فلوريدا - تامبا

وبفضل من الله تخرجت من جامعة الملك سعود ( رحمه الله ) .. وجلست عاطل لفتره .. لما طقني الطفش وقررت اقلد العالم بموضة الابتعاث وقررت اني اطلع بعثه على حساب سيدي خادم الحرمين الشريفين الملك عبدالله بن عبدالعزيز ال سعود (حفظه الله ورعاه)(بابا متعب) .

وقررت التوجه الى امريـــكا ولكن هنا بدأت اول مشكله !! وين اروح اي ولايه ... وبديت استشير الاصدقاء وكل واحد يعطيني حكي ... وزادت حيرتي , وكان الله في عوني .. وقررت احط كم مدينه في راسي وافاضل بينها وهذا الي صار وكانت نتيجة المفاضله كالأتي :

لوس انجلوس > غاليه مرره + مرره + مررره
سان فرانسيسكو> مدينة الشواذ+مدينة الإجرام+غاليه مره
نيويورك > غاليه مره + مره + زحمه مره + مررررره + بمعدل كل دقيقه يحصل فيها جريمة قتل
ميامي > حلوه وسياحيه بس يقولون تطفش منها + فيها خوال معهم مسدسات ويخوفون +تصلح سياحه فقط(مع العلم ان السعوديين ماتصلح لهم ميامي ,, والسبب ..كل واحد يرفع فنيلته ويشوف كرشته .. قسم بالله كنها كرشة مزارع مكسيكي وزنه 94 وعمره 62 ) يعني مثلكم عارفين ميامي مدينة بحر
تامبا > سمعت عنها كثير ويقولون انها حلوووه + هاديه + رايقه + بطله + مجنونه+بناتهم مايتغطون+ وعندهم بنات يسوقون سيارات

هههههههههه فعلــن هذا اللي اشوفــه.. بس سالفه بنات ما يتغطون جديده علي صرآحه



وبعد التفكير قررت اني اتوجه الى (تــــــــــــامبا TAMPA) .. والي دخل تامبا في راسي واحد من الشباب كان يدرس فيها .. كنت جالس معاه في مقهى المسافر نشيش الساعه 3 ونص الفجر والعالم تختبر اختبارات نهائيه < هههه ذكريـآت مقهى المسـآفر بالله عاجبــك الوضع فيــه ولا الجلسـآت الخايسـه ههههههه يا لبى معسلهم بسّ..



المهم جلست ابحث عن هذي المدينه الخياليه في قوقل وطحت في المنتدى هذا .. منتدى رايق صراحه وكل الشباب والبنات خدومين ماشاءالله .. المهم انا استفدت من مواضيع كثير من الاخوان بس عندي اسأله تحتاج لإجابات .. وكل شخص يجيب على الي يقدر من الأسأله و 3.2.1. بسم الله

1- كم عدد المعاهد المعترف فيها من قبل الوزاره في تامبا ؟ ومافي افضلها (حسب تجربتكم)؟
المعهد المعترف فيه في تـآمبا معهد وآحد تابع لجامعه USF و جـآمعه UT ما لها معهد بس تقدر لمن تخلص من معهد USF تنقل لـ UT



2-لو جاني قبول مشروط في جامعة USF ودرست اللغه في معهد الجامعه واعتقد اسمه ELI .. هل اقدر ادخل الجامعه بمجرد اجتياز الخمس مستويات ؟ ولا لازم اخلص الخمس مستويات واختبر توفل واجيب الدرجه المطلوبه ؟ ولا اقدر اختبر التوفل واجيب الدرجه المطلوبه وادخل الجامعه حتى لو ماخلصت الخمس مستويات ؟ كيف نظام القبول المشروط ؟؟ ارجو من احد الاخوان يوضح هذي المسأله

جـآمعه USF ما تقدر تدخلها بمجرد انك تخلص المستويـآت يطلبون التوفل وجيمـآت غيرهـآ يعني دخولها صعب.. انا ادرس حاليا في نفس المعهد وما افكر ادخل الجامعه لان دخولها صعب.. بس للماستر.. ما ادري ..
3-وش احسن واكشخ .. اني ادرس في جامعة USF او UT ؟ وهل فيه وحده اصعب من الثانيه ولا كلها لها نفس مستوى الصعوبه والسهوله ؟ ووين الاقي طلاب سعوديين اكثر في اي جامعه من هذولي ؟

والله بصرآحه انت دام تخصصـك بزنـس انصحك تدرس المعهد في USF وبعدين تنقل UT لانها قويه في مجال البزنس وكلها ترى فيها سعوديين السعوديين في كل مكان ابشرك..جامعه UT تعتبر جامعه غاليه والي يدخلها يعتبر كشخـه عند الامريكـآن..

