واخيرا تحقق الحلــــــم...والماستر اصبح حقيقه في أمريكا

:yeah:اولا كل عام وانتم بخير ...وشهر مبارك على الجميع ..واسأل الله ان يعيده علينا والامه الاسلاميه بالف خير:red_indian:

الحمدلله ...فبعد توفيق الله صدر قرار ابتعاثي من جهه العمل لدراسه الماجستير في أمريكا...(ثلاث سنوات بما فيها سنه لغه)

والحقيقه...ان تجربه البحث عن الجامعات ومراسلتهم وايضا اختبار التوفل وايضا الاجراءات في العمل اكسبتني خبره كبيره ..وفعلا كانت تجربه رائعه وسوف ان شاء الله اسردها لكم لاحقا في احد مواضيعي القادمه عسى ان تفيد الجميع..:yeah:وكل شي عملته بنفسي من نقطه البحث عن الجامعات وحتى القبول وايضا السفاره...يعني لازم الواحد يعتمد على نفسه وتراها مرررررررره سهله ..(فقط تحتاج كمبيوتر +انترنت+طابعه +وشويه لغه بسيطه)
المهم..............
فقط احببت ان اذكر هنا فكره جديده ...خطرت على بالي اثناء البحث عن معاهد اللغه في امريكا ....واعتقد انها فعلا رائعه خاصه في مسأله اللغه وطبقتها ...وايضا لا اعلم هل تنجح ام لا...اريد ان اخذ رائكم في البدايه عن هذه الفكره ..ومدى نجاحها..

فكرتي تكمن في الاتي :
عندما حصلت على قبول مشروط للماستر ... فكرت في الطريقه الجيده لاكتساب اللغه في بلد يكثر فيه الطلاب السعوديين والعرب بصفه عامه خاصه في الجامعات.... فقلت لماذا لا ابحث عن مكان يندر فيه وجود العرب....قويه....المهم في العاده الطلاب المبتعثين..وخاصه البكوريوس السابقين ..يدرس في معهد اللغه التابع للجامعه..او في معهد عادي اذا لم يكن في الجامعه لغه....فلذلك عزمت ان لا اسجل في اي معهد لغه تابع لجامعه ولا اي معهد لغه...قلت ياولد ..دور على كليه مجتمع تخرج دبلومات..(ليه!!!!) لان الوزاره ماتبتعث دبلوم فبالتالي لن تجد اي سعودي ...ثانيا تكون الكليه هذي في مدينه صغيره وحولها مدن كبار (علشان الفله وسعه الصدر ..تعرفون اللغه لازم يفلها الواحد...بس بانضباط وتعقل..لايروح تفكيركم بعيد..)

المهم راسلت كليه مجتمع وجبت منهم قبول لغه وانا ان شاء الله رحلتي يوم 9/9/2009م (تحسون التاريخ منسق...ولا بعد..يوم اربعاء ..يعني تاريخ حلو ويوم حلو....بس عاد في رمضان ..والله يعينا ويوفقنا في الصيام ان شاء الله)

وللعلم انا سألت منسقه القبول عن عدد السعوديين في الكليه وقالت بس واحد فقط..وايضا لا يوجد عرب فل تايم في اللغه ..وش رايكم..
المهم انا انصح اي واحد يروح امريكا انه يحاول ان تكون لغته في كليه مجتمع تخرج دبلومات.


.و ان شاء الله لاحقا اقولكم هل نجحت التجربه ام لا..
بس ادعو لي بالتوفيق...
وشكرا

والله فكرة حلوة .لكن هل التعليم العالي يقبل فيها .وهل تعرف كلية مجتمع في فلوريدا ؟
ولك الشكر

اخوي السلام عليكم الفكره شكلها حلوه لكن قلنا الطريقة كيف هي بالتفصيل وهل فيه اختبار توفل لازم اذا جيت اكمل الماجستير ولا على طول اكمل في الجامعه بدون اي اختبار يعني كانه قبول مشروط وهل المده تزيد عن سنه ولااكثر ولك مني فائق الشكر والتقدير لاني طاللع امريكا ان شاء الله

صاحب الهمه:yeah:
شكرا لمرورك.......:no2::no2:..وبالنسبه لفلوريدا تقدر تبحث عن (community colleges) اللي فيها....وتشوف هل عندم برنامج لغه او لا...ولا يقصر الشيخ قوقل...بس حط هالثلاث كلمات وشف النتائج(community college+ESL+florida) وان شاء الله تحصل....:no2:
S2008:yeah:
الماستر في امريكا لابد ان تختبر التوفل...يعني ما يعطونك قبول بدون توفل...بس ترى مو شرط انك تجيب الدرجه اللي يبون..بمعنى خش التوفل وجيب درجه مثلا فوق 60 او 50 في الانترنت ....وان شاء الله يعطونك قبول مشروط على اساس تدرس اللغه عندهم..
عاد انت لما تجيب قبول مشروط منهم تقدر تغير اللغه على كيفك...يعني في كليه مجتمع زي ما سويت..:roll:
على فكره الجامعات اللي اعطتني قبول مشروط هي
GWU في واشنطن
SMU في تكساس
GMU حول واشنطن دي سي في فرجينيا الظاهر
وفيه جامعه رابعه بس نسيتها وايضا سحبت عليهم من البدايه وذلك لكون برنامج الماستر عندهم ما اعجبني..
...........
واي معلومه انا في الخدمه.....:no2::no2:
ويمكن اقدم مساعده للي يبي قبول ان شاء الله لما اكون في امريكا...
تحياتي:no2:

