الاستفسارات الخاصة بالمرحلة 13 وظيفتك وبعثتك

الفيزياء الطبية تعتبر امتداد لتخصصك والله أعلم .
ثانيا لما تحدد التخصصات المطلوبة اختاري من بينها لانه قد تقرري على تخصص الان ومايكون موجود بين التخصصات المطلوبة . فانتظري التخصصات تنزل وساعتها قرري .

بالتوفيق

أنا رح أتخرج قريب وابغا اقدم على وظيفتك بعثتك و أدرس طب
إيش الاشياء الي أوفرها

وبالنسبة للقبول من الجامعات اغلبها مو فاتحة التقديم الحين كيف أقدر أقدم عليها

ايش التخصصات الي لازم تختبر اختبارات الهيئة للأقسام الطبيه ؟
وكمان ياليت تفيدوني اذا تعرفون ايش هي متطلبات التقديم لوزارة الصحه الي كانت للمرحلة السابقة ؟؟
انا خريجة بكالوريوس فيزياء ايش اجهز من متطلبات احتاجها وقت التسجيل او وقت المقابلات وكذا ؟؟؟؟

انا بتخرج ان شالله على بداية رمضان وابي اسجل ماستر
بس وثيقتي ماراح تطلع الا متاخر
بيفتح التسجيل ويسكر ووثقيتي للتخرج ماطلعت
هل في مجال اسجل ولا لا؟؟؟
ماقدر اجيب ورقة ولا شي من الجامعه غير الوثيقه تثبت اني تخرجت على ماتطلع وثيقتي؟؟؟

السلام عليكم ، حبيت اسألكم عن نظام الابتعاث على حساب الدولة ( النظام القديم ) ، هل هي موجودة في المرحلة 13 ولا بس نظام وظيفتك بعثتك هي فقط المتاحة ؟؟

النظام القديم الغي . لكن فيه نظام الابتعاث المباشر وهو شبيه للنظام القديم ( تروح تدرس بدون عقد وظيفي او حتى اتفاقية توظيف ) ولكنه اصبح فقط للجامعات المتميزة اعتقد افضل 20 جامعة في العالم . وطبعاً الحصول على قبول في هالجامعات صعب جداً ناهيك عن صعوبة الدراسة في هالجامعات .

بالنسبة للمسارات الحالية ففيه اكثر من مسار لكن اسهلها كشروط هو وظيفتك وبعثتك .

السؤال الاول ماعندي اجابه له .
اما التقديم فمتطلباته هي معدل 2.75 من 4 او اعلى واختبار قدرات الجامعيين وان لاتتجاوزي العمر المحدد .
وزارة الصحه ماكانت طالبه شيء خاص وطبعاً حتكون اما مقابلات او اختبار ويمكن الثنتين وبناء عليه يفاضلوا بين المتقدمين .
اللي تحتاجيه وثيقة التخرج والسجل الاكاديمي وسيرة ذاتيه واذا عندك دورات خذيها معك . أيضاً لو لغتك الانجليزية جيده وتقدري تجيبي درجة جيدة في الايلتس فيفضل تختبري وتجيبي الدرجة للمقابلة .

الأهم انه الى الان لم يعلن عن التخصصات المطلوبة ولم يعلن عن الجهات بشكل رسمي ولكن حسب اجتماع الوزارة الاخير كانت 45 جهة اغلبها شركات والقطاع الحكومي شبه مختفي واتوقع ماراح يكون فيه غير كم جهة حكومية.فلازم تكوني مرنة في هالناحية وتشوفي الجهة اللي ممكن تقبلك او طالبه تخصصك سواء وزارة الصحة او غيرها .

اعتقد صور الوثائق مطلوبة للتقديم ( غيرمتأكد ويفضل تسألي اللي قدموا للمرحلة 12 ) او استفسري من حساب المرحلة 13 في تويتر .
بالنسبة للوثيقة فتاريخ نهاية الاختبارات 29 شعبان والتقديم يكون 10 شوال ويمكن لمدة 3 اسابيع يعني التقديم ينتهي بداية ذو القعدة فهذي فترة كافيه جداً لطباعة الوثائق .اذكر لما تخرجت طباعة الوثائق استغرقت 20 يوم فقط من تاريخ اخر اختبار .

الطب بصراحه اموره صعبه شوي لكن عموماً
تحتاج جواز سفر ودرجاتك تكون حسب اللي طالبينه في هالصفحه :
https://safeer.moe.gov.sa/sites/stud...s/kasreuq.aspx

ولا تنسى درجة الايلتس لازم تجيب 5 وفوق للدول الاوروبية .

بالنسبة للقبول لسى بدري عليه لما يتم قبولك من جهة الابتعاث ساعتها تبدأ اجراءات الحصول على قبول دراسي وتختلف صعوبة الامر من دولة لأخرى .

طيب الله يعطيك العافية 🌹 ، بس الحين اذا بسجل في وظيفتك بعثتك لازم اقدم أول شيء على الجهة الوظيفية ولا عن طريق موقع الابتعاث ؟