تجمع المتقدمين على مدينة الملك عبدالعزيز للعلوم والتقنية وظيفتك وبعثتك 12

اي يوم سويت المقابلة؟

اوه انت الجهه جامعة الملك عبدالله مو مدينة الملك عبدالعزيز.

ايه انا سويت المقابله وباقي ماتغيرت حالتي

حتى انا ما تغيرت الحاله.

السلام عليكم. الحين احد تغيرت عنده الحاله ولا كلكم لسا حاطين الموعد و مكان المقابله؟؟

اللي سمعته ان من تاريخ 17/8 لين 8رمضان بيدؤون يرسلون هل انت مقبول او لا. يعني آخر واحد يدري هل هو مقبول أو لا 8رمضان.

هذي تجارب بعض اللي سوو المقابلة
(للمراحل الجاية عشان يستفيدون)

السلام عليكم
*اليوم الصباح كانت مقابلتي
*اللي فهمته ان راح يقابلون ٤٠٠ طالب
*والمقاعد المتوفره ٦٠
واللي ما جاتهم مواعيد سألت لهم موظف وقال مالنا دخل حنا نشوف الاسماء اللي جتنا من الوزاره
اسئلة المقابله بشكل عام تكلم عن نفسك وعن طموحك
*وكانت مقابله استفزازيه نوعاً ما
*اي احد عنده نقطه سلبيه لا يذكرها عندهم لأنهم يدورون اي شي
وعلى كلامهم لازم التسجيل يكون في افضل ٢٠ جامعه
*هاذي للحين ما دخلت مخي ^
*بس هذا كلامهم
*وبالتوفيق للجميع
------------------------------------------------------------------------
مدينة الملك عبدالعزيز للعلوم والتقنية
سلام عليكم
تو خلصت مقابلتي في جهة الملك عبدالعزيز للعلوم والتقنية تخصص هندسة مدنية راح اعطيكم نبذة بسيطة لعل تستفيدون منها وش صار معي...
بالبداية اول م دخلت سلمت ولا جلست لما قالي تفضل كانوا اللي قابلوني رجال وحرمه وكانوا مرره اسلوبهم كويس ومحترمين في ضحكتهم وطريقة كلامهم. كانت مدة المقابلة ١٠ دقايق تقريباً. جلس يعرف هو عن البرنامج وش اهدافه وانا فقط استمع بدون م اقاطعة بعدين سألني عن السيرة الذاتية اللي معي وش فيها بدون م يشوفها طلب مني انا اتكلم واقول وش كتبت فيها وعلمته وش فيها رؤوس اقلام ثم قال ليش اخترت التخصص قلت قريت عنهم وكلهم وحسيته هو المناسب لي وعطيته بعض المعلومات عن تخصصي . بآخر شيء قال عندي سؤالين لك ثم خلاص قلت تفضل قال السؤال الاول لو م قبلناك بالتخصص اللي تبيه ايش راح تسوي؟
قلت له تخصصي انا اخترته عن قناعة وراح ابدع فيه لأني احبه لكن اذا تم تحويلي لتخصص ثاني راح اكافح فيه واثبت لكم اني قادر عليه. والسؤال الثاني قال هل عندك استعداد تتوظف بجهة الملك عبدالعزيز وتعيش بالرياض قلت ايه ومن هالكلام اني مستعد وكذا.
لما جيت اقوم قلت له تفضل السيرة الذاتية قال لا م نحتاجها تكفي المعلومات اللي قلت لنا انت عنها.
وبس والله وفالكم جميعاً القبول ي رب

@Khwild_11
----------------------------------------
مدينة الملك عبدالعزيز للعلوم والتقنية
السلام عليكم اليوم كانت مقابلتي
كان فيه اكثر من لجنه بعض اللجان يقابلونك رجالين وبعضهم رجال ومرأه.
قعدنا نتتظر في قاعة انتظار وكل شوي ينادون بالأسماء بس الترتيب ما كان ابجدي ما ادري على اي اساس(اتوقع على حسب التخصص)
فيه وحده من اللجان كانت مقابلتهم بالانجليزي بس عادي لا تخافون اسألتهم جدا عاديه كأنها سوالف.
ما قصروا حطو لنا اكل وعصير وشاي في قاعة الانتظار.
كان فيه حوالي 30 الى 40 طالبه.

بعد ما نادو اسمي دخلت وقلت السلام عليكم ردو السلام وقالو تفضلي قالو لي عرفينا بفسك وعن عائلتك؟. ليش تبين تروحين بعثه؟
ليش اخرتي هذا التخصص؟ قد جربتي البرمجه او اخذتي مواد برمجه او برمجتي تطبيقات(لان انا تخصصي هندسه برمجيات)
قد طلعتي درستي برا لفتره؟
انتي منتسبه لجامعه؟ وقعد يسألني شوي عن الجامعه اسأله عاديه ايش تدرسين مواد؟ كم معدلك؟
بعدين قالي عندك نشاطات مع مجموعات؟قلت له انو مره سوينا مشروع في الجامعه .
عندك ايلتس او توفل؟
(اللي عنده شهاده يجيبها لاني شفت وحده جايبتها معاها)
بس وبعدين قالي انه لازم تدرسين في افضل 20 جامعه حول العالم.

المقابله جدا سهله لا تتوترون كأنها سوالف واللي هناك جداً حبوبين

- - - مشاركة محدثة - - -

يا ريت اللي سوو المقابلة يكتبون ايش صار عشان غيرك يستفيد
او اللي عندهم تجارب ناس ثانيه يحطونها

افضل عشرين جامعه فالعالم؟ ولا قصدهم من الجامعات المتميزة اللي موجوده فموقع الابتعاث؟ لان مو كل الدول فيها جامعه ترتيبها ٢٠ و فوق فالعالم...

و في ترتيب ثاني حسب التخصص. يعني احسن ٢٠ جامعه فالعالم فتخصص الهندسة الكيميائيه مثلا؟ تتوقعو كذا قصدهم؟ كيف اقدر استفسر؟

لا يقصدون افضل 20 جامعة في العالم هذا غير انه تدرس سنه كاملة بالرياض انجليزي بدال سنة اللغه
+اتصل عليهم تلقى رقمهم في موقعهم بس اليوم السبت ما اعتقد يردون عليك