الاستفسارات الخاصة بالمرحلة 13 وظيفتك وبعثتك

لسه دوبي بدأت عشان كدا بستفسر بخصوص ارفاق وثيقة التخرج اذا فتح التقديم، سمعت اني اقدر اجيب تعريف من الجامعه يثبت اني على وشك التخرج وارفقها بدل الوثيقه.. صحيح الكلام هادا ولا بيروح عليا التقديم؟

انتي سوي الي تقدري عليه. وقدمي ، لانه اتوقع يردولك المعاملة بعدين و يطلبوا ارفاق شهادة التخرج و كشف الدرجات و شهادة الامتياز.

للاسف انا سجلت بمرحلة 12 وكان باقي شهر على استلامي لللوثيقه بس حطيت افاده اني بتخرج هالترم ورفضوني بسبب عدم التخرج وارسلت لهم اعتراض ووضحت لهم اني استلمت الوثيقه خلاص بس للاسف رفضوني ماقبلو والسبب سخيف كان بالافاده مكتوب ( اني راح اتخرج هالترم ) وهم يبون مكتوب اني تخرجت خلاص بس انتظر الوثيقه فعشان كذا اذا بتحطين افاده ضروري يكون موضح فيها انك خلاص تخرجتي بس تنتظرين الوثيقه تطلع مو يكون مكتوب متوقع تخرجك هالترم وبالتوفيق

السلام عليكم، انا تخرجت بكالوريس في June 2015 وميلادي في July 1993. ابغى اقدم ع ماستر وابي اعرف متى راح تكون اخر مرحلة اقدر اقدم فيها (اذا الله اعطانا عمر ان شاء الله)؟

وهل يحسبون العمر وتاريخ التخرج بالميلادي او بالهجري؟

وشكرًا.

السلام عليكم
كنت ابغى استفسر اذا يمديني اقدم على كم جهة توظيف بحيث اذا ما قبلتني الاولى اتجه للثانيه
ينفع؟؟
او اختار اكثر من تخصص اذا ما انقبلت في الاول اجرب الثاني؟

السلام عليكم
ذحين اشوف الردود مكتوب فيها جهة التوظيف
هل المقصود انه اقدم ع ذي الجهة وهيا تقبلني وترسلني بعثة؟
وانا ابغى ادرس قانون بكالوريس ايش جهات التوظيف؟ وهل حيكون متوفر بعثات لذا التخصص؟

السلام عليكم
جزاكم الله خير على ردودكم وتفاعلكم مع استفسارات إخوانكم الحائرين!

وأرجو أن تتسع صدوركم لتساؤلاتي
فأنا حاصلة على درجة الماجستير في تخصص شرعي، وأرغب في الابتعاث لدرجة الدكتوراه إلى الجامعة الإسلامية بماليزيا
وقد وجدت أن الجامعة معتمدة بالفعل في وزارة التعليم، لكن عندما وضعت تخصصي في قائمة البحث لم يظهر لي أي جامعة في قائمة الجامعات المعتمدة
فهل الابتعاث في التخصصات الشرعية غير معتمد حتى لو كانت الجامعة معتمدة؟ أم ماهي المشكلة بالتحديد؟

^^^

الظاهر والله العالم ما في بعثات للتخصصات الشرعيه الى الخارج!

لكن خريجين الشريعه ممكن إن يدرسون تخصصات قانون بالجامعات الغربيه لأنهم يسمون الشريعه قانون إسلامي!!

السلام عليكم، انا ان شاء الله راح اتخرج من مدرسة خاصة منهج أمريكي نهاية السنة، هل في شروط معينة و هل لازم اجيب فوق 80 في التحصيلي و انا ادرس منهج اجنبي ؟ و شكرا

أنا من مجتازين شرط العمر وحابه أقدم على الماجستير في المرحله القادمه
وأبي أستخرج الضمان المالي وقرأت وبحثت ولقيت كاتبين انه لازم شهادة بنكيه ما أستخرج ضمان مالي
لأن الضمان المالي يكون من جهة الأبتعاث
وللطلاب الي تأكد قبولهم
طيب أنا كيف وضعي الأن لان موعارفه اي شي يخص الضمان أو الشهادة البنكيه
كيف صيغتها شروطها لازم جواز علشان اطلع الضمان ؟؟
يطول استخراجها أقدر اخليها بصيغه وحده علشان ارسلها لكذا جهه
يعني مثلا بدل ما أقول الجامعه الفلانيه أختصره ب الى من يهمه الامر لأنها راح تخدمني بخطوات قادمه