الاستفسارات الخاصة بالمرحلة 13 وظيفتك وبعثتك

أنا الأن مبتعثة من الوزارة بكالوريوس طب وتخرجت والحمدلله بس الأن موضوعي شهادة الامتياز يعني أخذ الأفادة من الملحقية الثقافية من الدولة اللي انا فيها
ثانياً أقدر أقدم على المرحلة 13 ولا زالت الوزارة تصرف علي ولم انهي بعثتي الحالية

الابتعاث راح يفتح في اخر ديسمبر

أنا أخلص امتيازي منتصف فبراير ايش تنصحي اخي الكريم

مو متأكده ، لكن اعتقد الافاده تاخذينها من جامعتك ...

وبغض النظر كنصيحه شخصيه ممكن صائبه وممكن خاطئه، لا تشغلين نفسك بهالموضوع الى ان يعلنون موعد التسجيل للمرحله ال١٣، لان الموعد الى الان مجهول
والاعلان غالباً بيكون قبل موعد التسجيل بشهر او اكثر ، يعني بفتره تقدرين خلالها تبحثين في موضوع الافاده والتواصل مع الجامعه او الملحقيه او وكالة الابتعاث ...

موفقه ويردون عليك اهل الخبره ان شاء الله يفيدونك 🏻

السلام عليكم يعطيكم العافيع على المجهود الجبار

حبيت اسال هل التخصصات المعروضه لمرحلة الماجستير في المرحله 12 بتتغير في المرحله 13؟ لان ماحصلت شي يناسب تخصصي التربية الخاصه غير صعوبات وتوحد جدا قليله

واستفسار ثاني هل فيه برامج ابتعاث غير برنامج وظيفتك وبعثتك يكون من الوزاره يعني؟؟؟؟

وعليكم السلام ورحمة الله وبركاته
التوصية تاخذينها من دكاتره درسوك سابقًا، تطلبين منهم يكتبون لك توصية لغرض إكمال الدراسة.. وكل ما كانت المكانة الأكاديمية أعلى للشخص اللي كتب لك التوصية كل ما كان أفضل، ونصيحة اطلبي التوصية من أشخاص كنتِ مبدعه في مادتهم "مواد تخصصك"
وبالتوفيق لك..

كلام جميل!

وكل شيء بوقته حلو.. وعند ما يقترب موعد المرحله لكل حاذث حديث!!

عموما إذا قرب اعلان المرحله أو تم تحديده من الوزاره رسميا بموقعها أو تويترها!!!

حينها جهزي ما يمكن تجهيزه من وثائق تدعم طلبك بالتسجيل الالكتروني الأولي مثل أفادة التخرج من الجامعه وتصديقه من الملحقيه أو خطاب من الملحقيه يفيد بوضعك حينها!

وقدمي كل ما لديك من متطلبات للتسجيل بالمرحله 13 والتي سيتم توضيحها عند الاعلان عنها بموقع الوزارة وكذلك بعدة مواضيع هنا بمنتدى مبتعث العام القادم إن شاء الله تعالى.

======

ولا تعلقي على ذلك آمال كثيرة!
فقد يرفض طلبك بالسيستم لأنك لا زلتي مسجله مبتعثه بسيستم الوزارة!!
وتضطري للإنتظار للمرحلة 14 إذا لم يقبلك السيستم لا سمح الله بالمرحلة 13
عموما لا تيأسي وجربي المحاوله للمرحلة 13 وإذا لك نصيب فيها سيكتبه الله لك إن شاء الله.

=========

هذا والله أعلم.

تحياتي وأفضل تمنياتي.

عندي استفسار بخصوص التخصص ،
الحين أنا أبغى ادرس هندسة معمارية ،
واعرف ان في فرق بين العمارة والهندسة المعمارية ،
بس مشكلتي بأسم التخصص بالنجليزي
architecture - يعني هندسة معمارية وفِي نفس الوقت تعني عماره
architecture design - يعني تصميم معماري
ولما بحثت ما عرفت ايش الفرق بين التصميم المعماري والهندسة المعمارية !
أتمنى احد يوضحلي الفرق بينهم ،
ويكتبلي مسمى الهندسة المعمارية بالإنجليزي ،
وكمان الهندسة المعمارية تندرج تحت اي كلية ؟
وسؤال اخير ، ايش الأفضل بالنسبة للوظيفة ؟!

السلام عليكم
انا خريجة بكالوريوس محاسبة لعام 1438
واختبرت قدرات جامعيين استعداد للمرحلة 13
هل نسبة القدرات تأثر على القبول ؟
وهل ايضاً فيه مفاضلة للجامعات المتخرج منها ؟

وعليكم السلام والرحمه

ايوا ممكن تتغير .
ما اعتقد فيه برنامج اخر من الوزاره
برامجهم وظيفتك وبعثتك ، والانضمام للابتعاث ، وطب البحرين

مدري لو فيه غيرهم !