4-هل صحيح ان جامعة UT تقع في منطقه ارقى وافضل من المنطقه الي تقع فيها جامعة USF ؟وهل صحيح ان اسعار السكن بجانب جامعه UT اغلى من اسعار السكن في جامعة USF ؟ وكم تقريبأ اسعار السكن بالقرب من الجامعتين ؟

ايـه نعم جامعه UT موجوده في Down toun ومنطقه رايقــه واسعار السكن مناسبه والمكأفئه راح تكفيك وزوود..


5-لو كنت ابدرس في جامعة USF من الطبيعي اني ابدور منطقه امنه واببعد عن المنطقه الي حول الجامعه لاني حسب ماسمعت انها تخوف ومو امنه .. فلذلك ابروح اسكن في NEW TAMPA بس يقولون تحتاج سياره صح ؟ طيب مو مشكله ابشتري سياره .. بس المشكله كيف اطلع الرخصه ؟ وكيف الإجراءات ؟ وهل لازم اكون كويس بالأنقلش عشان انجح في اختبار الرخصه؟ وهل اقدر اطلع رخصه من تامبا؟ .. وكم تاخذلها وقت عشان توصلني الرخصه .. وهل عندهم واسطات في الرخص مثل ماعندنا في الرياض .؟
NEW TAMPA هذي قريبه من USF لكن ما عندي خلفيه عنها.. بالنسبه للرخصـه امورهـآ طيبه لا تخاف تقدر تسوق بالرخصـه السعوديـه فتره محدده يعني ما تفلهـآ عرفت.. وبعدين تطلع رخصـه وعندهم النظام نظام ما فيه شي اسمه وآسطـه ..
اول ما تجتاز الاختبار يعطونك ورقه تسوق فيها.. ويوصلك الرخصه بعد شهر ع بريدك..

6-بما اني دايم تعبان (فيني مرض التهاب الامعاء المزمن<كرون>..الله يعافيني قولو امين ) هل توجد مستشفيات على مستوى رفيع في تامبا ؟ وكم عدد المستشفيات ؟ وهل فيه مستشفى قريب من اي من الجامعتين السابقة الذكر
المسـتشفيات وآجد بتـآمبـآ.. ومستواها جدا ممتـآز..ما تشوف شر يا رب والله يشفيك..

7- لو ابشتري سياره موستنج 2009 لونها ابيض كشف .. بكم تتوقعون الاقيها ؟ وهل عندهم تأجير منتهي بالتمليك ؟
0 (يعني تراني بطل)
بصرآحه تفكيرك قريب من تفكيري.. اهنيك ع اختيار الموتر.. بالنسبه للموستنق اسعارها رخصيه هنا مو زي سعر السعوديه.. يعني تقدر تطق لك موستنق جديده وكـآله بس يكون اقل نوع بحدود 20 الف دولار واذا بتاخذ مستعمل بتحصل رخيص بس ترى اسعارها تختلف..

8- فيه مقاهي شيشه في تامبا ؟ وبكم سعر الدخان (دنهل) ؟ والي يبي اجيب له دخان وانا جاي يتواصل معي
مقـآهي فيه عربيـه والوضع فلـه يا صـآحبي..ووالدخان لا تسألني عنه مالي فيه وما ادري كم سعره.

9- لو طقني الطفش في الويكند وقررت اسافر لميامي او اورلاندو .. هل فيه باصات توديني هناك ؟ وكم اسعارها ؟ ولو كان مافي باصات .. هل في طيارات تودي هناك (اكيد فيه .. يلعن اوم سؤالك النايم هههه) وبكم اسعار خطوطهم الداخليه .؟ هل هي غاليه مثل خطوطنا ؟
فيه قطـآر يوميا الساعه 12 الظهر يدز ع ميـآمي ..وبعدين وش فيك مستعجل لا طقيت موتر دز ولا مع اخويـآك عرفت . بتجيك ايام فله لا تستعجل ع رزقـك..

