الاستفسارات الخاصة بالمرحلة 12

السلام عليكم بغيت استفسر عن الولايات التالية وش الافضل من ناحية الاقل في الاسعار والامان والطقس ومن كل النواحي
1- ولاية اوريجون - مدينة بورتلاند ومدينة يوجين
2- ولاية واشنطن - Avborn
3- ولاية اوهايو- مدينة كليفلاند ومدينة Athens


وايضا هذي المعاهد اللي يعرف شي عنها يفيدني عن مدة الدراسة وقوة المعهد وغيره
1- portland community college
2- green river community college
3- cuyahoga community college
4- lane community college
5- ohio university- ohio program of intensive english (OPIE)

ياليت اللي يعرف شي يفيدني ويعطيكم العافيه مقدما

يعطيكم العافية جميعااا
حبيت استفسر بالنسبة للمرافقين انا ان شالله بطلع بعثة دكتوراه وزوجتي راح تكون مرافقة ، اللي اعرفه انها تقدر تدرس لغة بس هل ممكن انها تكمل ماجستير وتاخذ بعثة مستقلة اذا كانت مرافقة؟

^^^

إن شاء الله تقدر تكمل الماستر كمرافقه دارسه!
والمرافق الدارس يضل مرتبط بالمبتعث الأساسي!!

اهلًا اخوي ماجد..
بصراحه في عندك نوفا جدا ممتازه للغه لكن نظامهم سمستر يعني يطوول ولكن فيه معهد اخر اسمه لادو ممتاز لك يعني من شهر الى شهر بس تدريسهم مو ذاك الزووود بس راح تستفيد ولو شيء قليل اذا انت حاب اللغه وودك تطور..

بعد حضور الملتقى و فتح الخدمات

السلام عليكم

بما أن أنا مسجل في ملتقى الدمام و ملتقى الدمام في أكتوبر، ما راح يكون في ضمان مالي بغرض القبول ممكن استخدمه في التواصل مع الجامعات قبل أكتوبر

استفسارات:
هل مطلوب منا نبدأ الدراسة في شهر يناير؟ مع العلم أن انا طالب دكتوراه
إذا ما قدرت اخلص اجراءات القبول و السفر قبل يناير .. ممكن أبدأ في أوغست؟ و الا في فترة معينة لازم أسافر فيها؟

أنا عندي ماجستير علوم حاسب .. و الوزارة قبلتني على نظم معلومات (نفس رغبتي في التسجيل) .. لكن في نقطتين:
1) الجامعات اللي في القائمة اللي فيها دكتوراه نظم معلومات قليلة جدا.
2) أبغى أكمل في نفس مجالي الماجستير اللي هو علوم حاسب.

ممكن أغير التخصص من نظم معلومات إلى علوم حاسب بسهولة؟ و الا راح يصير لي وجع راس؟

و شكراً

والله اخوي انصحك تجيب قبول في اي منهما وتقدمه لهم ، لأن أصلا قبول الدكنوراه صعب الحصول عليه فأنت اشتغل على الاثنين ، وبعدين غير التخصص خاصة ان بسهولة تغيره لأن تخصصك علوم حاسب في الماستر ، والحين عندك خيار ثاني نظم معلومات، يعني كل ماكان عندك خيارات اكثر زادت فرصتك في الحصول على قبول ،،،


موفق ان شالله

يعطيك ألف عافية يا غالي
ما عندك فكرة متى آخر موعد للسفر؟

والله ياغالي ماعندي فكرة ، بس يبغالك تطول بالك شوي الموضوع يبغاله صبر وطولة بال ، لازم يكون نفسك طويل هههههههه
الحين الملتقيات راح تبدأ بعد شهر ونص تقريبا وبعدها تنتظر فتح الخدمات الالكترونية وتمشي في الاجراءات لين ماتخلصها من قبول جامعي وفيزا وبعدين تسافر، في تصوري أقرب موعد للسفر من الآن راح يكون في شهر ديسمبر ، مجرد توقع؟

موفق يارب

السلام عليكم،

انا قدمت على جهة التوظيف "جامعة الامير سلطان" تخصص "نظم معلومات" لدرجة"الدكتوراة" ولم أحضر اختبار القبول والمقابلة في الجامعة، وتفاجأت بهذه العبارة تظهر على ملفي في موقع الوزارة "نهنئك باجتيازك المفاضلة، وستتم دعوتك لاحقاً لملتقى المبتعثين"!!! وش السالفة؟

يعطيك العافية،،،