تجمع المتقدمين على الهيئة الملكية بالجبيل وينبع وبعثتك 12

لا وحاطين لنا الموقع هذا يقسمنا على شأن ما نكون تحت كلمة واحدة وكل واحد يصير همه نفسه ويلوم نفسه أنه أساء الاختيار في جهة التوظيف
ترى الشعب كلهم نفس الشي انا معدلي ممتاز 3.9 وقدمت السنة الماضية واستقلت من وظيفتي واستوفيت الشروط وما تكرمو علينا بالعلم اللي مفروض يرجع عليهم بالفائدة
والسنة هذي ييوني استقبل مره ثانيه وبعدين اقشر بصل ؟

اخ سعود ..
اختلف معاك برنامج الابتعاث السابق افضل بكثير من وظيفتك بعثتك ... لانه السابق فقط الوزارة من يقوم بترشيحك .. بدون تدخل الجهة الوظيفية ..
ويظل العمل على اجتهاد الشخص نفسه ..
ماشااء الله معدلك من 3.9/4. ..؟ اي مرحلة (ماجستير او دكتوراه) وعلى اي تخصص؟

لا تختلف معاي ولا اختلف معاك انا كلامي واضح الغرض من وظيفتك وبعثتك ما اتضح لأحد الشركات هذي دايم يبتعثون وماهم محتاجين الأعداد اللي تقدم على الوزارة والتي أخذت من الحكومة مليارات
بعدين صرفوا المتقدمين على الشركات
انا متقدم على دكتوراة في نظم معلومات إدارية واستوفيت كل الشروط لكن الحمد لله على كل حال

انا اليوم اتصلت عليهم
الموظف ما اعطاني كلام أكيد
يقول تفاءل بالخير راح يكون فيه مجموعه ثانيه للمقابلات

السلام عليكم ورحمة الله
ومن باب الإفادة حبيت أذكر تجربتي في المقابلة انا مرحلة ماجستر تصميم داخلي
رحت الفترة المسائية وقسمونا الى قروبين قروب يختبر وقروب يعمل مقابلة القروب اظن 10 بنات
كل بنت ربع الى ثلث ساعة والبعض أقل والمقابلات 3 نساء اعتقد وحدة منهم دكتورة والثانيات ماعرفت
المقابلة كان أول سؤال عرفي عن نفسك ووين أشوف نفسي بعد خمس سنوات بعدها سألوني عن تخصصي وقالوا لي موقف لو صار لي في العمل أن رب العمل طلب مني أعمل شيء غلط في العمل مثلا تصميم أو نحوه حابين يعرفوا ردة فعلي وكذلك اذا عملت مشاريع تطوعية وليش أريد أتوظف في الهيئة وليش دخلت هذا التخصص وكم سؤال آخر
آخر شيء سألتهم عن معلومات عن وين بشتغل واختيار التخصص الدقيق قالوا هم ما عندهم أي فكرة
وبس ، كانت مقابلتي قصيرة أظن أقصر من باقي البنات هههه
المقابلة كانت باللغة العربية وعموما كانت خفيفة دم المهم الواحد ينتقي الكلمات الي يعبر بها عن نفسه ويثبت نفسه في هذا الوقت القصير

بعدين وقت الإختبار كان اختبار تحديد مستوى فيه listening reading grammar vocabulary
أنا متمكنه من اللغة وصراحة كان جدا سهل أتوقع أي أحد عنده خلفية لغة بيشوف سهل أيضا

وبعدها رحت على البيت

بالتوفيق للجميع يارب وأتمنى من الكل يفيد مثل ما هو حاب يستفيد

لو سمحتي وين رحتي بالضبط في المستشفى عشان المقابله؟!

مشكووورة بدعيلك من قلب بظهر الغيب كنت انتظر اي تجربه ريحتيني الله يفرحك بالقبول يارب
بسالك سؤالين مهمه اول شي تفسخو العبايات ولا لا ؟؟ ثاني شي اختبار الانجلش يدخل بالمفاضله وياريت تحددي مستواه تقريبا مبتديء متوسط صعب مثلا الفوكابلوري تحسي كثيره وجديده او صعبه ولا متكرره عن الاختبارات ومراحل الدراسه

والاختبار ورقي ولا محوسب ويكررون التسجيل كم مره عشان انا احتاج اسمعها مرتين عشان اجاوب 😅

وقوليلنا يعطونك فرصه تجاوبين ولا يقاطعونك ويستعجلون زي مانقرا بمقابلات ثانيه بالدقيقه يحسبون


اخذو منك صور شخصيه ولا بس صور الهويه؟؟


والله يوفقك ياااارب وتنقبلي وتفرحي 🌷🌷🌷

مقابلات البنات بالمستشفى والشباب بنادي وقالتلي وحده ساكنه بالهيئة قبل كذا راحت اختبار انجليزي لمفاضلة على وظيفه بالهيئة وكان القسم نسائي كامل .. بخصوص الموقع بالضبط تلاقين رابط الموقع بقوقل ماب بنفس رسالتهم حقت حجز موعد او روحي بدري واسالي عن مكان المستشفى واكيد حاطين لافتات للمرشحات او اي دليل الله يوفقك🌷

اضن انهم ماعاد يرسلون رسايل الاسبوع هذا كله مقابلات فصلت من العمل على شان البعثه وشكلها مابتجي ماقول الا حسبي الله ونعم الوكيل

ان شاء الله الفرصة مكتوبة لكي

ايش الأوراق بالزبط الل أخدوها منك بالطلب بالترتيب؟!