وشلون بيكون شكل الملتقى بعد التوقيف؟

لا تقول ياسياتل
حتى لو أتأجلت البعثات
هذا لايعني إنتهاء الحياة
بالعكس
لا يزال الأمل كبير بإذن الله
وما دام أتجمعنا هنا على حب العلم والتعاون
إن شاء الله ربنا يكتب الخير للجميع
ومو معقول خلاص بمجرد تأجيل موعد فتح السفارة
تنتهي الأخبار وتموت الهمم
لسه بدري على التعب والشقا

مسافرهـ

April 29th, 2006, 04:45 PM

رد مع اقتباس

7 "

والله ياسياتل انا تظايقت كثير من موضوع التاجيل:gr_908: :gr_908: :gr_895: :gr_908: :gr_908: :gr_896: , وبقدم على اجازة اسبوعين بسافرفيها ابي انسى هم الوزارة..........بس املي بالله كبير.

shuja3

April 29th, 2006, 05:07 PM

رد مع اقتباس

7 "

الصبر مفتاح الفرج ....................... اللهم فرج همي وهم المهمومين .................. آمين
كل تأخيره فيها خيره...................
الملتقى حلو والناس إلي فيه احلى...........................:gr_876:

ورطان

April 29th, 2006, 05:46 PM

رد مع اقتباس

7 "

مرحبا... اخواني ..

لي تعليق بسيط اتمنى يلااقي قبول ..

اولاً .. كلامك اخوي "سياتل" منطقي جداً وفي محله .. خصوصاً ان الفتره اللي مضت كانت مليئه بالنشاط والتجديد..

ما أنكر ان الموضوع اختلف نوعاً ما...خصوصاً ان فيه أسماء مهمه جداً بالمنتدى قلت مشاركاتها .. او اكتفت بالتعليق..

بالرغم من تميز اسمائهم ومواضيعهم " على سبيل الذكر وليس الحصر" الاخ ابو عمر , الاخ ميكافيلي , ولاتحضرني اسماء البقيه..

اضف لاسماء مميزه انا متوقع ان نشاطها هينقص شوي .. على سبيل المثال لاحصر.. هيلب..سامي الشاطري..نمر..فاست100 ...والبقيه معروفه..

وطبيعي هالشي يصير.. اش هيقدمو للمنتدى بعد الجهد اللي قدموه..وبعد التاجيل الصدمه لاغلب الاعضاء..

ثانياً ودي اقدم اقتراحاات عل تاتي ثمارها بمعاونة الجميع .. خصوصاً المصدومين..والاخوان المتواجدين بامريكا حاليا"

في البداية .. الحمد لله .. على التأخير .. وهذي فرصه للاخوان اللي ما جهزوا اوراقهم للنشاط والركض .

الاخوان اللي ماحالفهم الحظ ..وعسى ان تكرهوا شيً وهو خيرُ لكم..
الاخوان اللي رتبوا شنطهم ونفسياتهم للسفر..
يهدوا من انفسهم ويرجعوا الشنط ويستغلو الفرصه .. في البقاء من امهاتهم ..لان الام ثروه عظيمه لاتشعر بفقدانها الا عندما تحرم منها ..الله يخلي لكم امهاتكم انشا الله..

وطالما .. احنا هنا جالسين
ومن البلد مو طالعين ..
وبملتقانا متواصلين .. ولقرارات الوزاره مطنشين..وعلى الصدمات متعودين

**
خلونا نغير السياسه اللي المنتدى ماشي عليها الفتره السابقه على الاقل من دخلت انا الملتقى وانا مركز على الوزاره والقبول واللي يدور بمحيطها..

يعني فيه فرصه حلوه .. نتعلم فيها كم كلمه .. على كم جمله ..على كم قاعده..
ونشترك فيها ككل .. يعني احسن الواحد لما يسافر يكون عنده كميه كبيره من المعلومات.

**
الاخوان اللي موجودين بامريكا ..هذا وقتهم معانا .. يعني يقولون لنا عن المواقف اللي حصلت معاهم .. وعن اجوائهم النفسيه .. والدراسية .. والعقبات اللي مرت عليهم ..

والاشياء اللي عجبتهم .. من ناحية الولاية او الاشخاص اللي قابلهم او الثقافات اللي قابلها..

واشياء كثيره تدور في هالمحتوى..

نقطه مهمه
... حاول تثقف نفسك دينياً ... لانك في الاصل مبعوث لاحياء كلمة الله ... وانا متاكد الامريكان او اي جنس اخر هينظر لك على انك مسلم .. واغلبهم عنده فكره سيئه عن الاسلام .. واجب عليك تصححها.. وجزء منهم وده يشوفك يالمسلم اش تسوي ولاتظن انك هتكسب احترام الاخرين اذا انك تقمصت دورهم او ثقافتهم ..

*****

بعض الاخوان .. يفكر الموضوع فله وسعة صدر " والحقيقه انه لا الا تعب وضيقه وغربه ..اســـأل مجرب ولا تســـــأل طيب..

طعم الغربه مر ..خصوصاً اللي ما سبق له وذاقه..هيتعب منه ..

استعينوا بالله واصبروا.. ان الله كان مع الصابرين ..

** عموماً عشان الكلام ما يكثر ويصير ممل ....

انا هطرح كم سوال .. قد تكون بداية لتغير النهج اللي مشينا عليه الفتره الماضيه
ومتأكد ان اي شخص جديد هيلاقي كل اجابات اسئلته في مواضيع الاعضاء السابقه...ومتأكد 100% انه هيلاقي تعاون ومساعده من اغلب الاخوان في الملتقى كعادتهم ..

مواضيع مقترحه للنقاش والبحث.. على شكل اسئله ولكم الراي..

1) اسباب سفرك مع البعثه؟
2) ماهو هدفك من الدراسه كلاً حسب اختصاصه؟
3) هل سبق وسافرت بعيد عن الاهل ؟ وكم المده؟ وهل شعرت بالغربه؟
4) هل لديك معلومات كافيه عن الولايه ..وعن شعبها..وماهو مصدرك ؟
5)لو كنت موظف بمرتب جيد جداً .. هل ترا ان البعثه أهم ..ولماذا ؟
6)هل لديك قناعه..بانك ذاهب لمهمه قابله للنجاح وللفشل؟
7) هل لديك قابلية للاندماج مع الاخرين .. وتقبلهم بثقافاتهم ..والتي تختلف كلياً عن ثقافتك؟
8) هل ستعود لاهلك وانت كما كنت ذو مبادئ وقيم وثقافه .. ام ستتجاهلها مع الغربه .. وتلبس مالبسه الاخرين ؟؟

ولكم ودي ,,, واعتذر على الاطاله ..وعدم تنسيق الموضوع ..اعتبروها خربشات مبتعث على قائمة الانتظار