الشروط الجديده ...منتدانا وحنا حرين فيه

شروط واحد ماهوب صاحي

اخليكم مع الموضوع

هذى الشروط من المشرف العام لأحد المواقع المشهورة فنيا"
بعد ان جائته حالة من الطفش من كثر مشاكل الأعضاء والموقع
وبحكم أعجاب اردت ان تشاركونى هذة البسمة فاقرؤو ماذا قال:::

~~~~~~~~~~~~~~~~~~~~ ~~~~~~~~~~~~~~~~~~~
لقد تغيرت شروط التسجيل في المنتدى ....وتم تغيير مسمى المنتديات
لتواكب مرحلة ما بعد الحرب الباردة :

اعرفوا الشروط زين....وافهموها....و اللي ما يبي هالشروط جعل اصبيعاته
اللي طقت على الكيبورد للكسر...ولو ما عليه كلافه يطق راسه باقرب جدار....
حنا ما نلعب....واللي يبينا حياه الله بيننا....فهمتوا ياالجحلط

بما ان هذا الموقع موقعي بلحالي لابارك الله فيكم ولا في الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات الهايلكوس
وبنروح ونطعس فيه باقرب طعس ...همني قايلكم حنا ما نلعب

2- لما تكتب موضوع خل البقيه يجون ويتميلحون ويتهاوشون بس بحدود
وخلهم يذبون براحتهم.....واللي بيقلبها سب...عز الله ان امه داعيه عليه...
لاني ابحتريه وقت صلاة الفجر بالعجرا وابشخمط وجه وابخليه يغني اغنية...
خروفي خروفي لابس بدله صوفي...له عينين واربع رجلين...
من كثر ما امحطه بالعجرا.....همني قايلكم حنا ما نلعب

3- اللي بيخربط بالدين ولا بالسياسه....هذا عذابه عذاب
ابخليه يتخيل انه قرد ولا عمره ذاق موز....وابحجز له على
اقرب رحله على طياره ترش الجراد وابرقي فيه على ارتفاع 50000 الف
قدم وابجدعه على خوص نخله...علشان ما يتعود لها همني قايلكم حنا ما نلعب

4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

5- الساحه الرياضيه لكم ثنتين...واللي ماهو نصراوي لايوطوط فيذاك ....
ساحة ابو جدي وانا حر فيها ولا عندنا ديمقراطيه....
ولا عمرنا سمعنا فيها وهي وشهي...هي الديمقراطيه حاجه تنوكل <<<ما قلنا تنشرب

6- مسموح الذب...والذب هي كلمه اتيه من الذباب
وهي فعل مضارع جمع تكسير مضارع بسيط...فهمتوا...صح ولا ماهو صح...
قولوا صح لابارك الله بالساعه اللي جمعة هالخشش فيها...واللي بيزعل
من الذب بنخربط وجهه ونخليه يطالع في المرايه ويطلع الاخطاء التسعه عشر....
ايه تسعطعش. ..ساحتنا وحنا حرين فيها

7- ياويلك ويا سواد ليلك لو تعطي احد كلمة الضروس....
الا عندي سوال ليه سموها كلمة سر...ليه ما سموها كلمة خشم ولا ضرس
ولا مصران احول قصدي اعور.....طبعا قايلكم ساحتنا وحنا حرين فيها

8- اللي بيسجل باسماء قبايل وعوايل...ولا مخله بالادب....
هذا بنوديه لا اقرب شيخ وبنكويه مع علباه...وبعدين بناخذه لا اقرب قليب...
وبنغطسه وبنطلعه...ونغطسه ونطلعه الين ماهي خلف الين مايقول....
ان التفحيط ما هو بالشطاره ولا بالمصاله.....
التفحيط فن يا هوووووه واشر لي بالمنديل يا هووووه قال انا ماشي....
اقول لا تكثر بربستكم يا هوووه....وش هالمسكه الغلط.....همني قايلكم ما نلعب...

9- قريتوا الشروط........هاه عجبتكم....فهمتوها... طيب ما عندنا تسجيل هالايام....
واللي يبي يسجل معنا يرسل لي ايميل على التلفون حقي اللي ماني ذاكره لكم...
