الاستفسارات الخاصة بالمرحلة 13 وظيفتك وبعثتك

وعليكم السلام اذا موظف حكومي انسى تقدم \لاكن البعض كان العام موظف خاص وقدر يقدم وفصل من الوظيفه قبل السفر \\\وماندري وش يجد من شروطهم يمكن يدققون على موظفي القطاع الخاص المره هاذي

سمعت انه في خانة لمعدل السنة التحضيرية

انا تخرجت السنة الي فاتت و قفل النظام قبل لا اتخرج المفروض كانو فتحو الأبتعاث هذي السنة بشهر 3 زي السنة الي فاتت لاكن اجلوها الى شهر 10 .. يعني مو كأنهم سحبو على دفعتنا و ظمونا مع الحبايب الي تخرجو السنة هذي ؟ لن اذا النظام كذا ففيه ظلم بحيث ما اتاحو الفرصة لنا بل جعلونا نتنافس مع دفعة أخرى

السلام
طلبت نقل دولة من شهر فبراير و للحين الطلب موقف عن متابعة إدارة المبتعثين "تقييم الطلب"
للعلم الدراسة تبدي في ماي
[IMG][/IMG]

الوضع طبيعي ؟

وعليكم السلام
اللي اعرفه بخصوص القبول المشروط(أو المباشر ) انه لازم تجيبين قبول من الجامعة الي حابه تدرسين فيها وتقدمينه عند التسجيل في البوابه وبخصوص اللغة بما انك راح تدرسين ماجستير لازم يكون عندك شهادة لغة من اول يعني قبل التقديم على البوابه وعشان تجيبين القبول المباشر يطلبون منك اختبار اللغة قبل يقبلونك

وعليكم السلام
راح تقدميين كأي شخص عن طريق البوابه ولكن تحددين انه رزدينسي وراح تتوضح لك الأمور بمجرد مايفتح التسجيل
وأفضل دولة للرسدنسي هي أمريكا (كندا) حسب معرفتي انها الأفضل في الرزدينسي

على كلام الكثير ان تخصصات المرحله 13 مشابهه للمرحله 12 وبحثت لك على البوابه وتبين انه موجود ماجستير وبكالوريس أيضا لتخصص اللغة الانجليزية

بخصوص هالموضوع أنا كلمت وزارة التعليم وسألتهم عن هالشيء لكن حسب ماقاله الشخص اللي كلمته انه عادي تقدم وانت موظف أو طالب في جهه معينه ولكن بمجرد مايحاك القبول المبدئي تترك الوظيفه أو الجامعة لكن عشان تكون فالتسليم الأفضل انك تتبع الشروط بحذافيرها

الحمد لله الله يوفقه ان شاء الله
لكن مادري ايش قصدك بس بستعرض لك الحالات:
#بما انه قبل وبدا يدرس فيقدم على البوابه عن طريق الدارسين على حسابهم الخاص وليس وظيفتك بعثتك المباشر
#في حال انه تجاوز العمر المطلوب وجاب القبول هذا ك قبول مباشر ممكن يقدم زي البقيه على وظيفتك بعثتك المباشر
#أو في حال انه ماتجاوز العمر المطلوب ولَم يبدأ في الدراسة وحاب يقدم على وظيفتك بعثتك ف لازم يقدم زي البقيه على البوابه ويحدد الجامعات الي حاب يدرس فيها ويقبل على حسب المفاضله

وعليكم السلام
السنه التحضيرية التعادل في اَي دوله سواء كانت من دول الابتعاث أو لا
راح تقدمين كخريجة ثانوية جديدة وماراح يدخل اَي شيء درستيه من قبل راح تبدأين من جديد -راح يكون فيه شرط للعمر لكن بما انك توك مخلصه تحضيري يعني مافيه مشكله من ناحية العمر

وبخصوص التحصيلي هذا يرجعلك اذا ودك تجيبين اعلى وطبعا يدخل في المفاضله ولكن بما إنكم محققه الشروط إنتي بالسليم ان شاء الله لكن طبعا اذا عندك فرصه تختبرين مره ثانيه لعل يكون خيره لك و تجيبين اعلى بس لا تشيلين همه اذا ماجبتي اعلى بس الأفضل انك تجيبين اعلى عشان تكونين فالسليم

وبخصوص الايلتس :مافيه الا دول معينه تطلب الايلتس عند التقديم :بريطانيا(ايرلندا) وهولندا في تخصصات معينه طبعا
يعني لازم تكون معك شهادة ايلتس قبل تقدمين عالبوابه اذا حابه تقدمين في تخصص الطب أو الماجستير
لكن اذا بتقدمين على احد التخصصات الاخرى فما يشترط ايلتس عند التقديم على البوابه لانه بمجرد ماتبتعثين راح تدرسين فترة لغة على حساب الدولة بعدين تختبرين ايلتس بعد هالفترة وتدخلين الجامعة الي إنتي مقدمه عليها