الله يوفقك ان شاء الله ويسهل امرك ويسهل امورنا

بالتوفيق انشاء الله
وربي ييسر امور الجميع زي ما تيسرت معاك يارب:roll:

Princesss
شكرا........لمرورك ودعوتك......وفقك الله فيما تصبو اليـــــــــــــــــه
Honeyola
مروركي اتحفني.............وبالتوفيق ان شاء الله........وان شاء الله تتيسر امورك...ونشوفك في أمريكا ...ومعاكي الشهاده الكبيررررههههههه....
وشكرا...........

لمن ارسل لي رساله على الخاص..
لا استطيع الرد لقله مشاركاتي ..
اما بالنسبه لجامعه GWU ولمن سأل كيف حصلت على قبول مشروط منها فهو لان لديهم نظام برنامج اسمه GW/SEAS مع جامعه جورج تاون ويستطيع اي واحد حصل على 60 وممكن اقل من ذلك في التوفل(للعلم 60في الانترنت=503 في الورقي) انه يقدم عليه وبذلك ياخذ منهم قبول مشروط...

انت شنو التخصص الي مقدم عليه في جورج واشنطن ...؟؟

و هل ممكن اني اقدم على اي تخصص عندهم عن طريق البرنامج الي قلت عنه GW/SEAS

و اشرح لي بالتفصيل الله يجزاك خير كيف اقدم عندهم

درجتي التوفل تطابق المطلوب

و الله يوفقك انشاء الله

طيب جامعة جورج واشنطن ما يطلبوا جيمات او جي ار اي ؟؟

الله يجزاك خير اخوي M-Street
بس انا ابغى اقدم على ماستر...والمشكلة لما كلمتهم قالو ما نعطيك قبول مشروط الا لما تجيبي 600 في التوفل ... وهذا الكلام الى قبل 3 شهور ...بس تتوقع تتغير نظامهم ...او تفرق من تخصص للثاني؟؟؟

الاخت lala 2006
شكرا لمرورك...وسوف اسرد لكي قصتي مع gwu يمكن تفيدك...
بالنسبه لجامعه جورج واشنطن فكنت مقدم على تخصص (Systems engineering) تابع لكليه الهندسه والعلوم التطبيقيه..واعطوني قبول مشروط بالنسبه للغه ...بس ترى ما اعطوني الا بعد ما اختبرت التوفل وكنت مرفق خطاب موقع مني بان لدي بعثه تشمل سنه لغه انجليزي ووضحت لهم باني ارغب في الانضمام لبرنامج اللغه مع جامعه جورج تاون حسب الاتفاقيه اللي قرأتها في موقعهم وسميت اسم البرنامج لهم وكان هذا الخطاب ارسلته مع جميع اوراقي...يعني وهم يراجعون ملفي وعلى حسب درجتي عندهم في التوفل قررو انهم يعطوني القبول المشروط على شرط اني اجيب التوفل ...وحولوني على مسئول برنامج اللغه ليتم ارسال طلبي لجامعه جورج تاون ..وبالفعل جاني ايميل من جامعه جورج تاون وطلبوا اني اعبي ابلكيشن من جديد للغه....وحسيت ان السالفه مطوله وانا ابي اكمل اوراقي بسرعه ..ولانه جاني قبول مع عده جامعات ومن ضمنها جامعه كنت مركز على القبول فيها وهي جامعه البوليتكنك في نيويورك....بطلت اني اكمل اجراءات اللغه مع جامعه جورج تاون....

انا لا اعلم هل تغيرت انظمتهم بعدي او لا...المهم القبول حقي كان قبل 3 او 4 شهور ... وترى القبول في الجامعات الامريكيه يركز على الخبرات والسيره الذاتيه وايضا على خطاب الغرض من الدراسه...وايضا على شي مهم انا كنت مسويه ...كنت مشترك في منظمات عالميه هندسيه ..وكنت ذاكرها في خبراتي...يعني قالوا هذا حق بحوث وشغل دراسه

ارجوا ان تعم الفائده للجميع...
تحياتي

الله يوفقك ويساعدك في دراستك

الله يوفقك يارب

مبروووك الله يوفقك يارب..

وعبجتني طريقة تفكيرك ربي يسلها عليك ويوفقك يارب:)

ابراهيــــــــــــــــم المطيري
شكرا لمرورك والله يوفقك........
Milk Sahke>>>
انا اللي اعجبني اكثر....مرورك...والنك نام..اختيار موفق..
تحياتي

اخي الكريم
لقد بحثت عن كليات المجتمع ولكن وجدت ان اغلبها لا تصدر I-20 وانا اخاف انها غير معتمدة من التعليم العالي ولك الشكر