشردنا..



الين انا ندور في وجيه الناس..



تصور..



ولا قطره بوجيه الناس تشبهنا وتشربنا..



وارد ضاميك..



وبعد مثلي ترد ضامي..



واقول ان المسا كاسك..



واصب عيوني لإحساسك..



وانا اتكسر..



مع كل اغنيه تفتح هدبها والمح عيونك..



يا عون الله تلاقينا..



تصور..



بأغانينا تلاقنيا..



عساك بخير..



وش أول واخر جروحك؟؟



وش آخر وأول فراقي؟؟



يقولوا من المسا تلملم بقايا قمرتي وتموت..



نسيت أسأل ؟؟



صحيح تمووت ؟؟؟!







سالم السيار

لو هانت أيامي عليك

أيامك إنتْ

ما راح تهون

أيامك إنت ..ماي العيون

وأحلى جنون

أيامك

الليل اللي لبّسني القمر

ألماس

خاتم باصبعي

وأيامك

الصبح اللي لبّسني الضوا

ثوب

و"زبون"!

وأيامك اللي لحّفت..

أطرافي في عزّ الشتا

وكان وقتها

أقرب دفا..

مسافة أحزان وطعون!

أنا من قَبل

ما ألتقيك

ما كان يحب نبضي أبد..

قلبي ولا..

كانوا يحسّون بفرح

لو يلتقون!

أيامك اللي خلّتهم على

طول المدى ..

يتصالحون!

أنا من قَبل

ما ألتقيك

ما كان أبد

ينبت على شرفة هناي

عشب الأغاني الساحره

وما كنت أقلّب الصبح وأشوف

أثر ندى بدفاتره

أيامك هي اللي عَطَت

هذا الجمال لدنيتي

وخلّتها في هذا الفتون!

وهي اللي أهدَتني

مفاتيح المزون

وهي اللي خلتني أشوف

إني عظيم

وإني رغم قبحي

وسيم

أيامك الغيث الكريم

وأيامك القلب اللي كان

في حاجتي

دايم عليم

وكل ما طلبته قال:

أبشر..تمون!

أيّامك العمر الحنون

وشلون تهون

أيامك انتْ

رغم الفراق

وشلون تهون؟!!!!!