10- لو طقني الطفش في الويكند ولا لي خلق اسافر(بالعربي طفرااان) .. هل فيه اماكن حلوه في تامبا توسع الصدر .. يعني اماكن ينبسط فيها الواحد .. يعني يغير جو .. يعني مثل شارع المعارض في البحرين(عشان مايفهمون البنات هههه) مجرد استفسار فقط
ايــــه كل شي فيه.. ايام المقاهي بالرياض والعليآ.. والتجلحط عند باب الاسواق تبي تدخل راح تنساها.. اصلن تامبآ كلـها فله مدري ليش ماخذ فكره ان ميامي واورلاندو هي اللي فله.. تـآمبا مشهوره وفيها اماكن سياحيه وترفيهيه واجد..


11-هل منطقه الNEW TAMPA قريبه من جامعة UT ؟
سبق التعليق.

12- المنطقه الي فيها عماير واسواق ومحلات وسوبرماركتات ( ههههه حلوه سوبر ماركتات ) .. وين الاقيها بقرب اي جامعه من الجامعتين السابقة الذكر ؟
المنطقه هذي بتحصلها بقرب جامعه UT


13- الي ماخذ شقه ويبي خوي نظيف وحبيب ويجامل كثييييييرويعزف على القيتار تراني موجود وبالخدمه بس اهم شي شقه نظيفه ونسوي بارتيات في الويكند ووقت الدراسه للدراسه



14- الي يقدر يفيدني عن تامبا او السكن في تامبا او الجامعات او اي شي يضيفني SOSO_9876 هــوتـميل ( والله الوالده بتدعيله كثير)




شطحه : تراني جاي ادرس ماجستير في الإدار


ياناس السؤال ال10 مهم بالنسبه لي ياليت احد يجاوبني عليـــه

3ZZAM + سلطان الابتعاث + باقي الاخوان <---- لكم جزيل الشكر على المعلومات الي افدتمونا بها

يـآخوي يا كثر اسئلتـك < هههههههه امزح معك تحت امرك واذا احتجت شي انـآ حـآظر.. بالتوفيق..واتمنى اني افدتك..

سلطان الابتعاث <---<< يعطيك العافيه يابطل وشكلي ابدرس في معهد ELI واجيب قبول في جامعة UT , والله انك ابطل واحد في تامبا وادري ان قرقي(كلامي) واجد وأسألتي ماتخلص(تحملني شوي) ,, بس بما انك ابطل واحد في تامبا ابي اجمع كم سؤال الحين وانا نايم على فراشي وإذا صحيت ابقولها لك ولك مني جزيل الشكر . . .

ههههههههههه ع العموم بضيفك ع الايميل.. واحلام سعيده..

^
اخوي سلطان الابتعاث .. حاولت ارسل لك رسالة خاصة لكن المنتدى يشترط أكثر من ٣٠ مشاركة!

ياليت ترسل لي إيميل ابغى اتواصل معك بخصوص مدينة تامبا و جامعاتها
بوركت اخي

حبيت انبهكم ياشباب ان جامعة ut تامبا موقفه للاسف خلاص ماافي امل فيها انا عندي قبول جبته على حسابي ..ورحت لكن الملحقيه مارضوا ضيعت وقت على الفاضي وقفة الجامعه يعني لحد يفكر والله يوفقكم واذا احد مو مقتنع يكلم الملحقيه

مصرقع شاكر.. لك. والله اللي اعرفه قبل شهر واحد من الشباب قدم عليها وعطوه القبول..فما ادري القرارات تتغير في يوم وليله..

اممممممممممممممممم طيب تعرفون فيها عوايل ودي أنقل لها بس مشكلتي أبي أعرف سعر الحضانات
وثاني شيء أبي سكن آآآآآآآآآآآآآآآآآآآآآآمن يعني كوندو مو بيت ولا بارتمنت أبي عمارة مليون دور ولا أحد يدخلها الا بسكيرتي
أبي غرفة وحمام أو غرفتين كم أحصل سعرها بمطنقة رايقة وشغل نظيف؟

اهلين اخووي..المدينه ممتازه للعوائل والله انا ما عندي خلفيه بس والله عشانك جلست ابحث لين حصلت موقع طرحه احد الاشخـآص عن الحضـآنـآت بأمريكـآ ويا ليت يفيدك.. http://www.childcareaware.org/en/

حسب ما قال انه مجـآني او بسعر رمزي..

بالنسبـه للسـكن بتحصل نفس اللي تبيه ويكون حول الجامعه وله سوكيرتي.. من 900 الى 1200 بالشهر..وبالتوفيق..

والمناطق كلها ع فكره امنه ولله الحمد ورايقه ..