لان الدعوه عناد...واللي براسه حب ما انطحن....تراي ابطحنه له....
واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

10- كلنا عيال قريه وكلن يعرف خيه...

11- هماني قايلكم حنا ما نلعب

الان اسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا

* منتدى شاعر في المشمش......المنتدى الشعري سابقا

* منتدى مواضيع مهناش احد.....منتدى المواضيع الجاده سابقا

* منتدى معاهم معاهم عليهم عليهم. ...المنتدى الرياضي سابقا

* منتدى ياهلال ياهلال كخ كخ....منتدى الهلاليين سابقا

* منتدى كن صديقي.....منتدى المواضيع المتميزه

بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا

بالنسبه للمحادثات....تسان ودكم نسوي لنا طلعة بر على الطبيعه ازين...

ملاحظه......

اللي بنكتشف انه رجال مشورب ويكتب باسماء اناثي...
ولا اناثي تكتب باسماء رجاليه هذولي بنخلي خششهم كلمات
متقاطعه يصعب حلها.....والله ما يضرب بعصا يا سرع طيحتهم - -

ههههههههههه

من جد شروط تعجيزية

ههههههههههههههههههههههه

طيب ما بوافق على شروطه :p

يسلمو عزوز *_^

اقتباس:

---

ههههههههههه

من جد شروط تعجيزية

---

هههههههههه
اي تعجيزيه الا تهجيجيه <<<يعني تخلي الواحد يهج من عندهم :D

اقتباس:

---

ههههههههههههههههههههههه

طيب ما بوافق على شروطه :p

يسلمو عزوز *_^

---

هع
اصلا فيه احد بيوافق على شروطه؟
شوي ويضربك :D

فللللللللللللللللللله

انا موافق على جميع الشروط وين التقديم يا عزيز :D

عزوز الله يهداك هذا مو منتدى...............:p

هذا طال عمرك واحد شابك وايرلس من حوض الددسن حقه بعدما البعير لحقه مسافه والرجال

موصله معه...................:D

يسلمووو.......

اقتباس:

---

فللللللللللللللللللله

انا موافق على جميع الشروط وين التقديم يا عزيز :D

---

هع تقديم وشو ؟
وظايف هي
لا لا حنا ما نستخدم الا الحكومه الالتكترونيه :D
تقدم من النت

لا والمفاجأه














تقدر تدخل المنتدى من النت




تصدق !!!

اقتباس:

---

عزوز الله يهداك هذا مو منتدى...............:p

هذا طال عمرك واحد شابك وايرلس من حوض الددسن حقه بعدما البعير لحقه مسافه والرجال

موصله معه...................:D

يسلمووو.......

---

بصراحه تحليل منطقي :D
مشكوور على مرورك

ترا اللي تشوف هياطه واجد ..
اعرف انه خرطي ومن جنبها وماوراها مايغطيها << علم نفسك :D
طابت النفس من التسجيل يشيخ
خله يطس هو ومنتداه لابارك الله فيه
ولا في اللي علمه وشهو النت :D
هذي اخرة اللي يعلم الطعوس وشي العولمه :D

أتوووقع اذا كثررت المشاكل هنا
ماله المشررف العام اللي يحط هالشروووط
والله انها فللللللللللة
ولووو اشووفها اسجل علىىىىى طوووووووووول واطفش اللي حطها
:D :D
تثلموووووووووووووووووووووووووووووووووووووووووووووو ووووو عذووووووووذ

خخخخخخخخخخخخخخخ

الظاهر هذا منتدى

قلي بس وش اسمه ولك اللي تبي ....

تدري عاد لو شفتها اول ما اسويه بعاند واسجل بسم رجال وعقبها احووووووووسه هو وهالمنتدى الخربوطي

صدقني ما راح يسوي فيني شيء بعجبه بقوه

ويقرر يمسكني الاشراف في منتدى كن صديقي خخخخخخخخخ

همني قايلتلكم حنا ما نلعب ( :