الخدمات الإلكترونية لبوابة سفير للمرشحين للابتعاث.

يعني مايقولون لنا خلال هالمده لازم بعدها تروحون بلد الابتعاث

ما اعطوني جواب .. لا .. كل كلامها كان .. حاولي تستعجلي وبس

مشكووووره قلبي والله يسهل عليك

شموخ كيفك ان شاءللله بخير؟

انا وقت الانترفيو في السفارة اخذو مني الجواز والاي توني الاصل والفاينشال قرنتي

واستلمت الجواز بس مارجعو الاي توني.
تواصلت معهم قالو ماهو بموجود عندهم.


انا عندي نسخة ع الايميل اقدر اطبعها واستعلمها ولا ضروري يكون عندي الاصل !!!

ابى اعرف بالظبط هل ححتاجه ولا كيف؟
لان اوريدي بالفيزز مكتوب اسم المعهد والسيفيس

الحمد لله بخير جعلك بخير.


اذا مبتعثة على أمريكا . أمريكا ما تأخذ الاصل دايم تطابق بس.


عادي اطبعيها وممكن تطبعيها من مكتب الانترشونال في المعهد.

I-20 مهم يحافظ عليه كما يحافظ على جواز السفر.

معليش ممكن احد يشرحلي بالضبط شلون اطلع امر الاركاب وانا واقف بدال البوابه الالكترونيه يعني وين اروح بالضبط ووش الاوراق المطلوبه طبعا الي فهمته منكم ان امر الاركاب هو الي يطلع لما افتح طلب اصدار تذاكر من البوابه لانهم اخروني لهم ٣ ايام على قرار الابتعاث مره رفضوه قالوا حط شهادة اتمام الثانوية مب الكشف (الي فيه درجات الثلاث سنوات ماده ماده) يوم رجعت ارسلته رفضوه قالوا ارسل الكشف مب شهادة الاتمام (الي انا راسلها اساسا اول مره وانرفضت) عاد ارسلت الثنتين الحين مع بعض بالطلب عشان مايطلعون عذر

السويدان يعطيك الف عافية ..

لاهنت ممكن تعلمني كم اسبوع خذت فيزتك الكندية وطلعت؟

ان شاء الله احد يرد عليك بمسألة التذاكر ..

انا باقي انتظر الفيزا ....

لا الحمدلله امور التذكره شبه خالصه بعد مادرت نص الرياض الظهر اروح لفرع الطيار لقيته معزل رحت للثاني قال حنى مانسوي حجوزات هنا هذا مبنى مول سنتر بس يوم رحت للثالث وانا كاره نفسي قال معليش البعثات من الفرع الرئيسي بس بالتخصصي ادخل عندهم واسأل عن التعليم العالي. بعد ماوصلت هناك ومافيه الا موظفين هنود وانتظر مده عشان اكلم واحد قالي معليش اذا اول مره تبتعث لازم تروح لمكتب الطيار ( داخل مبنى التعليم العالي ) الحمدلله عاد التعليم العالي بالتخصصي قريب منهم عاد لاني جيته قبل اذان العصر بشوي سوولي حجز بس وقال دق علينا بكره الصبح عشان نطلع لك امر اركاب من هنا ونطلع لك التذاكر. خلاصة الكلام لاتروحون الا لوزارة التعليم العالي بالرياض سيده الدور الاول واسألوا عن مكتب الطيار هذا بالنسبه لحقين الرياض طبعا فيه البوابه الالكترونيه بعد بس شفت ناس تشتكي انهم يطولون مره وبكره اخر يوم قبل اجازة الحج.
بالنسبة للفيزا الكنديه اخذت معي ٣ اسابيع.
اما بالنسبة لقرار الابتعاث انتبهوا لانهم رفضوا طلبي مرتبين ورا بعض اول مره كنت حاط السجل الاكاديمي حق الثانويه العامه ( الشهاده الي فيها درجات الثلاث سنوات كاملة ) ورفضوه وقالوا ارسل شهادة اتمام الثانويه العامه يوم سويت كذا رفضوه مره قانيه وقالوا ارسل الكشف ( الي ارسلته بالبدايه اساسا وانرفض ) فعشان مايأخرونكم ارفق وحده منهم في خانة الشهاده وارفق الثانيه في المستندات الاضافيه.
والله يوفقكم جميعاً

هل لازم يكون معي قبول من جامعه او عادي من معهد عشان اكمل اجراءاتي اللي هي خطاب السفارة وباقي الاشياء ؟

قبول المعهد يكفي لاكمال إجراءاتك من إصدار القرار وغيره.