الخدمات الإلكترونية لبوابة سفير للمرشحين للابتعاث.

ممكن إستفسار :
كيف وضع المرافق حالياً إذا كان بيطلع على دراسة لغة؟
هل أراسل المعهد على أساس الضمان المالي يشملني ويشمله ؟
وإذا كنا في معاهد مختلفة ؟ كيف الوضع بيكون؟

أحتاج بنات من المرحلة السابقة يفيدوني وبنكون شاكرين
لأن كل سنة تختلف الإجراءات والكلام يطول
هل فعلاً ماعندي خيار إلا إني أسوي كشف حساب فيه مبلغ وقدره ؟

نفس سؤال الاخت اللي فوق
+

الضمان المالي اللي رسلوه عالايميل مكتوب فيه يشمل المرافقين في التأمين الطبي فقط , ماذكروا انه للتعليم برضو , يعني هل نطلب ضمان مالي من الخدمات الإلكترونية للمحرم اذا كان بيدرس لغة وجامعة ؟

ياريت تفيدونا

السلام عليكم
وصلني الضمان المالي
كيف اقدم على معاهد كندا
وهل الافضل اقدم على معهد الجامعه اللي ناويه ادرس فيها والا اي معهد عادي ؟
وتقديم الجامعه متى ؟
اذا رحت هناك اقدم والا اقدم مع اللغه
والمرافق اقدم له معي على معهد اللغه والا اذا رحنا هناك يقدم ؟؟

ياليت تفيدوني احس نفسي ضايعه

- - - مشاركة محدثة - - -

وانا ايضاً نفس تساؤلكم
هل الضمان المالي يشملني ويشمل المرافق ؟
يعني اذا قدمت ارفق الضمان لي وله ؟؟

وعليكم السلام.
قدمي على اي معهد لكن يفضل المعهد تابع لجامعة بتدرسي فيها يوفر عليك بحث .


المحرم راسلي الوزارة بذلك.

- - - مشاركة محدثة - - -

راسلي الوزارة في ذلك من خدمة الاستفسارات.

طيب اخوي انا جاني على الايميل قبل يومين ضمان مالي عام
بعد ما طلبت ضمان مالي لجهة معينة و كتبت اسم المعهد
و جاني الرد في صفحة الخدمات الالكترونية كالآتي : " اخر مؤهل علمي من داخل السعودية . مرشحة لدراسة الماجستير بفرنسا ،ضمان مالي اللغة و الدرجة العلمية ، (على الطالب احضار قبول مصدق) .
هل يعني اني لازم اجيب قبول اول عشان يرسلولي ضمان مالي باسم المعهد و الجامعة ؟
ولا يكفي استخدم الي وصلني على الايميل للتقديم للمعهد و الجامعة ؟

الاجابة على الاستفسار الي فوق يكفي تقدم باللي وصلك على الايميل.

السلام عليكم, مكتوب في الضمان المالي انه بيغطي Living expenses, هل يعني انه البعثة راح يغطون السكن؟ ولا السكن على حسابي انا؟ عشان اقول للمعهد انهم مايشملون السكن في الطلب ومانرفض واعيد من جديد ويضيع الوقت.

وعليكم السلام
يعني انهم يعطونك راتب / مكافاه يغطي مصاريفك الشخصيه وسكنك.. من المكافاه /الراتب تقدر تدفع قيمه سكنك.

السلام عليكم ورحمة الله وبكاته

انا الحمدالله اموري طيبه لكن للاسف حطوني في بريطانيا و انا ودي بكندا لان تخصصي علم النفس العيادي و متوفر في كندا بشكل كبير

سؤالي لكم هل اقدر اجيب معهد اكاديمي من كندا و اقدمه لهم و يحولون الدولة او لا ؟؟؟؟؟

تمت الموافقة على طلب إفادة جهة عمل المحرم ..
ارسلو لي ايميل تمت الموافقة على طلبك
ولما دخلت سفير لقيتها موجودة واقدر اطبعها..
مع العلم ان المحرم يشتغل في قطاع خاص مو حكومي. انا كتبت لهم اسم الشركة وكتبوه في الخطاب.